ਜਦੋਂ ਅਕਸ਼ੇ ਕੁਮਾਰ ਨੂੰ ਵੱਡੀ ਭੈਣ ਦੀ ਇਸ ਇੱਛਾ ਲਈ ਟੇਕਣੇ ਪਏ ਸਨ ਗੋਢੇ, ਜਾਣੋ ਦਿਲਚਸਪ ਕਿੱਸਾ

ਮੁੰਬਈ (ਬਿਊਰੋ) - ਬਾਲੀਵੁੱਡ ਦੇ ਸੁਪਰਸਟਾਰ ਅਦਾਕਾਰ ਅਕਸ਼ੇ ਕੁਮਾਰ ਦਿੱਲੀ ਦੇ ਰਹਿਣ ਵਾਲੇ ਹਨ। ਉਸ ਦਾ ਸਾਰਾ ਬਚਪਨ ਬੇਹੱਦ ਸਾਦਗੀ ਨਾਲ ਬੀਤਿਆ। ਅਕਸ਼ੇ ਕਦੇ ਵੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਸੁਰਖੀਆਂ 'ਚ ਨਹੀਂ ਆਉਣ ਦਿੰਦੇ। ਇਸੇ ਲਈ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਅਕਸ਼ੇ ਦੀ ਇੱਕ ਵੱਡੀ ਭੈਣ ਵੀ ਹੈ।

ਕਈ ਵਾਰ ਉਹ ਅਕਸ਼ੇ ਦੀਆਂ ਫ਼ਿਲਮਾਂ ਦੀ ਸਕ੍ਰੀਨਿੰਗ ਅਤੇ ਕੁਝ ਸਮਾਗਮਾਂ 'ਚ ਦਿਖਾਈ ਦਿੱਤੀ ਹੈ। ਦੱਸ ਦੇਈਏ ਕਿ ਅਕਸ਼ੇ ਕੁਮਾਰ ਤੇ ਉਸ ਦੀ ਭੈਣ ਅਲਕਾ ਨਾਲ ਜੁੜੀ ਇੱਕ ਕਹਾਣੀ ਕਾਫ਼ੀ ਮਸ਼ਹੂਰ ਹੈ। ਦਰਅਸਲ, ਅਲਕਾ ਨੂੰ ਉਸ ਤੋਂ 15 ਸਾਲ ਵੱਡੇ ਵਿਅਕਤੀ ਨਾਲ ਪਿਆਰ ਹੋ ਗਿਆ ਸੀ ਪਰ ਅਕਸ਼ੇ ਇਸ ਪਿਆਰ ਦੇ ਵਿਰੁੱਧ ਸੀ। ਅਲਕਾ ਨੇ ਪੂਰੇ ਪਰਿਵਾਰ ਦੀ ਸਹਿਮਤੀ ਤੋਂ ਬਗੈਰ ਵਿਆਹ ਕਰਵਾ ਲਿਆ, ਜਿਸ ਕਾਰਨ ਅਕਸ਼ੇ ਕੁਮਾਰ ਬਹੁਤ ਗੁੱਸੇ ਸੀ।

ਅਕਸ਼ੇ ਕੁਮਾਰ ਬਾਲੀਵੁੱਡ ਦੇ ਮਸ਼ਹੂਰ ਸਿਤਾਰੇ ਹਨ ਪਰ ਉਨ੍ਹਾਂ ਦਾ ਪਰਿਵਾਰ ਬਹੁਤ ਸਾਦਾ ਹੈ। ਇਹੀ ਕਾਰਨ ਹੈ ਕਿ ਉਹ ਸਾਰੇ ਸੁਰਖੀਆਂ ਤੋਂ ਦੂਰ ਰਹਿੰਦੇ ਹਨ। ਅਕਸ਼ੇ ਕੁਮਾਰ ਭਾਵੇਂ ਮੁੰਬਈ 'ਚ ਰਹਿੰਦੇ ਹਨ ਪਰ ਉਹ ਆਪਣੀ ਭੈਣ ਤੇ ਪਰਿਵਾਰ ਦੇ ਬਹੁਤ ਕਰੀਬ ਹਨ। ਦਰਅਸਲ, ਜਿਸ ਵਿਅਕਤੀ ਨਾਲ ਅਲਕਾ ਨੂੰ ਪਿਆਰ ਹੋ ਗਿਆ, ਉਹ ਮੁੰਬਈ ਦੇ ਮਸ਼ਹੂਰ ਨਾਵਾਂ 'ਚੋਂ ਇੱਕ ਹੈ। ਦੋਵਾਂ ਨੇ ਪਰਿਵਾਰ ਦੀ ਇੱਛਾ ਦੇ ਵਿਰੁੱਧ 23 ਦਸੰਬਰ, 2012 ਨੂੰ ਵਿਆਹ ਕਰਵਾ ਲਿਆ। ਅਲਕਾ ਨੇ ਸੁਰੇਂਦਰ ਹੀਰਾਨੰਦਾਨੀ ਨਾਂ ਦੇ ਵਿਅਕਤੀ ਨਾਲ ਵਿਆਹ ਕਰਵਾਇਆ। 

ਦੱਸ ਦੇਈਏ ਕਿ ਸੁਰੇਂਦਰ ਮਹਾਰਾਸ਼ਟਰ ਤੇ ਦੇਸ਼ ਦੀ ਇੱਕ ਪ੍ਰਮੁੱਖ ਰੀਅਲ ਅਸਟੇਟ ਫਰਮ ਹੀਰਾਨੰਦਾਨੀ ਸਮੂਹ ਦੇ ਸਹਿ-ਸੰਸਥਾਪਕ ਤੇ ਪ੍ਰਬੰਧ ਨਿਰਦੇਸ਼ਕ ਹਨ। ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸੁਰੇਂਦਰ ਹੀਰਾਨੰਦਾਨੀ ਪਹਿਲਾਂ ਹੀ ਵਿਆਹੇ ਹੋਏ ਸੀ। ਹਾਲਾਂਕਿ ਉਸ ਨੇ ਅਲਕਾ ਨਾਲ ਵਿਆਹ ਕਰਨ ਤੋਂ ਪਹਿਲਾਂ ਆਪਣੀ ਪਤਨੀ ਪ੍ਰੀਤੀ ਨੂੰ ਤਲਾਕ ਦੇ ਦਿੱਤਾ ਸੀ।

ਇਹੀ ਕਾਰਨ ਸੀ ਕਿ ਅਕਸ਼ੇ ਕੁਮਾਰ ਆਪਣੀ ਭੈਣ ਦੇ ਫੈਸਲੇ ਤੋਂ ਖੁਸ਼ ਨਹੀਂ ਸੀ ਪਰ ਉਸ ਨੇ ਆਪਣੀ ਭੈਣ ਦੇ ਪਿਆਰ ਦੇ ਅੱਗੇ ਗੋਡੇ ਟੇਕ ਦਿੱਤੇ ਤੇ ਦੋਵਾਂ ਨੂੰ ਗੋਦ ਲੈ ਲਿਆ। ਬਾਅਦ 'ਚ ਅਕਸ਼ੇ ਕੁਮਾਰ ਨੇ ਦੋਵਾਂ ਦੇ ਵਿਆਹ 'ਚ ਭਰਾ ਦੀਆਂ ਰਸਮਾਂ ਵੀ ਨਿਭਾਈਆਂ। ਇਸ ਦੇ ਨਾਲ ਹੀ ਫੋਰਬਸ ਮੈਗਜ਼ੀਨ ਮਮੁਤਾਬਕ ਸੁਰੇਂਦਰ ਦੀ ਕੁੱਲ ਸੰਪਤੀ 1.29 ਬਿਲੀਅਨ ਡਾਲਰ ਹੈ। ਸੁਰੇਂਦਰ ਪਹਿਲਾਂ ਹੀ ਤਿੰਨ ਬੱਚਿਆਂ ਦਾ ਪਿਤਾ ਸੀ।