ਬੁਆਏਫਰੈਂਡ ਨਾਲ ਹਾਊਸ ਪਾਰਟੀ ’ਚ ਮਲਾਇਕਾ ਦਾ ਦਿਸਿਆ ਰੋਮਾਂਟਿਕ ਅੰਦਾਜ਼, ਡਰੈੱਸ ਦੀ ਕੀਮਤ ਲੱਖਾਂ ’ਚ

ਮੁੰਬਈ (ਬਿਊਰੋ)– ਮਲਾਇਕਾ ਅਰੋੜਾ ਪ੍ਰਸ਼ੰਸਕਾਂ ਨੂੰ ਫੈਸ਼ਨ ਗੋਲਜ਼ ਦੇਣ ’ਚ ਕਦੇ ਪਿੱਛੇ ਨਹੀਂ ਰਹਿੰਦੀ ਹੈ। ਅਕਸਰ ਜਿਮ ਆਊਟਫਿਟਸ ’ਚ ਨਜ਼ਰ ਆਉਣ ਵਾਲੀ ਮਲਾਇਕਾ ਅਰੋੜਾ ਦੇ ਪਾਰਟੀ ਲੁਕਸ ਦੀ ਗੱਲ ਹੀ ਕੁਝ ਹੋਰ ਹੁੰਦੀ ਹੈ। ਹੁਣ ਇਕ ਵਾਰ ਮੁੜ ਉਹ ਪ੍ਰਸ਼ੰਸਕਾਂ ਨੂੰ ਆਊਟਫਿਟ ਗੋਲਜ਼ ਦੇ ਰਹੀ ਹੈ।

ਮਲਾਇਕਾ ਅਰੋੜਾ ਹਾਲ ਹੀ ’ਚ ਭੈਣ ਅੰਮ੍ਰਿਤਾ ਅਰੋੜਾ ਦੀ ਹਾਊਸ ਪਾਰਟੀ ’ਚ ਪਹੁੰਚੀ, ਜਿਥੇ ਉਸ ਨੂੰ ਚੈਰੀ ਰੈੱਡ ਕਲਰ ਦੀ ਬੇਹੱਦ ਕਿਊਟ ਤੇ ਖੂਬਸੂਰਤ ਡਰੈੱਸ ’ਚ ਦੇਖਿਆ ਗਿਆ। 43 ਸਾਲ ਦੀ ਮਲਾਇਕਾ ਗੂਚੀ ਦੇ ਚੈਰੀ ਸ਼ਾਰਟ ਸੂਟ ਨੂੰ ਪਹਿਨ ਕੇ ਅੰਮ੍ਰਿਤਾ ਦੀ ਹਾਊਸ ਪਾਰਟੀ ’ਚ ਪਹੁੰਚੀ ਸੀ, ਜਿਸ ਤੋਂ ਨਜ਼ਰਾਂ ਹਟਾਉਣੀਆਂ ਮੁਸ਼ਕਿਲ ਸਨ।

ਇਸ ਪਾਰਟੀ ’ਚ ਉਸ ਨਾਲ ਬੁਆਏਫਰੈਂਡ ਅਰਜੁਨ ਕਪੂਰ ਵੀ ਸਨ। ਨਾਲ ਹੀ ਕਰਨ ਜੌਹਰ, ਗੌਰੀ ਖ਼ਾਨ, ਕਰਿਸ਼ਮਾ ਕਪੂਰ, ਮਹੀਪ ਕਪੂਰ, ਮਨੀਸ਼ ਮਲਹੋਤਰਾ, ਸੀਮਾ ਖ਼ਾਨ ਤੇ ਨਤਾਸ਼ਾ ਪੂਨਾਵਾਲਾ ਵੀ ਇਸ ਪਾਰਟੀ ’ਚ ਪਹੁੰਚੇ ਸਨ। ਹਾਲਾਂਕਿ ਮਲਾਇਕਾ ਤੇ ਅੰਮ੍ਰਿਤਾ ਦੀ ਬੈਸਟ ਫਰੈਂਡ ਕਰੀਨਾ ਕਪੂਰ ਖ਼ਾਨ ਪਾਰਟੀ ’ਚ ਮੌਜੂਦ ਨਹੀਂ ਸੀ।

ਇਸ ਪਾਰਟੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ ਤੇ ਮਲਾਇਕਾ ਦੀ ਜ਼ਬਰਦਸਤ ਡਰੈੱਸ ਚਰਚਾ ਦਾ ਵਿਸ਼ਾ ਬਣ ਰਹੀ ਹੈ। ਗੂਚੀ ਦੀ ਕਲੈਕਸ਼ਨ ’ਚੋਂ ਨਿਕਲੇ ਇਸ ਸੈਟਿਨ ਕੋ-ਆਰਡ ਸੈੱਟ ’ਚ ਮਲਾਇਕਾ ਅਰੋੜਾ ਦਿਲਕਸ਼ ਲੱਗ ਰਹੀ ਹੈ। ਨਾਲ ਹੀ ਇਸ ਦੀ ਕੀਮਤ ਵੀ ਹੈਰਾਨ ਕਰਨ ਵਾਲੀ ਹੈ।

ਮਲਾਇਕਾ ਵਲੋਂ ਪਹਿਨੀ ਗੂਚੀ ਜੈਕੇਟ ਦੀ ਕੀਮਤ 1100 ਯੂਰੋ ਯਾਨੀ 94 ਹਜ਼ਾਰ ਰੁਪਏ ਦੇ ਕਰੀਬ ਹੈ ਤੇ ਸ਼ਾਰਟਸ ਦੀ ਕੀਮਤ 650 ਯੂਰੋ ਯਾਨੀ 55 ਹਜ਼ਾਰ ਰੁਪਏ ਦੇ ਕਰੀਬ ਹੈ। ਯਾਨੀ ਮਲਾਇਕਾ ਦੀ ਇਹ ਪੂਰੀ ਡਰੈੱਸ 1.50 ਲੱਖ ਰੁਪਏ ਦੇ ਕਰੀਬ ਹੈ।

ਅਜਿਹਾ ਪਹਿਲੀ ਵਾਰ ਨਹੀਂ ਹੈ ਜਦੋ ਮਲਾਇਕਾ ਅਰੋੜਾ ਲੱਖਾਂ ਦੀ ਡਰੈੱਸ ਪਹਿਨ ਕੇ ਕਿਸੇ ਪਾਰਟੀ ’ਚ ਪਹੁੰਚੀ ਹੋਵੇ। ਮਲਾਇਕਾ ਅਕਸਰ ਆਪਣੀਆਂ ਡਰੈਸਿਜ਼ ਨੂੰ ਲੈ ਕੇ ਚਰਚਾ ’ਚ ਆਉਂਦੀ ਰਹਿੰਦੀ ਹੈ।

ਨੋਟ– ਮਲਾਇਕਾ ਦੀ ਇਹ ਡਰੈੱਸ ਤੁਹਾਨੂੰ ਕਿਵੇਂ ਦੀ ਲੱਗੀ? ਕੁਮੈਂਟ ਕਰਕੇ ਦੱਸੋ।