ਅੱਜ ਹੋਵੇਗਾ ਅਰਬਾਜ਼ ਖ਼ਾਨ ਦਾ ਵਿਆਹ, 56 ਸਾਲ ਦੀ ਉਮਰ ’ਚ ਦੂਜੀ ਵਾਰ ਬਣਨਗੇ ਪਤੀ

ਮੁੰਬਈ (ਬਿਊਰੋ)– ਸਲਮਾਨ ਖ਼ਾਨ ਦੇ ਛੋਟੇ ਭਰਾ ਤੇ ਮਲਾਇਕਾ ਅਰੋੜਾ ਦੇ ਸਾਬਕਾ ਪਤੀ ਅਰਬਾਜ਼ ਖ਼ਾਨ ਇਨ੍ਹੀਂ ਦਿਨੀਂ ਆਪਣੇ ਦੂਜੇ ਵਿਆਹ ਨੂੰ ਲੈ ਕੇ ਸੁਰਖ਼ੀਆਂ ’ਚ ਹਨ। ਪਿਛਲੇ ਦੋ ਦਿਨਾਂ ਤੋਂ ਅਦਾਕਾਰ ਦੇ ਵਿਆਹ ਦੀਆਂ ਖ਼ਬਰਾਂ ਲਗਾਤਾਰ ਮੀਡੀਆ ’ਚ ਛਾਈਆਂ ਹੋਈਆਂ ਹਨ।

ਇਹ ਖ਼ਬਰ ਵੀ ਪੜ੍ਹੋ : ‘ਮੈਨੇ ਪਿਆਰ ਕੀਆ’ ਦੇ ਪੋਸਟਰ ਸ਼ੂਟ ਦੌਰਾਨ ਗਰਭਵਤੀ ਸੀ ਭਾਗਿਆਸ਼੍ਰੀ, ਸਲਮਾਨ ਖ਼ਾਨ ਨੇ ਆਖੀ ਸੀ ਇਹ ਗੱਲ

ਇੰਨਾ ਹੀ ਨਹੀਂ, ਮੁੰਬਈ ’ਚ ਦੇਰ ਰਾਤ ਹੋਏ ਉਮੰਗ ਪ੍ਰੋਗਰਾਮ ’ਚ ਅਦਾਕਾਰ ਨੇ ਇਨ੍ਹਾਂ ਖ਼ਬਰਾਂ ’ਤੇ ਇਸ ਤਰ੍ਹਾਂ ਪ੍ਰਤੀਕਿਰਿਆ ਦਿੱਤੀ ਕਿ ਇਸ ਨੇ ਮੀਡੀਆ ’ਚ ਹੋਰ ਵੀ ਹਲਚਲ ਮਚਾ ਦਿੱਤੀ। 24 ਦਸੰਬਰ ਦੀ ਦੁਪਹਿਰ ਨੂੰ ਅਦਾਕਾਰ ਨੂੰ ਆਪਣੀ ਭੈਣ ਅਰਪਿਤਾ ਖ਼ਾਨ ਦੇ ਘਰ ਦੇ ਬਾਹਰ ਦੇਖਿਆ ਗਿਆ।

ਅਰਬਾਜ਼ ਖ਼ਾਨ ਦਾ ਅੱਜ ਹੋਵੇਗਾ ਦੂਜਾ ਵਿਆਹ?
ਵੀਰਵਾਰ ਨੂੰ ਖ਼ਬਰ ਆਈ ਸੀ ਕਿ ਅਰਬਾਜ਼ ਖ਼ਾਨ ਮੇਕਅੱਪ ਆਰਟਿਸਟ ਸ਼ੂਰਾ ਖ਼ਾਨ ਨਾਲ ਵਿਆਹ ਕਰਨ ਜਾ ਰਹੇ ਹਨ। ਇੰਨਾ ਹੀ ਨਹੀਂ, ਮੀਡੀਆ ’ਚ ਵਿਆਹ ਦੀ ਤਾਰੀਖ਼ 24 ਦਸੰਬਰ ਦੱਸੀ ਜਾ ਰਹੀ ਹੈ ਤੇ ਇਨ੍ਹਾਂ ਖ਼ਬਰਾਂ ਵਿਚਾਲੇ ਅਦਾਕਾਰ ਨੂੰ ਭੈਣ ਅਰਪਿਤਾ ਖ਼ਾਨ ਦੇ ਘਰ ਦੇ ਬਾਹਰ ਦੇਖਿਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਜੋੜੀ ਅਰਪਿਤਾ ਖ਼ਾਨ ਦੇ ਘਰ ਵਿਆਹ ਕਰਨ ਜਾ ਰਹੀ ਹੈ।

ਅਰਹਾਨ ਖ਼ਾਨ ਵੀ ਮਾਸੀ ਦੇ ਘਰ ਪਹੁੰਚੇ
ਅਰਬਾਜ਼ ਖ਼ਾਨ ਦੇ ਵਿਆਹ ’ਚ ਉਨ੍ਹਾਂ ਦਾ ਪੁੱਤਰ ਸ਼ਾਮਲ ਨਾ ਹੋ, ਅਜਿਹਾ ਹੋ ਨਹੀਂ ਸਕਦਾ। ਜਿਥੇ ਕੁਝ ਸਮਾਂ ਪਹਿਲਾਂ ਅਰਬਾਜ਼ ਖ਼ਾਨ ਨੂੰ ਸਪਾਟ ਕੀਤਾ ਗਿਆ ਸੀ, ਹੁਣ ਉਨ੍ਹਾਂ ਦਾ ਪੁੱਤਰ ਅਰਹਾਨ ਖ਼ਾਨ ਵੀ ਅਰਪਿਤਾ ਖ਼ਾਨ ਦੇ ਘਰ ਪਹੁੰਚਿਆ ਹੈ। ਪੂਰਾ ਖ਼ਾਨ ਪਰਿਵਾਰ ਅਰਪਿਤਾ ਦੇ ਘਰ ’ਚ ਸ਼ਾਮਲ ਹੋ ਰਿਹਾ ਹੈ।

ਮਾਂ ਸਲਮਾ ਤੇ ਪਿਤਾ ਸਲੀਮ ਖ਼ਾਨ ਵੀ ਪਹੁੰਚੇ
ਅਰਬਾਜ਼ ਖ਼ਾਨ ਦੇ ਮਾਤਾ-ਪਿਤਾ ਵੀ ਅਰਪਿਤਾ ਖ਼ਾਨ ਦੇ ਘਰ ਪਹੁੰਚ ਚੁੱਕੇ ਹਨ। ਇਸ ਖ਼ਾਸ ਮੌਕੇ ’ਤੇ ਸਲੀਮ ਖ਼ਾਨ ਕਾਫ਼ੀ ਸਿੰਪਲ ਲੁੱਕ ’ਚ ਨਜ਼ਰ ਆਏ ਪਰ ਮਾਂ ਸਲਮਾ ਹੈਵੀ ਗ੍ਰੀਨ ਕਲਰ ਦੇ ਸੂਟ ’ਚ ਨਜ਼ਰ ਆਈ।

56 ਸਾਲ ਦੀ ਉਮਰ ’ਚ ਦੂਜੀ ਵਾਰ ਵਿਆਹ ਕਰਵਾ ਰਹੇ ਅਰਬਾਜ਼
ਟਾਈਮਜ਼ ਆਫ਼ ਇੰਡੀਆ ਦੀ ਰਿਪੋਰਟ ਮੁਤਾਬਕ ਜੋੜੇ ਨੇ ਕੁਝ ਸਮਾਂ ਇਕ-ਦੂਜੇ ਨੂੰ ਡੇਟ ਕੀਤਾ ਤੇ ਫਿਰ ਵਿਆਹ ਕਰਨ ਦਾ ਫ਼ੈਸਲਾ ਕੀਤਾ। ਇਸ ਵਿਆਹ ’ਚ ਸਿਰਫ਼ ਪਰਿਵਾਰਕ ਮੈਂਬਰ ਹੀ ਸ਼ਾਮਲ ਹੋਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।