ਕਿੰਨਾ ਆਲੀਸ਼ਾਨ ਹੈ ਕਰੀਨਾ ਕਪੂਰ ਦਾ ਨਵਾਂ ਘਰ? ਸਾਹਮਣੇ ਆਈ ਪਹਿਲੀ ਝਲਕ
01/17/2021 2:30:31 PM
ਮੁੰਬਈ (ਬਿਊਰੋ)– ਅਦਾਕਾਰਾ ਕਰੀਨਾ ਕਪੂਰ ਤੇ ਸੈਫ ਅਲੀ ਖ਼ਾਨ ਨੇ ਆਪਣਾ ਨਵਾਂ ਘਰ ਖਰੀਦ ਲਿਆ ਹੈ। ਨਵੇਂ ਸਾਲ ’ਤੇ ਨਵੀਂ ਸ਼ੁਰੂਆਤ ਕਰਨ ਜਾ ਰਿਹਾ ਇਹ ਕੱਪਲ ਆਪਣੇ ਇਸ ਘਰ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ।
ਸੋਸ਼ਲ ਮੀਡੀਆ ’ਤੇ ਇਸ ਨਵੇਂ ਘਰ ਦੀਆਂ ਕਈ ਤਸਵੀਰਾਂ ਵਾਇਰਲ ਹੋਈਆਂ ਹਨ। ਹੁਣ ਕਰੀਨਾ ਨੇ ਵੀ ਆਪਣੇ ਬੈੱਡਰੂਮ ਦੀ ਤਸਵੀਰ ਸਾਂਝੀ ਕਰ ਦਿੱਤੀ ਹੈ। ਉਸ ਨੇ ਪ੍ਰਸ਼ੰਸਕਾਂ ਨੂੰ ਆਪਣੇ ਇਸ ਨਵੇਂ ਘਰ ਦੀ ਖੂਬਸੂਰਤ ਝਲਕ ਦਿਖਾਈ ਹੈ।
View this post on InstagramA post shared by Kareena Kapoor Khan (@kareenakapoorkhan)
ਵਾਇਰਲ ਤਸਵੀਰ ’ਚ ਇਕ ਸ਼ਾਨਦਾਰ ਕਮਰਾ ਦੇਖਣ ਨੂੰ ਮਿਲ ਰਿਹਾ ਹੈ। ਲੱਕੜ ਦੀਆਂ ਟਾਇਲਾਂ, ਕੰਧ ’ਤੇ ਲੱਗੀਆਂ ਖੂਬਸੂਰਤ ਤਸਵੀਰਾਂ, ਵੱਡੇ ਸ਼ੀਸ਼ੇ, ਇਸ ਇਕ ਕਮਰੇ ’ਚ ਹਰ ਉਹ ਚੀਜ਼ ਦੇਖਣ ਨੂੰ ਮਿਲ ਰਹੀ ਹੈ, ਜੋ ਇਸ ਨੂੰ ਬੇਹੱਦ ਖਾਸ ਬਣਾਉਂਦੀ ਹੈ।
View this post on InstagramA post shared by Kareena Kapoor Khan (@kareenakapoorkhan)
ਕਰੀਨਾ ਵੀ ਇਸ ਤਸਵੀਰ ਨੂੰ ਸਾਂਝਾ ਕਰਦਿਆਂ ਆਪਣੀ ਜ਼ਿੰਦਗੀ ਦੀ ਨਵੀਂ ਸ਼ੁਰੂਆਤ ਵੱਲ ਇਸ਼ਾਰਾ ਕਰ ਰਹੀ ਹੈ। ਉਹ ਕਹਿੰਦੀ ਹੈ, ‘ਨਵੇਂ ਮੌਕਿਆਂ ਵਾਲਾ ਦਰਵਾਜ਼ਾ।’ ਪ੍ਰਸ਼ੰਸਕ ਇਸ ਨਵੇਂ ਘਰ ਨੂੰ ਦੇਖ ਕੇ ਹੈਰਾਨ ਰਹਿ ਗਏ ਹਨ।
View this post on InstagramA post shared by Kareena Kapoor Khan (@kareenakapoorkhan)
ਦੱਸਣਯੋਗ ਹੈ ਕਿ ਇਸ ਸਮੇਂ ਕਰੀਨਾ ਕਪੂਰ ਗਰਭਵਤੀ ਹੈ ਤੇ ਬਹੁਤ ਜਲਦ ਦੂਜੀ ਵਾਰ ਮਾਂ ਬਣਨ ਵਾਲੀ ਹੈ। ਉਹ ਸੋਸ਼ਲ ਮੀਡੀਆ ’ਤੇ ਕਈ ਮੌਕਿਆਂ ’ਤੇ ਆਪਣਾ ਬੇਬੀ ਬੰਪ ਫਲਾਂਟ ਕਰ ਚੁੱਕੀ ਹੈ।
ਹੁਣ ਬਾਲੀਵੁੱਡ ਦੇ ਨਵਾਬ ਹਨ ਤਾਂ ਅੰਦਾਜ਼ ਤਾਂ ਸ਼ਾਹੀ ਹੋਵੇਗਾ ਹੀ ਪਰ ਫਿਰ ਵੀ ਇਨ੍ਹਾਂ ਤਸਵੀਰਾਂ ਨੂੰ ਦੇਖ ਕੇ ਸਾਰੇ ਖੁਸ਼ ਨਜ਼ਰ ਆ ਰਹੇ ਹਨ। ਸਿਤਾਰੇ ਵੀ ਇਨ੍ਹਾਂ ਤਸਵੀਰਾਂ ’ਤੇ ਪ੍ਰਤੀਕਿਰਿਆ ਦੇ ਕੇ ਕੱਪਲ ਨੂੰ ਵਧਾਈ ਦੇ ਰਹੇ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।