79th Golden Globe Awards : ''ਦਿ ਪਾਵਰ ਆਫ ਦਿ ਡਾਗ'' ਬੈਸਟ ਫ਼ਿਲਮ, ਵਿਲ ਸਮਿਥ ਬਣੇ ਬੈਸਟ ਅਦਾਕਾਰ
01/11/2022 9:06:03 AM
ਨਵੀਂ ਦਿੱਲੀ (ਬਿਊਰੋ) : ਵਿਸ਼ਵ ਪ੍ਰਸਿੱਧ ਗੋਲਡਨ ਗਲੋਬ ਐਵਾਰਡ ਸਮਾਰੋਹ ਦੇ 79ਵੇਂ ਐਡੀਸ਼ਨ ਦੇ ਜੇਤੂਆਂ ਦਾ ਐਲਾਨ ਸੋਮਵਾਰ ਨੂੰ ਵੈੱਬਸਾਈਟ ਅਤੇ ਸੋਸ਼ਲ ਮੀਡੀਆ ਰਾਹੀਂ ਕੀਤਾ ਗਿਆ। ਕੋਰੋਨਾ ਵਾਇਰਸ ਦੇ ਵਧਦੇ ਮਾਮਲਿਆਂ ਕਾਰਨ ਪੁਰਸਕਾਰ ਸਮਾਰੋਹ ਦਾ ਰੈੱਡ ਕਾਰਪੈਟ ਆਯੋਜਿਤ ਨਹੀਂ ਕੀਤਾ ਗਿਆ। ਫ਼ਿਲਮ 'ਦਿ ਪਾਵਰ ਆਫ ਦਿ ਡਾਗ' ਨੇ ਸਮਾਰੋਹ 'ਚ ਸਰਵੋਤਮ ਮੋਸ਼ਨ ਪਿਕਚਰ (ਡਰਾਮਾ) ਦਾ ਪੁਰਸਕਾਰ ਜਿੱਤਿਆ। ਅਦਾਕਾਰ ਵਿਲ ਸਮਿਥ ਨੂੰ ਇਸੇ ਫ਼ਿਲਮ ਲਈ ਉਚ ਅਦਾਕਾਰ ਐਲਾਨਿਆ ਗਿਆ। ਵਿਲ ਸਮਿਥ ਤੋਂ ਇਲਾਵਾ ਅਦਾਕਾਰ ਐਂਡਰਿਊ ਗਾਰਫੀਲਡ ਨੂੰ ਵੀ ਫ਼ਿਲਮ 'ਟਿਕ ਟਿਕ ਬੂਮ' ਲਈ ਸੰਗੀਤਕ ਕਾਮੇਡੀ ਸ਼੍ਰੇਣੀ 'ਚ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਦਿੱਤਾ ਗਿਆ।
ਇਸ ਵਾਰ 'ਗੋਲਡਨ ਗਲੋਬ ਐਵਾਰਡਜ਼' ਨਾਲ ਜੁੜੇ ਕੁਝ ਵਿਵਾਦ ਵੀ ਸਾਹਮਣੇ ਆਏ, ਜਿਸ ਕਾਰਨ ਕਈ ਮਸ਼ਹੂਰ ਸਿਤਾਰਿਆਂ ਅਤੇ ਪ੍ਰੋਡਕਸ਼ਨ ਹਾਊਸਾਂ ਨੇ ਐਵਾਰਡ ਸਮਾਰੋਹ ਦਾ ਬਾਈਕਾਟ ਕੀਤਾ। ਇਹ ਸ਼ੋਅ ਟੀ. ਵੀ. 'ਤੇ ਪ੍ਰਸਾਰਿਤ ਵੀ ਨਹੀਂ ਹੋਇਆ ਸੀ। 13 ਦਸੰਬਰ ਨੂੰ '79ਵੇਂ ਗੋਲਡਨ ਗਲੋਬ ਐਵਾਰਡਜ਼' ਦੀਆਂ ਸਾਰੀਆਂ ਸ਼੍ਰੇਣੀਆਂ ਲਈ ਨਾਮਜ਼ਦਗੀਆਂ ਜਾਰੀ ਕੀਤੀਆਂ ਗਈਆਂ ਸਨ।
ਜੇਤੂਆਂ ਦੀ ਪੂਰੀ ਸੂਚੀ-
ਡਰਾਮੇ 'ਚ ਬੈਸਟ ਅਦਾਕਾਰ - ਵਿਲ ਸਮਿਥ (ਦਿ ਪਾਵਰ ਆਫ਼ ਦਿ ਡਾਗ)
ਬੈਸਟ ਪਿਕਚਰ ਡਰਾਮਾ- ਦਿ ਪਾਵਰ ਆਫ਼ ਦਿ ਡਾਗ
ਬੈਸਟ ਸਕ੍ਰੀਨ ਪਲੇਅ, ਮੋਸ਼ਨ ਪਿਕਚਰ - ਬੇਲਫਾਸਟ
ਕਾਮੇਡੀ-ਸੰਗੀਤ 'ਚ ਉਚ ਅਦਾਕਾਰ - ਐਂਡਰਿਊ ਗਾਰਫੀਲਡ (ਟਿਕ, ਟਿਕ.. ਬੂਮ)
ਡਰਾਮੇ 'ਚ ਬੈਸਟ ਅਦਾਕਾਰਾ - ਨਿਕੋਲ ਕਿਡਮੈਨ
ਬੈਸਟ ਅਭਿਨੇਤਾ (ਟੈਲੀਵਿਜ਼ਨ) ਡਰਾਮਾ - ਜੇਰੇਮੀ ਸਟ੍ਰੋਂਗ
ਬੈਸਟ ਅਦਾਕਾਰ ਕਾਮੇਡੀ- ਸੰਗੀਤਕ (ਟੈਲੀਵਿਜ਼ਨ) - ਜੇਸਨ ਸੁਡਿਸਕੀ (ਟੇਡ ਲਾਸੋ)
ਬੈਸਟ ਅਦਾਕਾਰ ਸਹਾਇਕ ਭੂਮਿਕਾ 'ਚ (ਟੈਲੀਵਿਜ਼ਨ) - ਓ ਯੋਂਗ ਸੂ
ਬੈਸਟ ਮੋਸ਼ਨ ਪਿਕਚਰ, ਸੰਗੀਤਕ ਜਾਂ ਕਾਮੇਡੀ - ਵੈਸਟ ਸਾਈਡ ਸਟੋਰੀ
ਬੈਸਟ ਪਿਕਚਰ ਐਨੀਮੇਸ਼ਨ - ਇਨਕਾਂਟੋ
ਬੈਸਟ ਅਦਾਕਾਰਾ, ਮੋਸ਼ਨ ਪਿਕਚਰ, ਸੰਗੀਤਕ ਜਾਂ ਕਾਮੇਡੀ - ਰਾਚੇਲ ਜ਼ਿਗਲਰ, ਵੈਸਟ ਸਾਈਡ ਸਟੋਰੀ
ਬੈਸਟ ਟੈਲੀਵਿਜ਼ਨ ਸੀਰੀਜ਼ - ਸਕਸੈਸ਼ਨ
ਦੱਸਣਯੋਗ ਹੈ ਕਿ 'ਗੋਲਡਨ ਗਲੋਬ ਐਵਾਰਡਜ਼' ਫ਼ਿਲਮ ਤੇ ਮਨੋਰੰਜਨ ਜਗਤ ਨਾਲ ਜੁੜਿਆ ਐਵਾਰਡ ਸ਼ੋਅ ਹੈ, ਜਿਸ ਦਾ ਪਹਿਲਾ ਸ਼ੋਅ ਜਨਵਰੀ 1944 'ਚ ਕੈਲੀਫੋਰੀਨਿਆਂ 'ਚ ਹੋਇਆ ਸੀ। 'ਗੋਲਡਨ ਗਲੋਬ ਐਵਾਰਡ' ਹਾਰਵਰਡ ਫਾਰੇਨ ਪ੍ਰੈਸ ਐਸੋਸੀਏਸ਼ਨ (HFPA) ਦੁਆਰਾ ਆਯੋਜਿਤ ਕੀਤੇ ਜਾਂਦੇ ਹਨ। ਇਸ ਦਾ ਉਦੇਸ਼ ਮਨੋਰੰਜਨ ਉਦਯੋਗ 'ਚ ਚੰਗਾ ਕੰਮ ਕਰਨ ਵਾਲਿਆਂ ਨੂੰ ਸਨਮਾਨਿਤ ਕਰਨਾ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਬਾਕਸ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।