Kitchen Vastu: ਰੋਟੀ ਪਰੋਸਦੇ ਸਮੇਂ ਨਾ ਕਰੋ ਇਹ ਗਲਤੀਆਂ, ਮਾਂ ਲਕਸ਼ਮੀ ਹੋ ਜਾਣਗੇ ਨਾਰਾਜ਼!
04/21/2023 6:04:15 PM
ਨਵੀਂ ਦਿੱਲੀ - ਵਿਅਕਤੀ ਦੇ ਜੀਵਨ ਵਿੱਚ ਵਾਸਤੂ ਸ਼ਾਸਤਰ ਦਾ ਖ਼ਾਸ ਮਹੱਤਵ ਹੈ। ਘਰ ਬਣਾਉਣ ਤੋਂ ਲੈ ਕੇ ਰਸੋਈ ਤੱਕ ਹਰ ਚੀਜ਼ ਲਈ ਵਾਸਤੂ ਸ਼ਾਸਤਰ ਵਿੱਚ ਕੁਝ ਨਿਯਮ ਦੱਸੇ ਗਏ ਹਨ। ਜੇਕਰ ਕੋਈ ਵਿਅਕਤੀ ਇਨ੍ਹਾਂ ਵਾਸਤੂ ਨਿਯਮਾਂ ਦੀ ਪਾਲਣਾ ਨਹੀਂ ਕਰਦਾ ਹੈ, ਤਾਂ ਉਸ ਨੂੰ ਜੀਵਨ ਵਿੱਚ ਕਈ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਵਾਸਤੂ ਨਿਯਮਾਂ ਦਾ ਪਾਲਣ ਕਰਨ ਨਾਲ ਘਰ ਵਿੱਚ ਸਕਾਰਾਤਮਕ ਊਰਜਾ ਵਾਸ ਕਰਦੀ ਹੈ। ਇਸ ਤੋਂ ਇਲਾਵਾ ਇਸ ਸ਼ਾਸਤਰ ਵਿਚ ਭੋਜਨ ਪਰੋਸਣ ਦੇ ਕੁਝ ਨਿਯਮ ਵੀ ਦੱਸੇ ਗਏ ਹਨ। ਵਾਸਤੂ ਮਾਨਤਾਵਾਂ ਅਨੁਸਾਰ, ਰੋਟੀ ਪਰੋਸਦੇ ਸਮੇਂ ਇਹਨਾਂ ਵਾਸਤੂ ਨਿਯਮਾਂ ਦਾ ਖ਼ਾਸ ਧਿਆਨ ਰੱਖਣਾ ਚਾਹੀਦਾ ਹੈ।
ਹੱਥ ਵਿੱਚ ਨਹੀਂ ਦੇਣੀ ਚਾਹੀਦੀ ਰੋਟੀ
ਮਾਨਤਾਵਾਂ ਅਨੁਸਾਰ ਰੋਟੀ ਕਦੇ ਵੀ ਹੱਥ ਵਿੱਚ ਨਹੀਂ ਦੇਣੀ ਚਾਹੀਦੀ। ਇਸ ਨਾਲ ਘਰ ਵਿੱਚ ਗਰੀਬੀ ਫੈਲਦੀ ਹੈ। ਇਸ ਤੋਂ ਇਲਾਵਾ ਰੋਟੀ ਹਮੇਸ਼ਾ ਭੋਜਨ ਵਾਲੀ ਪਲੇਟ 'ਚ ਹੀ ਰੱਖਣੀ ਚਾਹੀਦੀ ਹੈ। ਵਾਸਤੂ ਸ਼ਾਸਤਰ ਵਿੱਚ ਹੱਥ ਵਿੱਚ ਰੋਟੀ ਦੇਣਾ ਸ਼ੁਭ ਨਹੀਂ ਮੰਨਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਅਕਸ਼ੈ ਤ੍ਰਿਤੀਆ ਦੇ ਤਿਓਹਾਰ ਮੌਕੇ ਸੋਨੇ ਦੀ ਵਿਕਰੀ ’ਚ 20 ਫੀਸਦੀ ਦੀ ਗਿਰਾਵਟ ਦਾ ਖਦਸ਼ਾ
ਇੱਕ ਪਲੇਟ ਵਿੱਚ ਨਾ ਪਰੋਸੋ ਤਿੰਨ ਰੋਟੀਆਂ
ਇਸ ਤੋਂ ਇਲਾਵਾ ਥਾਲੀ ਵਿੱਚ ਰੋਟੀਆਂ ਪਰੋਸਦੇ ਸਮੇਂ ਵੀ ਵਾਸਤੂ ਨਿਯਮਾਂ ਦਾ ਪਾਲਣ ਕਰਨਾ ਚਾਹੀਦਾ ਹੈ। ਰੋਟੀ ਪਰੋਸਦੇ ਸਮੇਂ ਕਦੇ ਵੀ ਇੱਕ ਥਾਲੀ ਵਿੱਚ ਤਿੰਨ ਰੋਟੀਆਂ ਨਹੀਂ ਪਾਉਣੀਆਂ ਚਾਹੀਦੀਆਂ। ਤੁਸੀਂ ਵਿਅਕਤੀ ਨੂੰ ਦੋ ਜਾਂ 4 ਰੋਟੀਆਂ ਦੇ ਸਕਦੇ ਹੋ। ਵਾਸਤੂ ਸ਼ਾਸਤਰ ਵਿੱਚ ਤਿੰਨ ਰੋਟੀਆਂ ਦੇਣਾ ਅਸ਼ੁਭ ਮੰਨਿਆ ਗਿਆ ਹੈ।
ਲੋੜ ਤੋਂ ਵੱਧ ਹੀ ਬਣਾਓ ਰੋਟੀਆਂ
ਵਾਸਤੂ ਸ਼ਾਸਤਰ ਅਨੁਸਾਰ ਰੋਟੀਆਂ ਹਮੇਸ਼ਾ ਘਰ ਵਿੱਚ ਮੈਂਬਰਾਂ ਦੀ ਗਿਣਤੀ ਤੋਂ ਵੱਧ ਬਣਾਉਣੀਆਂ ਚਾਹੀਦੀਆਂ ਹਨ। ਦੂਜੇ ਪਾਸੇ, ਪਹਿਲੀ ਰੋਟੀ ਗਾਂ ਨੂੰ ਅਤੇ ਆਖਰੀ ਰੋਟੀ ਕੁੱਤੇ ਨੂੰ ਖੁਆਉਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਘਰ ਵਿਚ ਬਰਕਤਾਂ ਆਉਂਦੀਆਂ ਹਨ।
ਬਹੀ ਕਣਕ ਦੀ ਰੋਟੀ ਨਾ ਖਾਓ
ਵਾਸਤੂ ਮਾਨਤਾਵਾਂ ਅਨੁਸਾਰ ਬਹੀ ਕਣਕ ਦੀ ਰੋਟੀ ਖਾਣਾ ਵੀ ਸ਼ੁਭ ਨਹੀਂ ਮੰਨਿਆ ਜਾਂਦਾ ਹੈ। ਮਾਨਤਾਵਾਂ ਅਨੁਸਾਰ, ਇਸ ਨਾਲ ਘਰ ਵਿੱਚ ਪਰਿਵਾਰਕ ਕਲੇਸ਼ ਰਹਿੰਦਾ ਹੈ। ਇਸ ਤੋਂ ਇਲਾਵਾ ਬਹੀ ਰੋਟੀ ਨੂੰ ਰਾਹੂ ਨਾਲ ਸਬੰਧਤ ਮੰਨਿਆ ਜਾਂਦਾ ਹੈ, ਅਜਿਹੇ 'ਚ ਤੁਸੀਂ ਇਸ ਰੋਟੀ ਨੂੰ ਕੁੱਤੇ ਨੂੰ ਖੁਆ ਸਕਦੇ ਹੋ।
ਇਹ ਵੀ ਪੜ੍ਹੋ : ਘਰ 'ਚ ਲਗਾਇਆ ਇਹ ਬੂਟਾ ਬਦਲੇਗਾ ਕਿਸਮਤ, Positive Energy ਦੇ ਨਾਲ-ਨਾਲ ਆਵੇਗਾ ਪੈਸਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।