Vastu Tips : ਝਾੜੂ ਨਾਲ ਜੁੜੀਆਂ ਇਹ ਗਲਤੀਆਂ ਪੈਣਗੀਆਂ ਭਾਰੀ, ਨਾਰਾਜ਼ ਹੋ ਜਾਵੇਗੀ ਮਾਂ ਲਕਸ਼ਮੀ

ਨਵੀਂ ਦਿੱਲੀ- ਵਾਸਤੂ ਸ਼ਾਸਤਰ ਦੇ ਅਨੁਸਾਰ ਹਰ ਚੀਜ਼ ਵਿੱਚ ਊਰਜਾ ਹੁੰਦੀ ਹੈ, ਭਾਵੇਂ ਇਹ ਊਰਜਾ ਨਕਾਰਾਤਮਕ ਹੋਵੇ ਜਾਂ ਸਕਾਰਾਤਮਕ। ਸਾਫ਼-ਸਫ਼ਾਈ ਲਈ ਵਰਤੇ ਜਾਣ ਵਾਲੇ ਝਾੜੂ ਨੂੰ ਵੀ ਇਸ ਸ਼ਾਸਤਰ ਵਿੱਚ ਬਹੁਤ ਮਹੱਤਵ ਦਿੱਤਾ ਗਿਆ ਹੈ। ਇਸ ਦਾ ਸਬੰਧ ਮਾਂ ਲਕਸ਼ਮੀ ਨਾਲ ਹੈ। ਝਾੜੂ ਨਾਲ ਜੁੜੀ ਕੋਈ ਗਲਤੀ ਹੋ ਜਾਵੇ ਤਾਂ ਦੇਵੀ ਲਕਸ਼ਮੀ ਨਾਰਾਜ਼ ਹੋ ਜਾਂਦੀ ਹੈ। ਇਸ ਲਈ ਇਸ ਨਾਲ ਸਬੰਧਤ ਨਿਯਮਾਂ ਦੀ ਪਾਲਣਾ ਕਰਨੀ ਜ਼ਰੂਰੀ ਹੈ। ਤਾਂ ਆਓ ਅੱਜ ਤੁਹਾਨੂੰ ਦੱਸਦੇ ਹਾਂ ਇਸ ਨਾਲ ਜੁੜੇ ਨਿਯਮ…
ਨਾ ਮਾਰੋ ਪੈਰ
ਕਦੇ ਵੀ ਝਾੜੂ 'ਤੇ ਪੈਰ ਨਾ ਰੱਖੋ, ਜੇਕਰ ਤੁਸੀਂ ਗਲਤੀ ਨਾਲ ਇਸ 'ਤੇ ਕਦਮ ਰੱਖਦੇ ਹੋ ਤਾਂ ਹੱਥ ਲਗਾ ਕੇ ਮੁਆਫੀ ਮੰਗੋ। ਇਸ ਨੂੰ ਪੈਰ ਲਗਾਉਣ ਨਾਲ ਮਾਂ ਲਕਸ਼ਮੀ ਨਾਰਾਜ਼ ਹੋ ਸਕਦੀ ਹੈ।
ਅਜਿਹੀ ਜਗ੍ਹਾ 'ਤੇ ਰੱਖੋ ਝਾੜੂ 
ਇਸ ਨੂੰ ਘਰ ਵਿੱਚ ਕਿਤੇ ਵੀ ਨਾ ਰੱਖੋ ਇਕ ਉਚਿਤ ਜਗ੍ਹਾ ਬਣਾਓ ਅਤੇ ਉੱਥੇ ਝਾੜੂ ਰੱਖੋ। ਇਸ ਤੋਂ ਇਲਾਵਾ ਝਾੜੂ ਨੂੰ ਅਜਿਹੀ ਥਾਂ 'ਤੇ ਨਾ ਰੱਖੋ ਜਿੱਥੇ ਬਾਹਰੋਂ ਆਉਣ ਵਾਲੇ ਲੋਕ ਇਸ ਨੂੰ ਦੇਖ ਸਕਣ। ਇਸ ਤੋਂ ਇਲਾਵਾ ਇਸ ਨੂੰ ਪੂਜਾ ਕਮਰੇ, ਤੁਲਸੀ, ਅਲਮਾਰੀ, ਰਸੋਈ ਅਤੇ ਬੈੱਡਰੂਮ ਦੇ ਨੇੜੇ ਨਾ ਰੱਖੋ। ਅਜਿਹੇ ਸਥਾਨਾਂ 'ਤੇ ਝਾੜੂ ਰੱਖਣਾ ਅਸ਼ੁਭ ਮੰਨਿਆ ਜਾਂਦਾ ਹੈ।
ਇਨ੍ਹਾਂ ਦਿਨਾਂ 'ਚ ਝਾੜੂ ਨੂੰ ਬਾਹਰ ਨਾ ਸੁੱਟੋ
ਵੀਰਵਾਰ ਜਾਂ ਸ਼ੁੱਕਰਵਾਰ ਨੂੰ ਕਦੇ ਵੀ ਪੁਰਾਣੇ ਝਾੜੂ ਨੂੰ ਘਰ ਤੋਂ ਬਾਹਰ ਨਹੀਂ ਸੁੱਟਣਾ ਚਾਹੀਦਾ। ਇਕਾਦਸ਼ੀ ਅਤੇ ਪੂਰਨਿਮਾ ਦੇ ਦਿਨ ਵੀ ਝਾੜੂ ਨੂੰ ਘਰ ਤੋਂ ਬਾਹਰ ਸੁੱਟਣਾ ਅਸ਼ੁੱਭ ਮੰਨਿਆ ਜਾਂਦਾ ਹੈ | ਮਾਨਤਾਵਾਂ ਅਨੁਸਾਰ ਇਸ ਨਾਲ ਘਰ ਵਿਚ ਗਰੀਬੀ ਆਉਂਦੀ ਹੈ | ਪੁਰਾਣੇ ਝਾੜੂ ਨੂੰ ਕਿਤੇ ਵੀ ਨਾ ਸੁੱਟੋ, ਇਸ ਨੂੰ ਅਜਿਹੀ ਥਾਂ 'ਤੇ ਰੱਖੋ ਜਿੱਥੇ ਕੋਈ ਇਸ 'ਤੇ ਪੈਰ ਨਾ ਲਗਾ ਪਾਏ। ਇਸ ਤੋਂ ਇਲਾਵਾ ਪੁਰਾਣੇ ਝਾੜੂ ਨੂੰ ਕਦੇ ਵੀ ਨਹੀਂ ਸਾੜਨਾ ਚਾਹੀਦਾ।
ਟੁੱਟਿਆ ਝਾੜੂ
ਘਰ ਵਿੱਚ ਕਦੇ ਵੀ ਟੁੱਟੇ ਹੋਏ ਝਾੜੂ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਜਦੋਂ ਵੀ ਝਾੜੂ ਪੁਰਾਣਾ ਜਾਂ ਖਰਾਬ ਹੋ ਜਾਵੇ ਤਾਂ ਇਸ ਨੂੰ ਘਰੋਂ ਕੱਢ ਦਿਓ। ਟੁੱਟਿਆ ਹੋਇਆ ਝਾੜੂ ਘਰ ਵਿੱਚ ਕਈ ਸਮੱਸਿਆਵਾਂ ਅਤੇ ਗਰੀਬੀ ਨੂੰ ਵਧਾ ਦਿੰਦਾ ਹੈ। ਸ਼ਨੀਵਾਰ ਅਤੇ ਆਮਵਸਿਆ ਦੇ ਦਿਨ ਪੁਰਾਣੇ ਝਾੜੂ ਨੂੰ ਘਰ ਤੋਂ ਬਾਹਰ ਸੁੱਟਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਗ੍ਰਹਿਣ ਤੋਂ ਬਾਅਦ ਜਾਂ ਹੋਲਿਕਾ ਜਲਾਉਣ ਤੋਂ ਬਾਅਦ ਪੁਰਾਣੇ ਝਾੜੂ ਨੂੰ ਘਰੋਂ ਸੁੱਟਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਘਰ ਦੀ ਨਕਾਰਾਤਮਕਤਾ ਵੀ ਬਾਹਰ ਆ ਜਾਂਦੀ ਹੈ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8