'ਬਿੱਗ ਬੌਸ 14' ਫੇਮ ਸੋਨਾਲੀ ਫੋਗਾਟ ਦਾ 'ਅਫ਼ੀਮ' ਦੇ ਨਸ਼ੇ 'ਚ ਰੋਮਾਂਟਿਕ ਡਾਂਸ, ਲੋਕਾਂ ਨੇ ਕੀਤੇ ਅਜਿਹੇ ਕੁਮੈਂਟ
05/18/2021 9:27:39 AM
ਮੁੰਬਾਈ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਦੀ ਮੁਕਾਬਲੇਬਾਜ਼ ਅਤੇ ਭਾਜਪਾ ਨੇਤਾ ਸੋਨਾਲੀ ਫੋਗਾਟ ਸੋਸ਼ਲ ਮੀਡੀਆ ਸੈਨਸੇਸ਼ਨ ਹੈ। ਸੋਨਾਲੀ ਫੋਗਾਟ ਨੇ ਆਪਣੀ ਅਦਾਵਾਂ ਨਾਲ ਇੱਕ ਵਾਰ ਫਿਰ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਉਸ ਦਾ ਨਵਾਂ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਹੁਣ ਸੋਨਾਲੀ ਦਾ ਨਵਾਂ ਗੀਤ ਰਿਲੀਜ਼ ਹੋਇਆ ਹੈ, ਜਿਸ ਦਾ ਨਾਂ 'ਅਫੀਮ' ਹੈ।
View this post on InstagramA post shared by Viral Bhayani (@viralbhayani)
ਸੋਨਾਲੀ ਫੋਗਾਟ ਇਸ ਗੀਤ 'ਚ ਰੋਮਾਂਟਿਕ ਅੰਦਾਜ਼ 'ਚ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਦੀ ਇਸ ਡਾਂਸ ਵੀਡੀਓ 'ਤੇ ਪ੍ਰਸ਼ੰਸਕ ਜ਼ਬਰਦਸਤ ਟਿੱਪਣੀਆਂ ਕਰ ਰਹੇ ਹਨ। ਇੱਕ ਯੂਜ਼ਰਸ ਨੇ ਲਿਖਿਆ, 'ਕਿੰਨਾ ਵਧੀਆ ਡਾਂਸ ਕੀਤਾ।' ਉਥੇ ਹੀ ਇੱਕ ਯੂਜ਼ਰ ਨੇ ਉਸ ਨੂੰ ਨਵੇਂ ਯੁੱਗ ਦੀ 'ਰਾਣੂ ਮੰਡਲ' ਕਿਹਾ ਹੈ।
ਦੱਸ ਦੇਈਏ ਕਿ 'ਬਿੱਗ ਬੌਸ' ਛੱਡਣ ਤੋਂ ਬਾਅਦ ਸੋਨਾਲੀ ਫੋਗਾਟ ਰਾਜਨੀਤੀ ਦੇ ਗਲਿਆਰੇ ਤੋਂ ਇਲਾਵਾ ਮਨੋਰੰਜਨ ਦੀ ਦੁਨੀਆਂ 'ਚ ਵੀ ਸਰਗਰਮ ਹੈ। ਹਾਲ ਹੀ 'ਚ ਸੋਨਾਲੀ ਫੋਗਾਟ ਦਾ ਗੀਚ 'ਅਫੀਮ' ਰਿਲੀਜ਼ ਹੋਇਆ ਹੈ। ਇਸ ਤੋਂ ਇਲਾਵਾ ਸੋਨਾਲੀ ਫੋਗਾਟ ਫ਼ਿਲਮਾਂ 'ਚ ਵੀ ਸਰਗਰਮ ਹੈ।
ਸੋਨਾਲੀ ਦੀ ਫ਼ਿਲਮ 'ਹੰਸਾ' ਜੁਲਾਈ 'ਚ ਆਉਣ ਵਾਲੀ ਹੈ। ਇਸ 'ਚ ਉਹ ਫ਼ਿਲਮ ਸਟਾਰ ਧਰਮਿੰਦਰ ਨਾਲ ਇੱਕ ਗੀਤ 'ਚ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਸੋਨਾਲੀ ਫੋਗਟ ਜਲਦ ਹੀ ਹਰਿਆਣਵੀ ਪੌਪ ਗਾਇਕਾ ਅਤੇ ਰੈਪਰ ਐਮਡੀ-ਕੇਡੀ ਨਾਲ ਵੀ ਨਜ਼ਰ ਆਵੇਗੀ।
ਦੱਸਣਯੋਗ ਹੈ ਕਿ ਲੋਕ ਸੋਨਾਲੀ ਦੇ ਇਸ ਅੰਦਾਜ਼ 'ਤੇ ਬਹੁਤ ਪਿਆਰ ਬਰਸਾ ਰਹੇ ਹਨ। ਸੋਨਾਲੀ ਹਮੇਸ਼ਾ ਹੀ ਆਪਣੀ ਅਦਾਵਾਂ ਅਤੇ ਅੰਦਾਜ਼ ਨਾਲ ਲੋਕਾਂ ਦਾ ਦਿਲ ਜਿੱਤਦੀ ਹੈ। ਸੋਨਾਲੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ ਅਤੇ ਉਹ ਆਪਣੇ ਪ੍ਰਸ਼ੰਸਕਾਂ ਲਈ ਲਗਾਤਾਰ ਤਸਵੀਰਾਂ ਅਤੇ ਵੀਡੀਓ ਸ਼ੇਅਰ ਕਰਦੀ ਰਹਿੰਦੀ ਹੈ।
ਨੋਟ - ਸੋਨਾਲੀ ਫੋਗਾਟ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।