GOOD NEWS: ਮੋਹਿਤ ਮਲਿਕ ਦੀ ਪਤਨੀ ਨੇ ਦਿੱਤਾ ਪੁੱਤਰ ਨੂੰ ਜਨਮ, ਵਿਆਹ ਤੋਂ 10 ਸਾਲ ਬਾਅਦ ਮਾਤਾ-ਪਿਤਾ ਬਣਿਆ ਜੋੜਾ
04/30/2021 10:07:33 AM
ਮੁੰਬਈ: ਟੀ.ਵੀ. ਇੰਡਸਟਰੀ ਤੋਂ ਹਾਲ ਹੀ ’ਚ ਇਕ ਖੁਸ਼ਖ਼ਬਰੀ ਆਈ ਹੈ। ਛੋਟੇ ਪਰਦੇ ਦੀ ਸਭ ਤੋਂ ਮਸ਼ਹੂਰ ਜੋੜੀਆਂ ’ਚੋਂ ਇਕ ਮੋਹਿਤ ਮਲਿਕ ਅਤੇ ਅਦਿੱਤੀ ਸ਼ਿਰਵਾਈਕਰ ਦੇ ਘਰ ਨੰਨ੍ਹੇ ਬੱਚੇ ਦੀ ਕਿਲਕਾਰੀ ਗੂੰਜੀ ਹੈ। ਅਦਿੱਤੀ ਨੇ ਇਕ ਪਿਆਰੇ ਪੁੱਤਰ ਨੂੰ ਜਨਮ ਦਿੱਤਾ ਹੈ।
ਜੋੜੇ ਨੇ ਇਹ ਖੁਸ਼ਖ਼ਬਰੀ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਸੋਸ਼ਲ ਮੀਡੀਆ ’ਤੇ ਪੋਸਟ ਸਾਂਝੀ ਕਰ ਦਿੱਤੀ ਹੈ। ਅਦਿੱਤੀ ਨੇ ਇੰਸਟਾਗ੍ਰਾਮ ’ਤੇ ਪੋਸਟ ਸਾਂਝੀ ਕੀਤੀ ਹੈ। ਇਸ ਤਸਵੀਰ ’ਚ ਉਹ ਆਪਣੇ ਪੁੱਤਰ ਦੀ ਉਂਗਲੀ ਫੜੇ ਹੋਏ ਹਨ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲਿਖਿਆ ਕਿ ‘ਡੀਅਰ ਯੂਨੀਵਰਸ ਥੈਂਕ ਯੂ’। ਰਾਤ ਦੀਆਂ ਨੀਂਦਾਂ ’ਚ ਉੱਠਣਾ ਅਤੇ ਉਸ ਦੇ ਨਾਲ ਸਭ ਕੁਝ ਜੋ ਆਉਂਦਾ ਹੈ। ਅਸੀਂ ਖ਼ੁਦ ਨੂੰ ਬਹੁਤ ਕਿਸਮਤਵਾਲਾ ਸਮਝਦੇ ਹਾਂ ਕਿ ਅਸੀਂ ਇਕ ਪੁੱਤਰ ਦੇ ਪਿਤਾ ਬਣੇ ਹਾਂ। 2 ਤੋਂ 3 ਬਣਨ ਦਾ ਸਫ਼ਰ। ਹਮੇਸ਼ਾ ਦੇ ਲਈ ਖੁਸ਼’।
ਉੱਧਰ ਮੋਹਿਤ ਮਲਿਕ ਨੇ ਇਕ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਤਸਵੀਰ ’ਚ ਉਹ ਪਤਨੀ ਦਾ ਹੱਥ ਫੜੇ ਦਿਖਾਈ ਦਿੱਤੇ ਹਨ। ਉੱਧਰ ਉਨ੍ਹਾਂ ਦਾ ਲਾਡਲਾ ਪਾਲਣੇ ’ਚ ਸੁੱਤਾ ਹੈ।
ਦੱਸ ਦੇਈਏ ਕਿ ਅਦਿੱਤੀ ਅਤੇ ਮੋਹਿਤ ਇਸ ਸਾਲ ਮਈ ਦੇ ਮਹੀਨੇ ’ਚ ਆਪਣੇ ਪਹਿਲੇ ਬੱਚੇ ਦਾ ਸੁਆਗਤ ਕਰਨ ਵਾਲੇ ਸਨ ਪਰ ਅਦਿੱਤੀ ਨੇ ਅਪ੍ਰੈੱਲ ’ਚ ਹੀ ਪੁੱਤਰ ਨੂੰ ਜਨਮ ਦਿੱਤਾ। ਦਸੰਬਰ ਦੇ ਮਹੀਨੇ ’ਚ ਹੀ ਅਦਿੱਤੀ ਅਤੇ ਮੋਹਿਤ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਪੋਸਟ ਸਾਂਝੀ ਕਰਕੇ ਇਹ ਖੁਸ਼ਖ਼ਬਰੀ ਸਾਂਝੀ ਕੀਤੀ ਸੀ। ਵਿਆਹ ਦੇ ਦਸ ਸਾਲ ਬਾਅਦ ਇਸ ਜੋੜੇ ਦੇ ਘਰ ਖੁਸ਼ੀਆਂ ਆਈਆਂ ਹਨ।
ਮੋਹਿਤ ਅਤੇ ਅਦਿੱਤੀ ਦੀ ਮੁਲਾਕਾਤ ‘ਬਨੂੰ ਮੈਂ ਤੇਰੀ ਦੁਲਹਣ’ ਦੇ ਸੈੱਟ ’ਤੇ ਹੋਈ ਸੀ। ਕੁਝ ਮਹੀਨੇ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਦੋਵਾਂ ਦਾ ਵਿਆਹ 1 ਦਸੰਬਰ 2010 ਨੂੰ ਹੋਇਆ ਸੀ। ਮੋਹਿਤ ਟੀ.ਵੀ ਦੇ ਮਸ਼ਹੂਰ ਅਦਾਕਾਰ ਹਨ।