ਸਾਈਬਰ ਹਮਲੇ ਦੀ ਲਪੇਟ ’ਚ ਹਲਦੀਰਾਮ, ਡਾਟਾ ਵਾਪਸ ਕਰਨ ਦੇ ਮੰਗੇ 7 ਲੱਖ ਰੁਪਏ
10/16/2020 10:45:35 PM
ਨੋਇਡਾ— ਦੇਸ਼ ਦੀ ਮਸ਼ਹੂਰ ਫੂਡ ਅਤੇ ਪੈਕੈਜਿੰਗ ਕੰਪਨੀ ਹਲਦੀਰਾਮ ’ਤੇ ਸਾਈਬਰ ਹਮਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ ’ਚ ਕੰਪਨੀ ਵਲੋਂ ਥਾਣਾ ਸੈਕਟਰ 58 ’ਚ ਸ਼ਿਕਾਇਤ ਕੀਤੀ ਗਈ ਹੈ। ਸਾਈਬਰ ਅਪਰਾਧੀਆਂ ਨੇ ਕੰਪਨੀ ਦੇ ਕਈ ਵਿਭਾਗ ਦਾ ਡਾਟਾ ਡਿਲੀਟ ਕਰ ਦਿੱਤਾ ਹੈ, ਜਿਸ ਕਾਰਨਕੰਪਨੀ ਨੂੰ ਕਾਫੀ ਨੁਕਸਾਨ ਉਠਾਉਣਾ ਪੈ ਰਿਹਾ ਹੈ। ਡਾਟਾ ਵਾਪਸ ਕਰਨ ਦੇ ਸਬੰਧ ’ਚ ਸਾਈਬਰ ਅਪਰਾਧੀਆਂ ਨੇ 7 ਲੱਖ ਰੁਪਏ ਦੀ ਰਿਸ਼ਵਤ ਮੰਗੀ ਹੈ।
ਪੁਲਸ ਕਮਿਸ਼ਨਰ ਅਲੋਕ ਸਿੰਘ ਦੇ ਮੀਡੀਆ ਇੰਚਾਰਜ ਅਭਿਨੇਂਦਰ ਸਿੰਘ ਨੇ ਦੱਸਿਆ ਕਿ ਫੂਡ ਅਤੇ ਪੈਕੇਜਿੰਗ ਕੰਪਨੀ ਹਲਦੀਰਾਮ ਦਾ ਨੋਇਡਾ ਦੇ ਸੈਕਟਰ 62 ਦੇ ਸੀ-ਬਲਾਕ ’ਚ ਕਾਰਪੋਰੇਟ ਦਫ਼ਤਰ ਹੈ। ਇਥੋਂ ਕੰਪਨੀ ਦਾ ਆਈ. ਟੀ. ਵਿਭਾਗ ਸੰਚਾਲਿਤ ਹੁੰਦਾ ਹੈ। ਹਲਦੀਰਾਮ ਕੰਪਨੀ ਦੇ ਡੀ. ਜੀ. ਐੱਮ. ਆਈ. ਟੀ. ਅਜੀਜ ਖਾਨ ਨੇ ਪੁਲਸ ਨੂੰ ਦੱਸਿਆ ਕਿ 12 ਹੋਰ 13 ਜੁਲਾਈ ਦੀ ਰਾਤ ’ਚ ਕੰਪਨੀ ’ਤੇ ਵਾਇਰਸ ਹਮਲਾ ਕੀਤਾ ਗਿਆ ਸੀ। ਇਹ ਹਮਲਾ ਕੰਪਨੀ ਦੇ ਸੈਕਟਰ 62 ਸਥਿਤ ਕਾਰਪੋਰੇਟ ਦਫ਼ਤਰ ਦੇ ਸਰਵਰ ’ਤੇ ਹੋਇਆ ਸੀ। ਇਸ ਕਾਰਨ ਕੰਪਨੀ ਦੇ ਮਾਰਕੀਟਿੰਗ ਬਿਜਨੈੱਸ ਤੋਂ ਲੈ ਕੇ ਹੋਰ ਵਿਭਾਗ ਦੇ ਡਾਟਾ ਗੁਆਚ ਗਏ ਅਤੇ ਕਈ ਵਿਭਾਗਾਂ ਦਾ ਡਾਟਾ ਡਿਲੀਟ ਵੀ ਕਰ ਦਿੱਤਾ ਗਿਆ।
ਸ਼ਿਕਾਇਤ ਮੁਤਾਬਕ ਕੰਪਨੀ ਦੀਆਂ ਕਈ ਅਹਿਮ ਫਾਈਲਾਂ ਵੀ ਗਾਇਬ ਹੋ ਇਸ ਤੋਂ ਬਾਅਦ ਕੰਪਨੀ ਅਧਿਕਾਰੀਆਂ ਅਤੇ ਸਾਈਬਰ ਅਟੈਕ ਕਰਨ ਵਾਲੇ ਅਪਰਾਧੀਆਂ ਦਰਮਿਆਨ ਚੈਟ ਹੋਈ ਤਾਂ ਸਾਈਬਰ ਅਪਰਾਧੀਆਂ ਨੇ ਕੰਪਨੀ ਤੋਂ 7 ਲੱਖ ਰੁਪਏ ਦੀ ਮੰਗ ਕੀਤੀ। ਜਾਣਕਾਰੀ ਮੁਤਾਬਕ ਕੋਵਿਡ-19 ਇਨਫੈਕਸ਼ਨ ਕਾਲ ’ਚ ਜੁਲਾਈ ਮਹੀਨੇ ’ਚ ਦੁਨੀਆ ਭਰ ਦੀਆਂ ਕਈ ਕੰਪਨੀਆਂ ’ਤੇ ਵਾਇਰਸ ਹਮਲਾ ਹੋਇਆ ਸੀ। ਇਸ ਦੌਰਾਨ ਦੇਸ਼ ਦੀ ਵੱਡੀ ਫੂਡ ਐਂਡ ਪੈਕੇਜਿੰਗ ਕੰਪਨੀ ਹਲਦੀਰਾਮ ਵੀ ਇਸ ਦਾ ਸ਼ਿਕਾਰ ਹੋ ਗਈ।