Home Sutra:ਪੀਲਾ ਰੰਗ ਲਿਆਵੇਗਾ ਖੁਸ਼ਹਾਲੀ, ਜਾਣੋ ਕਿਸ ਕੰਧ 'ਤੇ ਕਰਵਾਉਣਾ ਚਾਹੀਦਾ ਹੈ ਕਿਹੜਾ ਰੰਗ
4/9/2022 5:40:39 PM
ਨਵੀਂ ਦਿੱਲੀ - ਲੋਕ ਕੰਧਾਂ ਨੂੰ ਪੇਂਟ ਕਰਵਾ ਕੇ ਆਪਣੇ ਘਰਾਂ ਨੂੰ ਖ਼ੂਬਸੂਰਤ ਦਿੱਖ ਦਿੰਦੇ ਹਨ ਪਰ ਪੇਂਟ ਕਰਵਾਉਂਦੇ ਸਮੇਂ ਵਾਸਤੂ ਸ਼ਾਸਤਰ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਵਾਸਤੂ ਅਤੇ ਰੰਗਾਂ ਦਾ ਨੇੜਲਾ ਸਬੰਧ ਹੈ। ਵਾਸਤੂ ਵਿਚ ਹਰ ਰੰਗ ਦਾ ਆਪਣਾ ਮਹੱਤਵ ਹੈ, ਇਸ ਲਈ ਘਰ ਨੂੰ ਪੇਂਟ ਕਰਦੇ ਸਮੇਂ ਵਾਸਤੂ ਦੇ ਨਿਯਮਾਂ ਦੀ ਪਾਲਣ ਕਰਨਾ ਚਾਹੀਦਾ ਹੈ। ਜੇਕਰ ਤੁਸੀਂ ਵੀ ਵਾਸਤੂ 'ਚ ਵਿਸ਼ਵਾਸ ਰੱਖਦੇ ਹੋ ਅਤੇ ਘਰ 'ਚ ਖੁਸ਼ਹਾਲੀ ਅਤੇ ਸ਼ਾਂਤੀ ਬਣਾਈ ਰੱਖਣੀ ਚਾਹੁੰਦੇ ਹੋ ਤਾਂ ਰੰਗ ਕਰਵਾਉਣ ਤੋਂ ਪਹਿਲਾਂ ਰੰਗਾਂ ਦੀ ਮਹੱਤਤਾ ਨੂੰ ਜਾਣੋ।
ਇਹ ਵੀ ਪੜ੍ਹੋ : ਨਰਾਤਿਆਂ ’ਚ ਕਿੱਥੇ ਅਤੇ ਕਿਸ ਤਰ੍ਹਾਂ ਜਗਾਉਣਾ ਚਾਹੀਦਾ ਹੈ ਦੀਵਾ? ਜਾਣੋ ਕੁਝ ਵਾਸਤੂ ਸੁਝਾਅ
ਪੀਲਾ ਰੰਗ
ਭਾਰਤੀ ਸੰਸਕ੍ਰਿਤੀ ਵਿੱਚ ਪੀਲੇ ਰੰਗ ਦਾ ਵਿਸ਼ੇਸ਼ ਮਹੱਤਵ ਹੈ। ਪੀਲਾ ਰੰਗ ਮਨ ਨੂੰ ਸ਼ਾਂਤੀ ਦਿੰਦਾ ਹੈ ਅਤੇ ਘਰ ਵਿੱਚ ਖੁਸ਼ਹਾਲੀ ਵੀ ਲਿਆਉਂਦਾ ਹੈ। ਵਾਸਤੂ ਮੁਤਾਬਕ ਘਰ ਦਾ ਮਾਸਟਰ ਬੈੱਡਰੂਮ ਪੀਲੇ ਰੰਗ ਦਾ ਹੋਣਾ ਚਾਹੀਦਾ ਹੈ।
ਹਰਾ ਰੰਗ
ਹਰਾ ਰੰਗ ਹਰਿਆਲੀ ਅਤੇ ਖੁਸ਼ਹਾਲੀ ਦਾ ਪ੍ਰਤੀਕ ਹੈ। ਇਸ ਦੇ ਨਾਲ ਹੀ ਘਰ ਦਾ ਉੱਤਰੀ ਹਿੱਸਾ ਆਰਥਿਕ ਖੁਸ਼ਹਾਲੀ ਦਾ ਪ੍ਰਤੀਕ ਹੈ, ਇਸ ਲਈ ਇਸ ਕੋਨੇ ਦੀ ਕੰਧ 'ਤੇ ਹਰਾ ਰੰਗ ਲਗਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।
ਖਿੜਕੀਆਂ ਅਤੇ ਦਰਵਾਜ਼ਿਆਂ ਨੂੰ ਹਲਕੇ ਰੰਗ ਵਿੱਚ ਪੇਂਟ ਕਰੋ
ਘਰ ਦੀਆਂ ਕੰਧਾਂ ਤੋਂ ਇਲਾਵਾ ਦਰਵਾਜ਼ੇ ਅਤੇ ਖਿੜਕੀਆਂ ਨੂੰ ਹਮੇਸ਼ਾ ਹਲਕੇ ਰੰਗ ਵਿੱਚ ਪੇਂਟ ਕਰਨਾ ਚਾਹੀਦਾ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਲਾਲ, ਸਲੇਟੀ ਅਤੇ ਕਾਲੇ ਵਰਗੇ ਗੂੜ੍ਹੇ ਰੰਗਾਂ ਨੂੰ ਉਨ੍ਹਾਂ 'ਤੇ ਨਹੀਂ ਲਗਾਉਣਾ ਚਾਹੀਦਾ ਹੈ। ਇਹ ਰੰਗ ਘਰ ਦੀ ਊਰਜਾ ਨੂੰ ਘੱਟ ਕਰਦੇ ਹਨ।
ਇਹ ਵੀ ਪੜ੍ਹੋ : ਨਵਰਾਤਰਿਆਂ ਦੌਰਾਨ ਇਨ੍ਹਾਂ 7 ਚੀਜ਼ਾਂ 'ਚੋਂ ਕੋਈ ਇੱਕ ਚੀਜ਼ ਘਰ ਲਿਆਓ, ਸਾਰੀਆਂ ਪਰੇਸ਼ਾਨੀਆਂ ਹੋਣਗੀਆਂ ਦੂਰ
ਘਰ ਦੀ ਦਿਸ਼ਾ ਅਨੁਸਾਰ ਰੰਗਾਂ ਦੀ ਚੋਣ ਕਰੋ
• ਉੱਤਰ-ਪੂਰਬ ਦਿਸ਼ਾ ਲਈ ਹਲਕਾ ਨੀਲਾ।
• ਪੂਰਬ ਲਈ ਚਿੱਟਾ ਜਾਂ ਹਲਕਾ ਨੀਲਾ।
• ਦੱਖਣ-ਪੂਰਬ ਦਿਸ਼ਾ ਦਾ ਸਬੰਧ ਅੱਗ ਨਾਲ ਹੈ, ਇਸ ਲਈ ਇਸ ਦਿਸ਼ਾ ਦੀਆਂ ਕੰਧਾਂ 'ਤੇ ਸੰਤਰੀ, ਗੁਲਾਬੀ ਜਾਂ ਚਾਂਦੀ ਦੇ ਰੰਗਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ |
• ਹਰਾ ਰੰਗ ਉੱਤਰ ਦਿਸ਼ਾ ਲਈ ਢੁਕਵਾਂ ਹੁੰਦਾ ਹੈ।
• ਉੱਤਰ-ਪੱਛਮ ਦਿਸ਼ਾ ਦਾ ਸਬੰਧ ਹਵਾ ਨਾਲ ਹੈ, ਇਸ ਲਈ ਇਸ ਦਿਸ਼ਾ ਲਈ ਸਫੇਦ, ਹਲਕੇ ਭੂਰੇ ਅਤੇ ਕਰੀਮ ਰੰਗਾਂ ਦੀ ਵਰਤੋਂ ਸ਼ੁਭ ਮੰਨੀ ਜਾਂਦੀ ਹੈ |
• ਦੱਖਣ ਦਿਸ਼ਾ ਲਈ ਲਾਲ ਅਤੇ ਪੀਲਾ।
• ਪੱਛਮ ਪਾਣੀ ਵੱਲ ਹੈ, ਇਸ ਲਈ ਇਸ ਦਿਸ਼ਾ ਲਈ ਨੀਲਾ ਅਤੇ ਚਿੱਟਾ ਰੰਗ ਵਧੀਆ ਹੁੰਦਾ ਹੈ।
ਇਹ ਵੀ ਪੜ੍ਹੋ : ਘਰ ਦੀ ਇਸ ਦਿਸ਼ਾ 'ਚ ਨਹੀਂ ਹੋਣੀਆਂ ਚਾਹੀਦੀਆਂ ਇਹ ਚੀਜ਼ਾਂ, ਬਣ ਸਕਦੀਆਂ ਹਨ ਮੁਸੀਬਤਾਂ ਦਾ ਕਾਰਨ
ਕਮਰੇ ਦੇ ਹਿਸਾਬ ਨਾਲ ਰੰਗ ਚੁਣੋ
• ਮਾਸਟਰ ਬੈੱਡਰੂਮ ਲਈ ਦੱਖਣ-ਪੱਛਮ ਦਿਸ਼ਾ ਸ਼ੁਭ ਮੰਨੀ ਜਾਂਦੀ ਹੈ, ਇਸ ਲਈ ਇਸ ਪਾਸੇ ਬਣੀ ਦੀਵਾਰ ਨੂੰ ਪੀਲਾ ਪੇਂਟ ਕਰਵਾਓ।
• ਗੈਸਟ ਰੂਮ ਜਾਂ ਡਰਾਇੰਗ ਰੂਮ ਉੱਤਰ-ਪੱਛਮ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ। ਇਸ ਕਮਰੇ ਦੀਆਂ ਕੰਧਾਂ 'ਤੇ ਚਿੱਟਾ ਰੰਗ ਹੋਣਾ ਚਾਹੀਦਾ ਹੈ।
• ਬੱਚਿਆਂ ਦੇ ਕਮਰੇ ਲਈ ਉੱਤਰ-ਪੂਰਬ ਸਭ ਤੋਂ ਵਧੀਆ ਦਿਸ਼ਾ ਹੈ। ਇਸ ਦਿਸ਼ਾ ਵਿੱਚ ਸਥਿਤ ਕਮਰੇ ਨੂੰ ਸਫੈਦ ਰੰਗ ਕੀਤਾ ਜਾਣਾ ਚਾਹੀਦਾ ਹੈ।
• ਰਸੋਈ ਦੀਆਂ ਕੰਧਾਂ ਦਾ ਰੰਗ ਸੰਤਰੀ ਜਾਂ ਲਾਲ ਹੋਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਘਰ 'ਚ ਆਉਂਦੇ-ਆਉਂਦੇ ਰੁਕ ਜਾਂਦਾ ਹੈ ਪੈਸਾ ਤਾਂ ਵਾਸਤੂ ਮੁਤਾਬਕ ਇਨ੍ਹਾਂ ਚੀਜ਼ਾਂ ਦਾ ਰੱਖੋ ਖ਼ਾਸ ਧਿਆਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
