ਮੀਕਾ ਸਿੰਘ ਦੀ ਵਹੁਟੀ ਆਕਾਂਕਸ਼ਾ ਪੁਰੀ ਦੇ ਹੁਸਨ ਅੱਗੇ ਫਿੱਕੀਆਂ ਨੇ ਬਾਲੀਵੁੱਡ ਹੀਰੋਇਨਾਂ, ਦੇਖੋ ਦਿਲਕਸ਼ ਤਸਵੀਰਾਂ
07/26/2022 5:21:36 PM
ਮੁੰਬਈ (ਬਿਊਰੋ)– ਅਦਾਕਾਰਾ ਤੇ ਮਾਡਲ ਆਕਾਂਕਸ਼ਾ ਪੁਰੀ ਲਈ ਇਸ ਵਾਰ ਉਸ ਦਾ ਜਨਮਦਿਨ ਬੇਹੱਦ ਖ਼ਾਸ ਹੈ। ਉਹ ‘ਸਵੰਬਰ ਮੀਕਾ ਦੀ ਵਹੁਟੀ’ ਨੂੰ ਲੈ ਕੇ ਕਾਫੀ ਜ਼ਿਆਦਾ ਚਰਚਾ ’ਚ ਹੈ ਪਰ ਇਸ ਤੋਂ ਇਲਾਵਾ ਉਹ ਕਈ ਫ਼ਿਲਮਾਂ ’ਚ ਆਪਣੇ ਅਭਿਨੈ ਦਾ ਲੋਹਾ ਵੀ ਮੰਨਵਾ ਚੁੱਕੀ ਹੈ।
ਆਕਾਂਕਸ਼ਾ ਆਪਣੇ ਗਲੈਮਰੈੱਸ ਲੁੱਕ ਨੂੰ ਲੈ ਕੇ ਵੀ ਕਾਫੀ ਚਰਚਾ ’ਚ ਰਹਿੰਦੀ ਹੈ। ਸ਼ੋਅ ‘ਸਵੰਬਰ ਮੀਕਾ ਦੀ ਵਹੁਟੀ’ ’ਚ ਵੀ ਉਸ ਨੇ ਆਪਣੇ ਗਲੈਮਰੈੱਸ ਲੁੱਕ ਨਾਲ ਪ੍ਰਸ਼ੰਸਕਾਂ ਨੂੰ ਕਾਫੀ ਪ੍ਰਭਾਵਿਤ ਕੀਤਾ ਤੇ ਹੁਣ ਉਹ ਮੀਕਾ ਸਿੰਘ ਦੀ ਵਹੁਟੀ ਵੀ ਬਣ ਚੁੱਕੀ ਹੈ। ਆਕਾਂਕਸ਼ਾ ਪੁਰੀ ’ਤੇ ਵੈਸਟਰਨ ਦੇ ਨਾਲ-ਨਾਲ ਪ੍ਰੰਪਾਰਿਕ ਪਹਿਰਾਵੇ ਵੀ ਕਾਫੀ ਜਚਦੇ ਹਨ।
ਦੱਸ ਦੇਈਏ ਕਿ ਆਕਾਂਕਸ਼ਾ ਪੁਰੀ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਰਹਿੰਦੀ ਹੈ। ਇੰਸਟਾਗ੍ਰਾਮ ’ਤੇ ਉਸ ਦੀ ਚੰਗੀ ਫੈਨ ਫਾਲੋਇੰਗ ਹੈ। ਉਹ ਅਕਸਰ ਪ੍ਰਸ਼ੰਸਕਾਂ ਨਾਲ ਸਟਾਈਲਿਸ਼ ਤਸਵੀਰਾਂ ਸਾਂਝੀਆਂ ਕਰਦੀ ਨਜ਼ਰ ਆਉਂਦੀ ਹੈ। ਆਕਾਂਕਸ਼ਾ ਦੀ ਜੇਕਰ ਤੁਸੀਂ ਇੰਸਟਾਗ੍ਰਾਮ ਪ੍ਰੋਫਾਈਲ ਦੇਖੋਗੇ ਤਾਂ ਤੁਹਾਨੂੰ ਉਸ ਦੀਆਂ ਇਕ ਤੋਂ ਵੱਧ ਕੇ ਇਕ ਗਲੈਮਰੈੱਸ ਤਸਵੀਰਾਂ ਦੇਖਣ ਨੂੰ ਮਿਲਣਗੀਆਂ। ਪ੍ਰਸ਼ੰਸਕ ਵੀ ਆਪਣੀ ਚਹੇਤੀ ਅਦਾਕਾਰਾ ਦੀਆਂ ਤਸਵੀਰਾਂ ’ਤੇ ਖੂਬ ਪਿਆਰ ਲੁਟਾਉਂਦੇ ਹਨ।
ਆਕਾਂਕਸ਼ਾ ਪੁਰੀ ਖ਼ੂਬਸੂਰਤੀ ਦੇ ਮਾਮਲੇ ’ਚ ਬਾਲੀਵੁੱਡ ਦੀਆਂ ਵੱਡੀਆਂ-ਵੱਡੀਆਂ ਅਦਾਕਾਰਾਂ ਨੂੰ ਟੱਕਰ ਦਿੰਦੀ ਹੈ। ਉਸ ਦੀ ਫੈਸ਼ਨ ਸੈਂਸ ਕਮਾਲ ਦੀ ਹੈ। ਟ੍ਰਡੀਸ਼ਨਲ ਡਰੈੱਸ ਤੇ ਵੈਸਟਰਨ ਡਰੈੱਸ ਦੋਵਾਂ ’ਚ ਉਹ ਕਹਿਰ ਢਾਹੁੰਦੀ ਹੈ। ਪ੍ਰਸ਼ੰਸਕ ਉਸ ਦੀ ਲੁੱਕ ਦੇ ਦੀਵਾਨੇ ਹਨ।
ਦੱਸ ਦੇਈਏ ਕਿ ਆਕਾਂਕਸ਼ਾ ਪੁਰੀ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਊਥ ਫ਼ਿਲਮਾਂ ਤੋਂ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ ਸਾਲ 2015 ’ਚ ‘ਕੈਲੇਂਡਰ ਗਰਲਜ਼’ ਫ਼ਿਲਮ ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਫ਼ਿਲਮਾਂ ਤੋਂ ਇਲਾਵਾ ਆਕਾਂਕਸ਼ਾ ਪੁਰੀ ਨੇ ਮਸ਼ਹੂਰ ਸ਼ੋਅ ‘ਵਿਘਨਹਰਤਾ ਗਣੇਸ਼’ ’ਚ ਦੇਵੀ ਪਾਰਵਤੀ ਦਾ ਕਿਰਦਾਰ ਵੀ ਨਿਭਾਇਆ ਸੀ।
ਆਕਾਂਕਸ਼ਾ ਪੁਰੀ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਹ ‘ਬਿੱਗ ਬੌਸ 13’ ਫੇਮ ਪਾਰਸ ਛਾਬੜਾ ਦੀ ਐਕਸ ਗਰਲਫਰੈਂਡ ਹੈ। ਸ਼ੋਅ ਦੌਰਾਨ ਪਾਰਸ ਤੇ ਆਕਾਂਕਸ਼ਾ ਵਿਚਾਲੇ ਕਾਫੀ ਗਲਤਫਹਿਮੀਆਂ ਹੋ ਗਈਆਂ ਸਨ, ਜਿਸ ਤੋਂ ਬਾਅਦ ਦੋਵਾਂ ਦੇ ਰਾਹ ਅਲੱਗ ਹੋ ਗਏ। ਪਾਰਸ ਛਾਬੜਾ ਨਾਲ ਆਕਾਂਕਸ਼ਾ ਪੁਰੀ ਦਾ ਰਿਸ਼ਤਾ ਜ਼ਿਆਦਾ ਲੰਮਾ ਨਹੀਂ ਚੱਲਿਆ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।