''ਬਿਗ ਬੌਸ 14'' ਫੇਮ ਏਜਾਜ਼ ਖਾਨ ਨੂੰ ਹੋਇਆ ਟਾਈਫਾਈਡ, ਹਸਪਤਾਲ ''ਚ ਦਾਖ਼ਲ
07/09/2022 10:32:45 AM
ਮੁੰਬਈ- 'ਬਿਗ ਬੌਸ 14' ਫੇਮ ਏਜਾਜ਼ ਖਾਨ ਨੂੰ ਲੈ ਕੇ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਖ਼ਬਰ ਹੈ ਕਿ ਏਜਾਜ਼ ਖਾਨ ਮੁੰਬਈ ਦੇ ਹਸਪਤਾਲ 'ਚ ਦਾਖ਼ਲ ਹਨ। ਏਜਾਜ਼ ਖਾਨ ਨੂੰ ਟਾਈਫਾਈਡ ਹੋ ਗਿਆ ਹੈ ਜਿਸ ਤੋਂ ਬਾਅਦ ਅਦਾਕਾਰ ਨੂੰ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ। ਇਸ ਗੱਲ ਦੀ ਜਾਣਕਾਰੀ ਖ਼ੁਦ ਅਦਾਕਾਰ ਨੇ ਇੰਸਟਾ ਸਟੋਰੀ 'ਤੇ ਪੋਸਟ ਸਾਂਝੀ ਕਰ ਦਿੱਤੀ ਹੈ।
ਉਨ੍ਹਾਂ ਨੇ ਹਸਪਤਾਲ ਤੋਂ ਆਪਣੀ ਇਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ 'ਚ ਏਜਾਜ਼ ਖਾਨ ਨੂੰ ਹਸਪਤਾਲ ਦੇ ਬਿਸਤਰ 'ਤੇ ਆਰਾਮ ਕਰਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਦੇ ਹੱਥ 'ਤੇ ਕਈ ਸੀਰਿੰਜਾਂ ਲੱਗੀਆਂ ਹੋਈਆਂ ਦੇਖੀਆਂ ਜਾ ਸਕਦੀਆਂ ਹਨ।
ਏਜਾਜ਼ ਖਾਨ ਨੇ ਤਸਵੀਰ ਦੇ ਨਾਲ ਲਿਖਿਆ-'ਸਾਲਮੋਨੇਲਾ ਐਂਟਰਿਕਾ ਸੇਰੋਵਰ ਟਾਈਫੀ...ਮੈਂ ਕਮਾਲ ਹਾਂ। ਕਾਲ ਨਾ ਕਰੋ।
ਇਸ ਵਿਚਾਲੇ ਏਜਾਜ਼ ਖਾਨ ਦੀ ਪ੍ਰੇਮਿਕਾ ਅਤੇ ਅਦਾਕਾਰਾ ਪਵਿੱਤਰਾ ਪੁਨੀਆ ਨੂੰ ਚਿੰਤਾ ਹੋ ਗਈ ਹੈ। ਉਨ੍ਹਾਂ ਨੇ ਏਜਾਜ਼ ਖਾਨ ਦੇ ਨਾਲ ਤਸਵੀਰ ਵੀ ਸਾਂਝੀ ਕੀਤੀ ਹੈ। ਤਸਵੀਰ 'ਚ ਪਵਿੱਤਰਾ ਏਜਾਜ਼ ਦਾ ਹੱਥ ਫੜੇ ਹੋਏ ਦਿਖਾਈ ਦੇ ਰਹੀ ਹੈ। ਇਸ ਦੇ ਨਾਲ ਉਨ੍ਹਾਂ ਨੇ ਲਿਖਿਆ-ਹੀਲਿੰਗ। ਜਲਦੀ ਠੀਕ ਹੋ ਜਾਣਾ।
ਏਜਾਜ਼ ਖਾਨ ਅਤੇ ਪਵਿੱਤਰਾ ਸਭ ਤੋਂ ਪਸੰਦੀਦਾ ਜੋੜਿਆਂ 'ਚੋਂ ਇਕ ਹਨ। ਦੋਵਾਂ ਦੀ ਮੁਲਾਕਾਤ ਬਿਗ ਬੌਸ 14 'ਚ ਹੋਈ। ਦੋਵੇਂ ਮੁਕਾਬਲੇਬਾਜ਼ ਦੇ ਤੌਰ 'ਤੇ ਸ਼ਾਮਲ ਹੋਏ ਸਨ। ਫਿਰ ਦੋਵਾਂ ਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਸੀ। ਉਹ ਹਮੇਸ਼ਾ ਇੰਸਟਾਗ੍ਰਾਮ ਦੇ ਰਾਹੀਂ ਇਕ-ਦੂਜੇ ਨੂੰ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਸਨ। ਖ਼ਬਰਾਂ ਹਨ ਕਿ ਜ਼ਲਦ ਹੀ ਦੋਵੇਂ ਵਿਆਹ ਕਰ ਸਕਦੇ ਹਨ।