ਕੋਰੀਓਗ੍ਰਾਫਰ ਪੁਨੀਤ ਪਾਠਕ ਨੇ ਨਿਧੀ ਸਿੰਘ ਨਾਲ ਕਰਵਾਇਆ ਵਿਆਹ, ਤਸਵੀਰਾਂ ਵਾਇਰਲ

ਮੁੰਬਈ (ਬਿਊਰੋ) : ਕੋਰੀਓਗ੍ਰਾਫਰ ਅਤੇ ਅਦਾਕਾਰ ਪੁਨੀਤ ਜੇ ਪਾਠਕ ਨੇ ਆਪਣੀ ਮੰਗੇਤਰ ਨਿਧੀ ਮੂਨੀ ਸਿੰਘ ਨਾਲ ਵਿਆਹ ਕਰਵਾ ਲਿਆ ਹੈ। ਦੋਵਾਂ ਨੇ 11 ਦਸੰਬਰ ਨੂੰ ਲੋਨਾਵਲਾ 'ਚ ਸੱਤ ਫੇਰੇ ਲਏ ਸਨ। ਪੁਨੀਤ ਅਤੇ ਨਿਧੀ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਪੁਨੀਤ ਦਾ ਵਿਆਹ ਇਕ ਨਜ਼ਦੀਕੀ ਮਿੱਤਰਾਂ ਅਤੇ ਪਰਿਵਾਰ ਦੇ ਵਿਚਕਾਰ ਇਕ ਰਿਜੋਰਟ 'ਚ ਹੋਇਆ, ਜਿੱਥੇ ਮਹਿੰਦੀ ਦੀਆਂ ਰਸਮਾਂ, ਵਿਆਹ ਅਤੇ ਰਿਸਪੈਸ਼ਨ ਹੋਇਆ। ਵਿਆਹ ਦੌਰਾਨ ਪੁਨੀਤ ਅਤੇ ਨਿਧੀ ਪਿੰਕ ਪਹਿਰਾਵੇ 'ਚ ਨਜ਼ਰ ਆਏ।

ਨਿਧੀ ਬਲੈਸ਼ ਪਿੰਕ ਲਹਿੰਗੇ 'ਚ ਬੇਹੱਦ ਖ਼ੂਬਸੂਰਤ ਲੱਗ ਰਹੀ ਸੀ, ਜਦੋਂਕਿ ਪੁਨੀਤ ਨੇ ਹਲਕੇ ਗੁਲਾਬੀ ਰੰਗ ਦੀ ਸ਼ੇਰਵਾਨੀ ਪਾਈ ਸੀ। ਪੁਨੀਤ ਅਤੇ ਨਿਧੀ ਦੀ ਕੂਚਿਤ ਬਾਂਡਿੰਗ ਤਸਵੀਰਾਂ ਅਤੇ ਵੀਡੀਓ 'ਚ ਦਿਖਾਈ ਦੇ ਰਹੀ ਹੈ। ਪੁਨੀਤ ਅਤੇ ਨਿਧੀ ਨੇ ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਉਸ ਦੇ ਪਤੀ ਹਰਸ਼ ਲਿੰਬਾਚੀਆ ਸਮੇਤ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।

ਇਸ ਤੋਂ ਪਹਿਲਾਂ ਪੁਨੀਤ ਨੇ ਇਕ ਪੋਸਟ ਸਾਂਝੀ ਕੀਤੀ ਸੀ ਅਤੇ ਆਪਣੇ ਵਿਆਹ ਦੀ ਤਰੀਕ ਦਾ ਜ਼ਿਕਰ ਕੀਤਾ ਸੀ। ਉਸ ਨੇ ਲਿਖਿਆ, 'ਇਕ ਤਾਰੀਖ ਜੋ ਸਦਾ ਸਾਡੇ ਨਾਲ ਰਹੇਗੀ। ਇਕ ਤਾਰੀਖ ਜੋ ਸਾਨੂੰ ਸਦਾ ਲਈ ਬਦਲ ਦੇਵੇਗੀ। 11/12/2020 ਨੂੰ ਇਕ ਨਵਾਂ ਅਧਿਆਇ ਸ਼ੁਰੂ ਹੋਣ ਜਾ ਰਿਹਾ ਹੈ। ਤੁਹਾਡਾ, ਮੇਰਾ ਅਤੇ ਸਾਡੀਆਂ ਕਹਾਣੀਆਂ ਦਾ ਇਕ ਖੂਬਸੂਰਤ ਅਧਿਆਇ।' ਇਸ ਦੇ ਨਾਲ ਨਿਧੀ ਨੇ ਇਕ ਇੰਸਟਾਗ੍ਰਾਮ ਪੋਸਟ 'ਚ ਲਿਖਿਆ, '11.12.2020 ਇਹ ਸੱਤ ਜਨਮ ਦੀ ਪੁਨੀਤ ਹੈ, ਦੀ ਇਕ ਪਹਿਲੀ ਤਸਵੀਰ ਹੈ।'

ਦੱਸ ਦੇਈਏ ਕਿ 'ਖ਼ਤਰੋਂ ਕੇ ਖਿਲਾੜੀ-9' ਦੇ ਵਿਜੇਤਾ ਪੁਨੀਤ ਪਾਠਕ ਨੇ ਪਿਛਲੇ ਸਾਲ ਅਗਸਤ 'ਚ ਪ੍ਰੇਮਿਕਾ ਨਿਧੀ ਮੂਨੀ ਸਿੰਘ ਨਾਲ ਮੰਗਣੀ ਕਰਵਾਈ ਸੀ। ਨੇੜਲੇ ਦੋਸਤਾਂ ਅਤੇ ਪਰਿਵਾਰ ਦੀ ਮੌਜੂਦਗੀ 'ਚ ਦੋਵਾਂ ਨੇ ਕੁੜਮਾਈ ਕਰਵਾਈ ਸੀ। ਦੋਵੇਂ ਨੇ ਸੋਸ਼ਲ ਮੀਡੀਆ 'ਤੇ ਕੁੜਮਾਈ ਦੀਆਂ ਤਸਵੀਰਾਂ ਵੀ ਪੋਸਟ ਕੀਤੀਆਂ ਸਨ। ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਪੁਨੀਤ ਨੇ ਲਿਖਿਆ ਸੀ, 'ਹਮੇਸ਼ਾ ਦੀ ਸ਼ੁਰੂਆਤ ਕਰਨ ਲਈ।'

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)