ਗਿੱਪੀ ਗਰੇਵਾਲ ਦੀ ‘ਓਲਡ ਸਕੂਲ’ ਲੁੱਕ ਸੋਸ਼ਲ ਮੀਡੀਆ ’ਤੇ ਹੋਈ ਵਾਇਰਲ
11/10/2020 2:18:43 PM
ਜਲੰਧਰ (ਬਿਊਰੋ)– ਦੇਸੀ ਰਾਕਸਟਾਰ ਗਿੱਪੀ ਗਰੇਵਾਲ ਫਿਲਮਾਂ ’ਚ ਆਪਣੀ ਲੁੱਕ ’ਤੇ ਕਾਫੀ ਮਿਹਨਤ ਕਰਦੇ ਹਨ। ਭਾਵੇਂ ਉਹ ‘ਸੂਬੇਦਾਰ ਜੋਗਿੰਦਰ ਸਿੰਘ’ ਹੋਵੇ, ‘ਵਾਰਨਿੰਗ’ ਜਾਂ ਫਿਰ ‘ਪਾਣੀ ’ਚ ਮਧਾਣੀ’, ਹਰ ਫਿਲਮ ’ਚ ਆਪਣੀ ਲੁੱਕ ’ਤੇ ਗਿੱਪੀ ਖਾਸ ਧਿਆਨ ਦਿੰਦੇ ਹਨ।
ਹਾਲ ਹੀ ’ਚ ਗਿੱਪੀ ਗਰੇਵਾਲ ਦੀ ਜੋ ‘ਓਲਡ ਸਕੂਲ’ ਲੁੱਕ ਵਾਇਰਲ ਹੋ ਰਹੀ ਹੈ, ਉਹ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ‘ਪਾਣੀ ’ਚ ਮਧਾਣੀ’ ਦੀ ਹੈ। ਤਸਵੀਰਾਂ ’ਚ ਗਿੱਪੀ ਗਰੇਵਾਰ ਦਾ ਹੇਅਰਸਟਾਈਲ, ਉਨ੍ਹਾਂ ਦੇ ਕੱਪੜੇ ਸਭ ਕੁਝ ਅਲੱਗ ਨਜ਼ਰ ਆ ਰਹੇ ਹਨ।
ਗਿੱਪੀ ਦੇ ਵਾਲ ਲੰਮੇ ਹਨ, ਬੈੱਲ ਬੌਟਮ ਪੈਂਟ ਦੇ ਨਾਲ ਸ਼ਰਟ ਤੇ ਸਵੈਟਰ ’ਚ ਗਿੱਪੀ ਨਜ਼ਰ ਆ ਰਹੇ ਹਨ।
ਦੱਸਣਯੋਗ ਹੈ ਕਿ ‘ਪਾਣੀ ’ਚ ਮਧਾਣੀ’ ਫਿਲਮ ’ਚ ਗਿੱਪੀ ਗਰੇਵਾਲ ਨਾਲ ਨੀਰੂ ਬਾਜਵਾ ਨਜ਼ਰ ਆਉਣ ਵਾਲੀ ਹੈ। ਇਹ ਫਿਲਮ 12 ਫਰਵਰੀ, 2021 ’ਚ ਰਿਲੀਜ਼ ਹੋਵੇਗੀ। ਫਿਲਮ ’ਚ ਗਿੱਪੀ ਗਰੇਵਾਲ ‘ਗੁੱਲੀ’ ਤੇ ਨੀਰੂ ਬਾਜਵਾ ‘ਸੋਹਣੀ’ ਦੇ ਕਿਰਦਾਰ ’ਚ ਨਜ਼ਰ ਆਵੇਗੀ।
ਅਧਿਕਾਰਕ ਪੋਸਟਰ ਰਿਲੀਜ਼ ਹੋਣ ਤੋਂ ਬਾਅਦ ਗਿੱਪੀ ਨੇ ਆਪਣੀ ਇਸ ‘ਓਲਡ ਸਕੂਲ’ ਲੁੱਕ ’ਚ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਉਨ੍ਹਾਂ ਦੇ ਫੈਨਜ਼ ਵਲੋਂ ਵੀ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।