Vastu Tips : ਘਰ ''ਚ ਆਵੇਗੀ ਗਰੀਬੀ, ਬਿਲਕੁਲ ਨਾ ਕਰੋ ਝਾੜੂ ਨਾਲ ਜੁੜੀਆਂ ਇਹ ਗਲਤੀਆਂ
11/28/2023 6:37:32 PM
ਨਵੀਂ ਦਿੱਲੀ - ਹਿੰਦੂ ਮਾਨਤਾਵਾਂ ਅਨੁਸਾਰ ਝਾੜੂ ਦਾ ਸਬੰਧ ਸਿਰਫ ਸਫਾਈ ਨਾਲ ਹੀ ਨਹੀਂ ਹੈ, ਸਗੋਂ ਇਹ ਦੇਵੀ ਲਕਸ਼ਮੀ ਨਾਲ ਵੀ ਜੁੜਿਆ ਹੋਇਆ ਹੈ। ਵਾਸਤੂ ਸ਼ਾਸਤਰ ਵਿਚ ਵੀ ਇਸ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ। ਇਸ ਲਈ ਵਾਸਤੂ ਸ਼ਾਸਤਰ ਵਿੱਚ ਇਸ ਸਬੰਧੀ ਕੁਝ ਨਿਯਮ ਵੀ ਦੱਸੇ ਗਏ ਹਨ। ਝਾੜੂ ਨਾਲ ਜੁੜੇ ਇਨ੍ਹਾਂ ਵਾਸਤੂ ਨਿਯਮਾਂ ਦੀ ਪਾਲਣਾ ਨਾ ਕੀਤੀ ਜਾਵੇ ਤਾਂ ਘਰ 'ਚ ਗਰੀਬੀ ਆਉਣੀ ਸ਼ੁਰੂ ਹੋ ਜਾਂਦੀ ਹੈ। ਤਾਂ ਆਓ ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਝਾੜੂ ਨੂੰ ਕਿਸ ਦਿਸ਼ਾ 'ਚ ਰੱਖਣਾ ਸ਼ੁਭ ਮੰਨਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਘਰ 'ਚ ਰੱਖੀ ਹੈ 'ਲਕਸ਼ਮੀ ਪੂਜਾ' ਤਾਂ ਨਾ ਕਰੋ ਅਜਿਹੀਆਂ ਗਲਤੀਆਂ, ਧਨ ਦੀ ਦੇਵੀ ਹੋ ਜਾਵੇਗੀ ਨਾਰਾਜ਼!
ਝਾੜੂ ਨੂੰ ਦੱਖਣ-ਪੱਛਮ ਦਿਸ਼ਾ ਵਿੱਚ ਰੱਖੋ
ਵਾਸਤੂ ਮਾਨਤਾਵਾਂ ਅਨੁਸਾਰ ਦੱਖਣ ਅਤੇ ਦੱਖਣ-ਪੱਛਮ ਦਿਸ਼ਾਵਾਂ ਨੂੰ ਝਾੜੂ ਰੱਖਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਝਾੜੂ ਨੂੰ ਕਦੇ ਵੀ ਖੜ੍ਹਾ ਨਹੀਂ ਰੱਖਣਾ ਚਾਹੀਦਾ। ਇਸ ਨੂੰ ਹਮੇਸ਼ਾ ਲੇਟਾ ਕੇ ਰੱਖਣਾ ਚਾਹੀਦਾ ਹੈ। ਝਾੜੂ ਨੂੰ ਰਸੋਈ ਵਿੱਚ ਨਹੀਂ ਰੱਖਣਾ ਚਾਹੀਦਾ। ਇਸ ਕਾਰਨ ਮਾਂ ਲਕਸ਼ਮੀ ਹਮੇਸ਼ਾ ਭਗਤਾਂ 'ਤੇ ਖੁਸ਼ ਰਹਿੰਦੀ ਹੈ ਅਤੇ ਘਰ 'ਚ ਕਦੇ ਵੀ ਧਨ ਦੀ ਕਮੀ ਨਹੀਂ ਹੁੰਦੀ ਹੈ।
ਕਿਸ ਦਿਨ ਝਾੜੂ ਖਰੀਦਣਾ ਚਾਹੀਦਾ ਹੈ?
ਮਾਨਤਾਵਾਂ ਅਨੁਸਾਰ ਮੱਸਿਆ, ਮੰਗਲਵਾਰ, ਸ਼ਨੀਵਾਰ, ਐਤਵਾਰ ਨੂੰ ਨਵਾਂ ਝਾੜੂ ਖਰੀਦਣਾ ਚੰਗਾ ਮੰਨਿਆ ਜਾਂਦਾ ਹੈ ਪਰ ਸੋਮਵਾਰ ਅਤੇ ਸ਼ੁਕਲ ਪੱਖ ਦੇ ਦੌਰਾਨ ਕਦੇ ਵੀ ਝਾੜੂ ਨਹੀਂ ਖਰੀਦਣਾ ਚਾਹੀਦਾ। ਇਸ ਦਿਨ ਝਾੜੂ ਖਰੀਦਣ ਨਾਲ ਤੁਹਾਨੂੰ ਆਰਥਿਕ ਤੰਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਹ ਵੀ ਪੜ੍ਹੋ : ਘਰ 'ਚ ਆਵੇਗੀ ਖੁਸ਼ਹਾਲੀ , ਸ਼ਮੀ ਦਾ ਬੂਟਾ ਲਗਾਉਂਦੇ ਸਮੇਂ ਇਨ੍ਹਾਂ Vastu Rules ਦਾ ਰੱਖੋ ਧਿਆਨ
ਇਸ ਸਮੇਂ ਨਾ ਲਗਾਓ ਝਾੜੂ
ਘਰ ਦਾ ਕੋਈ ਮੈਂਬਰ ਬਾਹਰ ਜਾਣ ਤੋਂ ਤੁਰੰਤ ਬਾਅਦ ਘਰ 'ਚ ਕਦੇ ਵੀ ਝਾੜੂ ਨਹੀਂ ਲਗਾਉਣਾ ਚਾਹੀਦਾ। ਇਸ ਕਾਰਨ ਘਰ ਤੋਂ ਬਾਹਰ ਜਾਣ ਵਾਲੇ ਵਿਅਕਤੀ ਨੂੰ ਆਪਣੇ ਕੰਮ ਵਿਚ ਸਫਲਤਾ ਨਹੀਂ ਮਿਲਦੀ, ਇਸ ਤੋਂ ਇਲਾਵਾ ਇਸ ਨਾਲ ਘਰ ਵਿਚ ਖੁਸ਼ਹਾਲੀ ਵੀ ਘੱਟ ਜਾਂਦੀ ਹੈ।
ਟੁੱਟਿਆ ਝਾੜੂ ਨਾ ਰੱਖੋ
ਟੁੱਟੇ ਹੋਏ ਝਾੜੂ ਨੂੰ ਕਦੇ ਵੀ ਘਰ ਵਿੱਚ ਨਹੀਂ ਰੱਖਣਾ ਚਾਹੀਦਾ। ਜੇਕਰ ਝਾੜੂ ਟੁੱਟ ਜਾਵੇ ਤਾਂ ਇਸ ਨੂੰ ਤੁਰੰਤ ਘਰੋਂ ਹਟਾ ਦਿਓ। ਟੁੱਟੇ ਹੋਏ ਝਾੜੂ ਨੂੰ ਰੱਖਣ ਨਾਲ ਵਾਸਤੂ ਨੁਕਸ ਪੈਦਾ ਹੋ ਜਾਂਦੇ ਹਨ ਅਤੇ ਘਰ ਵਿੱਚ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਆਉਣ ਲੱਗਦੀਆਂ ਹਨ।
ਸ਼ਾਮ ਨੂੰ ਝਾੜੂ ਨਾ ਲਗਾਓ
ਸ਼ਾਮ ਨੂੰ ਝਾੜੂ ਲਗਾਉਣਾ ਵੀ ਸ਼ੁਭ ਨਹੀਂ ਮੰਨਿਆ ਜਾਂਦਾ ਹੈ। ਇਸ ਸਮੇਂ ਝਾੜੂ ਲਗਾਉਣ ਨਾਲ ਘਰ ਦੀ ਸਕਾਰਾਤਮਕ ਊਰਜਾ ਬਾਹਰ ਜਾਂਦੀ ਹੈ ਅਤੇ ਖੁਸ਼ਹਾਲੀ ਵੀ ਘੱਟ ਹੋਣ ਲੱਗਦੀ ਹੈ। ਇਸ ਤੋਂ ਇਲਾਵਾ ਸ਼ਾਮ ਨੂੰ ਜਾਂ ਰਾਤ ਨੂੰ ਝਾੜੂ ਨਹੀਂ ਲਗਾਉਣਾ ਚਾਹੀਦਾ।
ਇਹ ਵੀ ਪੜ੍ਹੋ : Vastu Tips : ਅਜਿਹੇ ਘਰਾਂ 'ਚ ਨਹੀਂ ਰਹਿੰਦੀ ਮਾਂ ਲਕਸ਼ਮੀ , ਹਮੇਸ਼ਾ ਰਹਿੰਦੀ ਹੈ ਪੈਸੇ ਦੀ ਤੰਗੀ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8