ਐਲਵਿਸ਼ ਯਾਦਵ ਕੋਲ 14 ਕਰੋੜ ਦਾ ਘਰ, ਲਗਜ਼ਰੀ ਕਾਰ ਕਲੈਕਸ਼ਨ, ਜਾਣੋ ਯੂਟਿਊਬਰ ਦੀ ਕਮਾਈ ਦੇ ਹੋਰ ਸਾਧਨ
03/18/2024 7:19:45 AM
ਐਂਟਰਟੇਨਮੈਂਟ ਡੈਸਕ– ਐਲਵਿਸ਼ ਯਾਦਵ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਕੋਬਰਾ ਕਾਂਡ ਮਾਮਲੇ ’ਚ ਨੋਇਡਾ ਪੁਲਸ ਨੇ ਯੂਟਿਊਬਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਇਸ ਮਾਮਲੇ ’ਚ ਉਸ ਤੋਂ ਲਗਾਤਾਰ ਪੁੱਛਗਿੱਛ ਕਰ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਯੂਟਿਊਬਰ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ’ਚ ਭੇਜ ਦਿੱਤਾ ਗਿਆ ਹੈ। ਇੰਝ ਲੱਗਦਾ ਹੈ ਕਿ ਐਲਵਿਸ਼ ਦੀਆਂ ਮੁਸ਼ਕਿਲਾਂ ਸੱਚਮੁੱਚ ਵਧਣ ਵਾਲੀਆਂ ਹਨ। ਹਾਲ ਹੀ ’ਚ ਨੋਇਡਾ ਪੁਲਸ ਨੇ ਸੱਪ ਦੇ ਜ਼ਹਿਰ ਨਾਲ 5 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। 8 ਨਵੰਬਰ ਨੂੰ ਇੱਕ ਰੇਵ ਪਾਰਟੀ 'ਚ ਸੱਪ ਦੇ ਜ਼ਹਿਰ ਦੀ ਵਰਤੋਂ ਕਰਨ ਦੇ ਮਾਮਲੇ 'ਚ FIR ਦਰਜ ਕੀਤੀ ਗਈ ਸੀ।
ਹਰਿਆਣਾ ਦੇ ਗੁਰੂਗ੍ਰਾਮ ਦਾ ਰਹਿਣ ਵਾਲਾ ਐਲਵਿਸ਼
ਯੂਟਿਊਬਰ ਐਲਵਿਸ਼ ਯਾਦਵ ਹਰਿਆਣਾ ਦੇ ਗੁਰੂਗ੍ਰਾਮ ਦਾ ਰਹਿਣ ਵਾਲਾ ਹੈ। ਸਾਲ 2016 'ਚ ਆਪਣਾ ਯੂਟਿਊਬ ਸਫ਼ਰ ਸ਼ੁਰੂ ਕਰਨ ਵਾਲਾ ਐਲਵਿਸ਼ ਅੱਜ ਇੱਕ ਸੋਸ਼ਲ ਮੀਡੀਆ ਸਟਾਰ ਹੈ ਅਤੇ ਉਹ ਯੂਟਿਊਬ ਰਾਹੀਂ ਹਰ ਮਹੀਨੇ ਲੱਖਾਂ ਰੁਪਏ ਕਮਾਉਂਦਾ ਹੈ। ਉਸ ਕੋਲ ਕਰੋੜਾਂ ਰੁਪਏ ਦਾ ਘਰ ਅਤੇ ਲਗਜ਼ਰੀ ਕਾਰਾਂ ਦਾ ਭੰਡਾਰ ਹੈ। ਆਓ ਜਾਣਦੇ ਹਾਂ ਐਲਵਿਸ਼ ਯਾਦਵ ਕੋਲ ਕਿੰਨੀ ਜਾਇਦਾਦ ਹੈ।
14 ਕਰੋੜ ਰੁਪਏ ਦੇ ਆਲੀਸ਼ਾਨ ਘਰ 'ਚ ਰਹਿੰਦੈ ਐਲਵਿਸ਼
ਕੁਝ ਸਮਾਂ ਪਹਿਲਾਂ ਐਲਵਿਸ਼ ਨੇ ਗੁੜਗਾਓਂ ਦੇ ਵਜ਼ੀਰਾਬਾਦ 'ਚ ਇੱਕ ਆਲੀਸ਼ਾਨ ਚਾਰ ਮੰਜ਼ਿਲਾ ਘਰ ਖਰੀਦਿਆ ਹੈ। ਘਰ ਦੀ ਕੀਮਤ ਕਰੀਬ 12 ਤੋਂ 14 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਇਹ ਘਰ 16 BHK ਦਾ ਹੈ। ਇਸ ਤੋਂ ਇਲਾਵਾ ਦੁਬਈ 'ਚ 8 ਕਰੋੜ ਰੁਪਏ ਦਾ ਆਲੀਸ਼ਾਨ ਘਰ ਵੀ ਹੈ। ਯੂਟਿਊਬ ਤੋਂ ਇਲਾਵਾ ਐਲਵਿਸ਼ ਯਾਦਵ ਇੰਸਟਾ ਅਤੇ ਹੋਰ ਥਾਵਾਂ ਤੋਂ ਕਮਾਈ ਕਰਦਾ ਹੈ। ਉਸ ਨੂੰ 'ਬਿੱਗ ਬੌਸ' ਓਟੀਟੀ 'ਚ ਸ਼ਾਮਲ ਹੋਣ ਲਈ 15-20 ਲੱਖ ਰੁਪਏ ਅਤੇ ਜਿੱਤਣ ਲਈ 25 ਲੱਖ ਰੁਪਏ ਮਿਲੇ ਹਨ।
ਕੁੱਲ ਜਾਇਦਾਦ
ਐਲਵਿਸ਼ ਦੀ ਔਸਤ ਮਾਸਿਕ ਕਮਾਈ ਲਗਭਗ 10-15 ਲੱਖ ਰੁਪਏ ਦੱਸੀ ਜਾਂਦੀ ਹੈ ਅਤੇ ਉਸ ਦੀ ਕੁੱਲ ਜਾਇਦਾਦ ਲਗਭਗ 40 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਐਲਵਿਸ਼ ਯਾਦਵ ਪ੍ਰਤੀ ਵੀਡੀਓ ਔਸਤਨ 4 ਤੋਂ 6 ਲੱਖ ਰੁਪਏ ਕਮਾਉਂਦੇ ਹਨ। ਇਸ ਤੋਂ ਇਲਾਵਾ ਉਹ ਇੰਸਟਾਗ੍ਰਾਮ ਅਤੇ ਵਿਗਿਆਪਨਾਂ ਤੋਂ ਵੀ ਕਰੋੜਾਂ ਰੁਪਏ ਕਮਾ ਲੈਂਦੇ ਹਨ।
ਕਾਰ ਕਲੈਕਸ਼ਨ
ਅਕਸਰ ਆਪਣੀ ਲਾਈਫਸਟਾਈਲ ਅਤੇ ਮਹਿੰਗੀਆਂ ਕਾਰਾਂ ਲਈ ਅਕਸਰ ਸੁਰਖੀਆਂ 'ਚ ਰਹਿਣ ਵਾਲੇ ਐਲਵਿਸ਼ ਕੋਲ ਲਗਜ਼ਰੀ ਕਾਰਾਂ ਦਾ ਭੰਡਾਰ ਹੈ। ਉਸ ਕੋਲ 1.41 ਕਰੋੜ ਰੁਪਏ ਦੀ Porsche 718 Boxster ਹੈ। ਇਸ ਤੋਂ ਇਲਾਵਾ ਉਸ ਕੋਲ Hyundai Verna ਅਤੇ ਟੋਇਟਾ ਫਾਰਚੂਨਰ ਵਰਗੀਆਂ ਹੋਰ ਲਗਜ਼ਰੀ ਗੱਡੀਆਂ ਵੀ ਹਨ। ਇਹ ਸਾਰੀ ਦੌਲਤ ਉਸ ਨੇ ਯੂਟਿਊਬ ਤੋਂ ਬਣਾਈ ਹੈ।
ਕੀ ਹਨ ਕਮਾਈ ਦੇ ਸਾਧਨ?
YouTube ਸਿਰਜਣਹਾਰਾਂ ਨੂੰ ਉਨ੍ਹਾਂ ਦੀ ਸਮਗਰੀ 'ਤੇ ਇਸ਼ਤਿਹਾਰਾਂ ਰਾਹੀਂ ਆਮਦਨ ਪ੍ਰਦਾਨ ਕਰਦਾ ਹੈ। ਇਸ ਤੋਂ ਇਲਾਵਾ ਐਲਵਿਸ਼ ਦਾ ਸਿਸਟਮ_ਕਲੋਥਿੰਗ ਨਾਂ ਦਾ ਇੱਕ ਕੱਪੜੇ ਦਾ ਬ੍ਰਾਂਡ ਵੀ ਹੈ। ਇਸ ਤੋਂ ਉਨ੍ਹਾਂ ਨੂੰ ਚੰਗੀ ਆਮਦਨ ਵੀ ਹੁੰਦੀ ਹੈ। ਇਸ ਤੋਂ ਇਲਾਵਾ ਇਸ਼ਤਿਹਾਰਾਂ, ਹੋਟਲਾਂ, ਐਡੋਰਸਮੈਂਟਾਂ ਅਤੇ ਪੇਡ ਸਪਾਂਸਰਸ਼ਿਪਾਂ ਤੋਂ ਵੀ ਕਰੋੜਾਂ ਰੁਪਏ ਦੀ ਕਮਾਈ ਹੁੰਦੀ ਹੈ।