MRF ਵਰਗੇ ਵੱਡੇ ਬ੍ਰਾਂਡ ਤੋਂ ਬਾਅਦ ਹੁਣ ਇਸ ਕੰਪਨੀ ਨੇ ਕੀਤਾ ਪ੍ਰਿਥਵੀ ਸ਼ਾ ਨਾਲ ਕਰਾਰ

ਨਵੀਂ ਦਿੱਲੀ (ਬਿਊਰੋ)— ਅੰਡਰ-19 ਕ੍ਰਿਕਟ ਟੀਮ ਦੇ ਕਪਤਾਨ ਅਤੇ ਮੁੰਬਈ ਦੇ ਬੱਲੇਬਾਜ਼ ਪ੍ਰਿਥਵੀ ਸ਼ਾ ਨੇ ਹੁਣ ਤੱਕ ਇਕ ਵੀ ਕੌਮਾਂਤਰੀ ਮੈਚ ਨਹੀਂ ਖੇਡਿਆ ਹੈ ਪਰ ਇਸਦੇ ਬਾਵਜੂਦ ਉਹ ਵੱਡੀਆਂ-ਵੱਡੀਆਂ ਕੰਪਨੀਆਂ 'ਚ ਪਾਪੁਲਰ ਹੋ ਰਹੇ ਹਨ ਤੇ ਕੰਪਨੀਆਂ ਉਨ੍ਹਾਂ ਨਾਲ ਕਰਾਰ ਉੱਤੇ ਕਰਾਰ ਕਰ ਰਹੀਆਂ ਹਨ। ਨਿਊਜ਼ੀਲੈਂਡ ਵਿਚ ਹੋਣ ਵਾਲੇ ਅੰਡਰ-19 ਵਰਲਡ ਕੱਪ ਵਿਚ ਭਾਰਤੀ ਟੀਮ ਦੀ ਅਗਵਾਈ ਕਰ ਰਹੇ ਪ੍ਰਿਥਵੀ ਸ਼ਾ ਨੇ ਪ੍ਰੋਟੀਨ ਬਰਾਂਡ ਪ੍ਰੋਟੀਨੇਕਸ ਨਾਲ ਪੰਜ ਸਾਲ ਦਾ ਕਰਾਰ ਕੀਤਾ। ਪ੍ਰਿਥਵੀ ਹੁਣ ਇਸ ਕੰਪਨੀ ਦੇ ਬਰਾਂਡ ਅੰਬੈਸਡਰ ਬਣ ਗਏ ਹਨ। ਇਸ ਕਰਾਰ ਦੇ ਤਹਿਤ ਹੁਣ ਪ੍ਰਿਥਵੀ ਕੰਪਨੀ ਦੀਆਂ ਮੁਹਿੰਮਾਂ ਅਤੇ ਪਹਿਲਾਂ ਵਿਚ ਮੁੱਖ ਚਿਹਰੇ ਦੇ ਰੂਪ ਵਿਚ ਨਜ਼ਰ ਆਉਣਗੇ।

ਪ੍ਰਿਥਵੀ ਸ਼ਾ ਨੇ ਇਸ ਬਰਾਂਡ ਨਾਲ ਕੀਤਾ ਕਰਾਰ
ਇਸ ਕਰਾਰ ਦੇ ਬਾਰੇ ਵਿਚ 18 ਸਾਲ ਦੇ ਪ੍ਰਿਥਵੀ ਸ਼ਾ ਨੇ ਕਿਹਾ,''ਮੈਂ ਬਚਪਨ ਤੋਂ ਵੇਖ ਰਿਹਾ ਹਾਂ ਕਿ ਪ੍ਰੋਟੀਨੇਕਸ ਘਰ-ਘਰ ਦਾ ਹਿੱਸਾ ਰਿਹਾ ਹੈ। ਠੀਕ ਸਰੀਰਕ ਵਿਕਾਸ ਅਤੇ ਚੰਗੀ ਲਾਈਫ ਸਟਾਈਲ ਲਈ ਪ੍ਰੋਟੀਨ ਦੀ ਜ਼ਰੂਰਤ ਹੁੰਦੀ ਹੈ। ਇਹ ਮੇਰੇ ਵਰਗੇ ਖਿਡਾਰੀਆਂ ਲਈ ਹੀ ਨਹੀਂ, ਸਗੋਂ ਹਰ ਕਿਸੇ ਲਈ ਜ਼ਰੂਰੀ ਹੈ।'' ਪ੍ਰਿਥਵੀ ਸਾਲ 2013 ਵਿਚ ਹੇਰਿਸ ਸ਼ੀਲਡ ਵਿਚ 330 ਗੇਂਦਾਂ ਵਿਚ ਬਣਾਈਆਂ ਗਈਆਂ 546 ਦੌੜਾਂ ਦੀ ਸ਼ਾਨਦਾਰ ਪਾਰੀ ਤੋਂ ਸੁਰਖੀਆਂ ਵਿਚ ਆਏ ਸੀ। ਇਸਦੇ ਬਾਅਦ, ਪ੍ਰਿਥਵੀ ਨੇ ਪਿੱਛੇ ਮੁੜ ਕੇ ਨਹੀਂ ਵੇਖਿਆ। ਉਨ੍ਹਾਂ ਨੇ ਕਈ ਉਪਲਬਦੀਆਂ ਹਾਸਲ ਕੀਤੀਆਂ। ਇਸ ਵਿਚ ਦਲੀਪ ਟਰਾਫੀ ਵਿਚ ਸਭ ਤੋਂ ਘੱਟ ਉਮਰ ਵਿਚ ਸੈਂਕੜਾ ਲਗਾਉਣਾ ਅਤੇ ਰਣਜੀ ਟਰਾਫੀ ਵਿਚ ਆਪਣੇ ਡੈਬਿਊ ਮੈਚ ਵਿਚ ਸੈਂਕੜਾ ਲਗਾਉਣਾ ਸ਼ਾਮਲ ਹੈ। ਇਸਦੇ ਇਲਾਵਾ, ਪ੍ਰਿਥਵੀ ਨੇ ਪੰਜ ਫਰਸਟ ਕਲਾਸ ਮੈਚਾਂ ਵਿਚ ਚਾਰ ਸੈਂਕੜੇ ਲਗਾਉਣ ਦਾ ਕਾਰਨਾਮਾ ਵੀ ਕੀਤਾ ਹੈ।