ਮੰਦਿਰਾ ਬੇਦੀ ਦੀ ਫਿਟਨੈੱਸ ਨੇ ਕੀਤਾ ਪ੍ਰਸ਼ੰਸਕਾਂ ਨੂੰ ਹੈਰਾਨ (ਵੀਡੀਓ)
05/21/2021 11:45:31 AM
ਮੁੰਬਈ: ਅਦਾਕਾਰਾ ਮੰਦਿਰਾ ਬੇਦੀ ਆਪਣੀ ਫਿਟਨੈੱਸ ਦਾ ਖ਼ਾਸ ਧਿਆਨ ਰੱਖਦੀ ਹੈ। ਅਦਾਕਾਰਾ ਆਪਣੇ ਵਰਕਆਊਟ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਪ੍ਰਸ਼ੰਸਕਾਂ ਨਾਲ ਵੀ ਸਾਂਝੀਆਂ ਕਰਦੀ ਰਹਿੰਦੀ ਹੈ। ਹਾਲ ਹੀ ’ਚ ਮੰਦਿਰਾ ਨੇ ਆਪਣਾ ਇਕ ਹੈਂਡਸਟੈਂਡ ਵੀਡੀਓ ਸਾਂਝਾ ਕੀਤਾ ਹੈ ਜੋ ਦੇਖ ਕੇ ਹੁਣ ਸਭ ਹੈਰਾਨ ਰਹਿ ਗਏ ਹਨ।
ਵੀਡੀਓ ’ਚ ਮੰਦਿਰਾ ਬਲੈਕ ਸਪੋਰਟਸ ਬਿਕਨੀ ਅਤੇ ਟਰਾਊਜ਼ਰ ’ਚ ਨਜ਼ਰ ਆ ਰਹੀ ਹੈ। ਮੰਦਿਰਾ 10 ਹੈਂਡਸਟੈਂਡ ਦੇ ਰੈਪਸ ਮਾਰਦੀ ਨਜ਼ਰ ਆ ਰਹੀ ਹੈ। ਵੀਡੀਓ ਸਾਂਝੀ ਕਰਦੇ ਹੋਏ ਮੰਦਿਰਾ ਨੇ ਲਿਖਿਆ ਕਿ ‘ਇਹ ਮੇਰਾ ਰੋਜ਼ ਦਾ ਰੂਟੀਨ ਹੈ। ਕਦੇ 10 ਤਾਂ ਕਦੇ 20 ਅਤੇ ਮੈਨੂੰ ਉਮੀਦ ਹੈ ਕਿ ਕਿਸੇ ਦਿਨ ਮੈਂ ਇਸ ਤੋਂ ਜ਼ਿਆਦਾ ਕਰਾਂਗੀ। ਬਿਨਾਂ ਕੰਧ ਦੇ ਸਹਾਰੇ ਪਰ ਕਿਸੇ ਜਲਦਬਾਜ਼ੀ ਅਤੇ ਪ੍ਰੈੱਸ਼ਰ ’ਚ ਨਹੀਂ।
View this post on InstagramA post shared by Mandira Bedi (@mandirabedi)
ਅਦਾਕਾਰਾ ਦੀ ਇਸ ਵੀਡੀਓ ਨੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਪ੍ਰਸ਼ੰਸਕ ਇਸ ਵੀਡੀਓ ਨੂੰ ਖ਼ੂਬ ਪਿਆਰ ਦੇ ਰਹੇ ਹਨ।
ਕੰਮ ਦੀ ਗੱਲ ਕਰੀਏ ਤਾਂ ਮੰਦਿਰਾ ਨੇ 1994 ’ਚ ਟੀ.ਵੀ. ਸ਼ੋਅ ‘ਸ਼ਾਂਤੀ’ ਨਾਲ ਸ਼ੁਰੂਆਤ ਕੀਤੀ ਸੀ। ਮੰਦਿਰਾ ਨੇ ਕਈ ਟੀ.ਵੀ. ਸ਼ੋਅ, ਰਿਐਲਿਟੀ ਸ਼ੋਅ ਅਤੇ ਫ਼ਿਲਮਾਂ ’ਚ ਕੰਮ ਕੀਤਾ। ਹਾਲ ਹੀ ’ਚ ਮੰਦਿਰਾ ਨੇ ਇਕ ਧੀ ਨੂੰ ਗੋਦ ਲਿਆ ਹੈ।