IIFA 2022: ਗਾਣਾ ਗਾਉਂਦੇ-ਗਾਉਂਦੇ ਏ ਆਰ ਰਹਿਮਾਨ ਦੇ ਪੈਰਾਂ ''ਚ ਡਿੱਗੇ ਹਨੀ ਸਿੰਘ (ਵੀਡੀਓ)
06/05/2022 10:42:32 AM
ਮੁੰਬਈ- ਬਾਲੀਵੁੱਡ ਦੇ ਸਭ ਤੋਂ ਵੱਡੇ ਐਵਾਰਡ ਫੰਕਸ਼ਨਸ 'ਚੋਂ ਇਕ ਆਈਫਾ ਐਵਾਰਡ ਦੀ ਸ਼ੁਰੂਆਤ ਹੋ ਗਈ ਹੈ। ਇਸ ਵਾਰ ਆਈਫਾ ਐਵਾਰਡ ਯੂ.ਏ.ਈ. ਦੇ ਸ਼ਹਿਰ ਆਬੂ ਧਾਬੀ 'ਚ ਹੋ ਰਿਹਾ ਹੈ। ਅਜਿਹੇ 'ਚ ਕਈ ਸੈਲੀਬਰਿਟੀ ਇਥੇ ਪਹੁੰਚ ਗਏ ਹਨ। ਆਈਫਾ ਦੇ ਦੌਰਾਨ ਸਭ ਤੋਂ ਵੱਡੇ ਕਲਾਕਾਰ ਪਰਫਾਰਮ ਕਰ ਰਹੇ ਹਨ।
ਮਸ਼ਹੂਰ ਰੈਪਰ ਅਤੇ ਗਾਇਕ ਯੋ ਯੋ ਹਨੀ ਸਿੰਘ ਵੀ ਆਈਫਾ ਐਵਾਰਡ 'ਚ ਪਹੁੰਚੇ। ਜਿਥੇ ਯੋ ਯੋ ਹਨੀ ਸਿੰਘ ਨੇ ਸਟੇਜ਼ ਤੋੜ ਪ੍ਰਦਰਸ਼ਨ ਕਰਕੇ ਹਰ ਕਿਸੇ ਦਾ ਦਿਲ ਜਿੱਤ ਲਿਆ।
ਪਰ ਇਸ ਦੌਰਾਨ ਗਾਇਕ ਯੋ ਯੋ ਹਨੀ ਸਿੰਘ ਦਾ ਇਕ ਬਹੁਤ ਭਾਵੁਕ ਪਲ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਇਆ ਹੈ। ਪਰਫਾਰਮੈਂਸ ਦੇ ਦੌਰਾਨ ਯੋ ਯੋ ਹਨੀ ਸਿੰਘ ਨੇ ਮਸ਼ਹੂਰ ਸੰਗੀਤਕਾਰ ਏ ਆਰ ਰਹਿਮਾਨ ਦੇ ਪੈਰ ਛੂਹ ਲਏ।
ਹਨੀ ਸਿੰਘ ਦੇ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।
ਹਨੀ ਸਿੰਘ ਨੇ ਇਹ ਵੀਡੀਓ ਆਪਣੀ ਇੰਸਟਗ੍ਰਾਮ ਸਟੋਰੀ 'ਚ ਵੀ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਹਨੀ ਸਿੰਘ ਨੇ ਲਿਖਿਆ-'ਏ ਆਰ ਰਹਿਮਾਨ ਸਰ ਦੇ ਨਾਲ ਮੇਰੀ ਜ਼ਿੰਦਗੀ ਦਾ ਅਨਮੋਲ ਪਲ'।
View this post on InstagramA post shared by yyhs.india_ (@yyhs.india_)
ਯੋ ਯੋ ਹਨੀ ਸਿੰਘ ਅਤੇ ਗੁਰੂ ਰੰਧਾਵਾ ਨੇ ਸਟੇਜ਼ 'ਤੇ ਇਕੱਠੇ ਆ ਕੇ ਧਮਾਕੇਦਾਰ ਪਰਫਾਰਮੈਂਸ ਦਿੱਤੀ। ਆਈਫਾ 2022 ਦੇ ਮੰਚ 'ਤੇ ਗਾਇਕ ਦੇ ਗਾਣਿਆਂ 'ਤੇ ਲੋਕ ਨੱਚਦੇ ਦਿਖੇ।