ਕਾਮੇਡੀਅਨ ਭਾਰਤੀ ਸਿੰਘ ਨੇ ਖੋਲ੍ਹਿਆ 15 ਕਿਲੋ ਭਾਰ ਘਟਾਉਣ ਦਾ ਰਾਜ਼
09/14/2021 10:30:44 AM
ਮੁੰਬਈ- ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਜਿਸ ਨੇ ਕਿ ਹਾਲ ਹੀ ਵਿੱਚ 15 ਕਿੱਲੋ ਦੇ ਕਰੀਬ ਵਜ਼ਨ ਘਟਾਇਆ ਹੈ। ਜਿਸ ਤੋਂ ਬਾਅਦ ਹਰ ਕੋਈ ਭਾਰਤੀ ਤੋਂ ਉਸ ਦੇ ਵਜ਼ਨ ਘਟਾਉਣ ਨੂੰ ਲੈ ਕੇ ਉਸ ਦੇ ਸੀਕ੍ਰੇਟਸ ਜਾਨਣਾ ਚਾਹੁੰਦਾ ਹੈ।
ਇਸ ਦੇ ਨਾਲ ਮੀਡੀਆ ਵਾਲੇ ਵੀ ਵਾਰ-ਵਾਰ ਉਸ ਤੋਂ ਪੁੱਛ ਰਹੇ ਹਨ ਕਿ ਇਨਾਂ ਭਾਰ ਉਸ ਨੇ ਕਿਸ ਤਰ੍ਹਾਂ ਘੱਟ ਕਰ ਲਿਆ। ਜਿਸ ਤੋਂ ਬਾਅਦ ਮੀਡੀਆ ਨੂੰ ਜਵਾਬ ਦਿੰਦੇ ਹੋਏ ਭਾਰਤੀ ਨੇ ਕਿਹਾ ਕਿ ਅਜਿਹਾ ਕੁਝ ਵੀ ਖ਼ਾਸ ਉਸ ਨੇ ਨਹੀਂ ਕੀਤਾ।
ਬਲਕਿ ਉਸ ਨੇ ਟਾਈਮ ਦੇ ਨਾਲ ਖਾਣਾ ਖਾਧਾ ਅਤੇ ਆਪਣੇ ਖਾਣ ‘ਤੇ ਕੰਟਰੋਲ ਕੀਤਾ। ਮੈਂ ਨਾ ਤਾਂ ਜਿੰਮ ਗਈ ਅਤੇ ਨਾ ਹੀ ਕੋਈ ਯੋਗ ਕੀਤਾ ਹੈ। ਭਾਰਤੀ ਸਿੰਘ ਦੇ ਇਸ ਟ੍ਰਾਂਸਫੋਰਮੇਸ਼ਨ ਨੂੰ ਵੇਖ ਕੇ ਹਰ ਕੋਈ ਹੈਰਾਨ ਹੈ ਅਤੇ ਹਰ ਕੋਈ ਭਾਰਤੀ ਦੀ ਕੋਸ਼ਿਸ਼ ਦੀ ਤਾਰੀਫ ਕਰ ਰਿਹਾ ਹੈ।
ਭਾਰਤੀ ਸਿੰਘ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਆਪਣੀ ਕਾਮੇਡੀ ਦੇ ਨਾਲ ਸਭ ਦੇ ਢਿੱਡੀਂ ਪੀੜਾਂ ਪਾਉਣ ਵਾਲੀ ਭਾਰਤੀ ਨੇ ਲਾਫਟਰ ਚੈਲੇਂਜ ਦੇ ਨਾਲ ਆਪਣੀ ਪਛਾਣ ਇੰਡਸਟਰੀ ‘ਚ ਬਣਾਈ ਸੀ। ਜਿਸ ਤੋਂ ਬਾਅਦ ਉਸ ਨੇ ਕਦੇ ਵੀ ਪਿੱਛੇ ਮੁੜ ਕੇ ਨਹੀਂ ਵੇਖਿਆ।
ਉਸ ਦੇ ਵੱਲੋਂ ਨਿਭਾਏ ਜਾਂਦੇ ਲੱਲੀ ਦੇ ਕਿਰਦਾਰ ਨੂੰ ਲੋਕਾਂ ਵੱਲੋਂ ਰੱਜਵਾਂ ਪਿਆਰ ਮਿਲਦਾ ਹੈ।