ਪ੍ਰਸ਼ਾਦ ਲੈਣ ਤੋਂ ਬਾਅਦ ਸਿਰ ''ਤੇ ਕਿਉਂ ਫੇਰਿਆ ਜਾਂਦਾ ਹੈ ਹੱਥ, ਜਾਣੋ ਇਸ ਦੀ ਮਹੱਤਤਾ

ਨਵੀਂ ਦਿੱਲੀ - ਸਨਾਤਨ ਪਰੰਪਰਾ ਵਿੱਚ ਭਗਵਾਨ ਦੀ ਪੂਜਾ ਵਿੱਚ ਪ੍ਰਸਾਦ ਦਾ ਬਹੁਤ ਮਹੱਤਵ ਹੈ। ਸ਼ਰਧਾਲੂ ਆਪਣੇ ਦੇਵਤਿਆਂ ਨੂੰ ਕਈ ਤਰ੍ਹਾਂ ਦੀਆਂ ਭੇਟਾ ਦੇ ਕੇ ਖੁਸ਼ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਤੀਜ-ਤਿਉਹਾਰ ਅਤੇ ਘਰ ਵਿੱਚ ਹੋਣ ਵਾਲੇ ਸ਼ੁਭ ਪ੍ਰੋਗਰਾਮਾਂ ਦੌਰਾਨ ਭਗਵਾਨ ਨੂੰ ਵਿਸ਼ੇਸ਼ ਭੋਗ ਚੜ੍ਹਾਏ ਜਾਂਦੇ ਹਨ। ਮੰਦਰ ਜਾਂ ਘਰ ਵਿਚ ਪ੍ਰਸ਼ਾਦ ਲੈਣ ਸਮੇਂ ਦੇਖਿਆ ਜਾਂਦਾ ਹੈ ਕਿ ਕੁਝ ਲੋਕ ਆਪਣੇ ਸਿਰ 'ਤੇ ਹੱਥ ਜ਼ਰੂਰ ਫੇਰਦੇ ਜਾਂ ਲਹਿਰਾਉਂਦੇ ਹਨ। ਹਾਲਾਂਕਿ ਇਸ ਦਾ ਕਾਰਨ ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ।

ਇਹ ਵੀ ਪੜ੍ਹੋ : ਜੇਠ ਮਹੀਨੇ ਕਰੋ ਇਹ ਪੁੰਨ ਦੇ ਕੰਮ, ਖ਼ੁਸ਼ੀਆਂ ਨਾਲ ਭਰ ਜਾਵੇਗਾ ਜੀਵਨ

ਕੀ ਕਹਿੰਦਾ ਹੈ ਜੋਤਿਸ਼ ਸ਼ਾਸਤਰ ?

ਜੋਤਿਸ਼ ਸ਼ਾਸਤਰ ਅਨੁਸਾਰ ਪ੍ਰਸ਼ਾਦ ਖਾਣ ਤੋਂ ਬਾਅਦ ਹੱਥਾਂ ਨੂੰ ਸਿਰ ਦੇ ਉੱਪਰ ਘੁੰਮਾਉਣਾ ਫ਼ਲਦਾਇਕ ਹੁੰਦਾ ਹੈ। ਹੱਥ ਸਿਰ ਦੇ ਉੱਪਰ ਘੁੰਮਾਇਆ ਜਾਂਦਾ ਹੈ ਤਾਂ ਜੋ ਪ੍ਰਮਾਤਮਾ ਦੀ ਕਿਰਪਾ ਸਾਡੇ ਸਿਰ ਤੱਕ ਪਹੁੰਚ ਸਕੇ। ਕਿਹਾ ਜਾਂਦਾ ਹੈ ਕਿ ਜਦੋਂ ਅਸੀਂ ਪ੍ਰਸਾਦ ਖਾਂਦੇ ਹਾਂ ਤਾਂ ਇਹ ਭਗਵਾਨ ਦੀ ਕਿਰਪਾ ਦਾ ਪ੍ਰਤੀਕ ਹੁੰਦਾ ਹੈ। ਜਦੋਂ ਅਸੀਂ ਇਸ ਨੂੰ ਪ੍ਰਾਪਤ ਕਰਨ ਤੋਂ ਬਾਅਦ ਆਪਣੇ ਹੱਥਾਂ ਨੂੰ ਸਿਰ ਤੋਂ ਉੱਪਰ ਤੱਕ ਲੈ ਜਾਂਦੇ ਹਾਂ, ਤਾਂ ਅਸੀਂ ਉਸ ਕਿਰਪਾ ਨੂੰ ਦਿਮਾਗ ਤੱਕ ਪਹੁੰਚਾਉਣਾ ਚਾਹੁੰਦੇ ਹਾਂ।

ਇਹ ਵੀ ਪੜ੍ਹੋ : Kitchen Vastu:ਇਸ ਦਿਸ਼ਾ 'ਚ ਬਣਾਈ ਰਸੋਈ ਤਾਂ ਫ਼ਾਇਦੇ ਦੀ ਬਜਾਏ ਹੋਵੇਗਾ ਨੁਕਸਾਨ

ਚਰਨਾਮ੍ਰਿਤ ਲਈ ਵੱਖਰਾ ਹੈ ਨਿਯਮ

ਜੋਤਿਸ਼ ਸ਼ਾਸਤਰ ਵਿਚ ਇਹ ਵੀ ਦੱਸਿਆ ਗਿਆ ਹੈ ਕਿ ਸਿਰ 'ਤੇ ਹੱਥ ਫੇਰਨ ਨਾਲ ਸਰੀਰ 'ਚ ਸਕਾਰਾਤਮਕ ਊਰਜਾ ਦਾ ਸੰਚਾਰ ਹੁੰਦਾ ਹੈ ਅਤੇ ਸਰੀਰ 'ਚ ਬ੍ਰਹਮ ਯੋਗਾ ਜਾਗ੍ਰਿਤ ਹੋਣ ਲੱਗਦਾ ਹੈ, ਜਿਸ ਨਾਲ ਸਾਡਾ ਮਨ ਅਧਿਆਤਮਿਕਤਾ ਵੱਲ ਹੋਰ ਵੀ ਵੱਧ ਜਾਂਦਾ ਹੈ। ਹਾਲਾਂਕਿ, ਇਹ ਵੀ ਕਿਹਾ ਜਾਂਦਾ ਹੈ ਕਿ ਚਰਨਾਮ੍ਰਿਤ ਲੈਣ ਤੋਂ ਬਾਅਦ, ਗਲਤੀ ਨਾਲ ਵੀ, ਉਹ ਹੱਥ ਸਿਰ 'ਤੇ ਨਹੀਂ ਘੁੰਮਣਾ ਜਾਂ ਫੇਰਨਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ : ਗਲਤ ਦਿਸ਼ਾ 'ਚ ਬਣਿਆ ਡਰਾਇੰਗ ਰੂਮ ਖੜ੍ਹੀ ਕਰੇਗਾ ਕਈ ਪਰੇਸ਼ਾਨੀਆਂ, ਜਾਣੋ ਕੀ ਕਹਿੰਦਾ ਹੈ ਵਾਸਤੂ ਸ਼ਾਸਤਰ

ਸੱਜੇ ਹੱਥ ਨੂੰ ਮੰਨਿਆ ਜਾਂਦਾ ਹੈ ਸ਼ੁਭ 

ਇੱਕ ਗੱਲ ਯਾਦ ਰੱਖੋ ਕਿ ਹਿੰਦੂ ਧਰਮ ਵਿੱਚ ਸਿਰਫ਼ ਸੱਜੇ ਹੱਥ ਨੂੰ ਹੀ ਸ਼ੁਭ ਮੰਨਿਆ ਗਿਆ ਹੈ। ਹਵਨ ਵਿੱਚ ਪੂਜਾ ਕਰਨ ਤੋਂ ਲੈ ਕੇ ਮੱਥਾ ਟੇਕਣ ਅਤੇ ਯੱਗ ਕਰਨ ਤੱਕ ਸੱਜਾ ਹੱਥ ਵਰਤਿਆ ਜਾਂਦਾ ਹੈ। ਪ੍ਰਮਾਤਮਾ ਦਾ ਪ੍ਰਸਾਦ ਹਮੇਸ਼ਾ ਸੱਜੇ ਹੱਥ ਨਾਲ ਹੀ ਲੈਣਾ ਚਾਹੀਦਾ ਹੈ, ਕਿਸੇ ਨੂੰ ਦਾਨ ਕਰਦੇ ਸਮੇਂ ਸੱਜੇ ਹੱਥ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਆਰਤੀ ਕਰਨ ਵੇਲੇ ਵੀ ਸਿੱਧਾ ਹੱਥ ਹੀ ਅੱਗੇ ਲਿਆਂਦਾ ਜਾਂਦਾ ਹੈ।

ਇਹ ਵੀ ਪੜ੍ਹੋ : Vastu Shastra : 'ਗੰਗਾ ਜਲ' ਨਾਲ ਦੂਰ ਹੋਵੇਗੀ ਘਰ ਦੀ ਨਕਾਰਾਤਮਕ ਊਰਜਾ , ਨਹੀਂ ਹੋਵੇਗਾ ਕਲੇਸ਼

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।