''ਭਾਰਤ ''ਚ ਆਉਣ ਵਾਲੇ ਸੀਜ਼ਨ ''ਚ ਮੰਗ ਨਾਲੋਂ ਵੱਧ ਰਹੇਗੀ ਖੰਡ ਦੀ ਸਪਲਾਈ, ਚਿੰਤਾ ਕਰਨ ਦੀ ਲੋੜ ਨਹੀਂ''

ਨਵੀਂ ਦਿੱਲੀ — ਅਕਤੂਬਰ ਤੋਂ ਸ਼ੁਰੂ ਹੋ ਰਹੇ ਖੰਡ ਸੀਜ਼ਨ 2023-24 'ਚ ਖੰਡ ਦੀ ਸਪਲਾਈ ਵਿਸ਼ਵ ਮੰਗ ਦੇ ਮੁਕਾਬਲੇ ਘੱਟ ਰਹਿਣ ਦੀ ਸੰਭਾਵਨਾ ਹੈ। ਨਾਲ ਹੀ ਭਾਰਤ ਦੀਆਂ ਜ਼ਿਆਦਾਤਰ ਵਪਾਰਕ ਸੰਸਥਾਵਾਂ, ਉਦਯੋਗਿਕ ਸੰਸਥਾਵਾਂ ਅਤੇ ਇੱਥੋਂ ਤੱਕ ਕਿ ਸਰਕਾਰ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਖੰਡ ਦੀ ਸਪਲਾਈ ਮੰਗ ਨਾਲੋਂ ਵੱਧ ਰਹੇਗੀ। ਅਗਲੇ ਸਾਲ ਈਥਾਨੌਲ ਬਣਾਉਣ ਵਿੱਚ ਖੰਡ ਦੀ ਵਰਤੋਂ ਹੋਣ ਦੇ ਬਾਵਜੂਦ ਖੰਡ ਦੀ ਕਮੀ ਦੀ ਕੋਈ ਸੰਭਾਵਨਾ ਨਹੀਂ ਹੈ।

ਇਹ ਵੀ ਪੜ੍ਹੋ : RBI ਦਾ ਵੱਡਾ ਫ਼ੈਸਲਾ, ਕਰਜ਼ਾ ਨਾ ਮੋੜਨ ਵਾਲਿਆਂ ਦੀਆਂ ਹੁਣ ਵਧਣਗੀਆਂ ਮੁਸ਼ਕਿਲਾਂ

ਭਾਰਤੀ ਖੰਡ ਮਿੱਲ ਐਸੋਸੀਏਸ਼ਨ (ISMA) ਦੇ ਪ੍ਰਧਾਨ ਆਦਿਤਿਆ ਝੁਨਝੁਨਵਾਲਾ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਕਿਹਾ, 'ਸਾਡਾ ਮੰਨਣਾ ਹੈ ਕਿ 2023-24 ਸੀਜ਼ਨ 'ਚ ਖੰਡ ਦਾ ਉਤਪਾਦਨ 317 ਲੱਖ ਟਨ ਰਹੇਗਾ, ਜਿਵੇਂ ਅਸੀਂ ਜੂਨ 'ਚ ਅਨੁਮਾਨ ਲਗਾਇਆ ਸੀ। ਸ਼ੁਰੂਆਤੀ ਸਟਾਕ ਲਗਭਗ 55 ਲੱਖ ਟਨ ਹੈ। ਅਜਿਹੇ 'ਚ ਖੰਡ ਦੀ ਸਪਲਾਈ ਕਰੀਬ 372 ਲੱਖ ਟਨ ਹੋਵੇਗੀ, ਜਦਕਿ ਖਪਤ 280 ਲੱਖ ਟਨ ਦੇ ਕਰੀਬ ਹੈ। ਅਜਿਹੇ 'ਚ ਘਬਰਾਉਣ ਦੀ ਕੋਈ ਗੱਲ ਨਹੀਂ ਹੈ। ਇਥੇਨੌਲ ਬਣਾਉਣ ਲਈ 45 ਲੱਖ ਟਨ ਖੰਡ ਦੀ ਵਰਤੋਂ ਕਰਨ ਤੋਂ ਬਾਅਦ ਇੰਨਾ ਜ਼ਿਆਦਾ ਉਤਪਾਦਨ ਦਾ ਅੰਦਾਜ਼ਾ ਲਗਾਇਆ ਗਿਆ ਹੈ।

ਇਹ ਵੀ ਪੜ੍ਹੋ : ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ ਪਰ ਗੌਤਮ ਅਡਾਨੀ ਨੇ ਪਛਾੜੇ ਦੁਨੀਆ ਦੇ ਅਰਬਪਤੀ, ਜਾਣੋ ਕੁੱਲ ਜਾਇਦਾਦ

ਝੁਨਝੁਨਵਾਲਾ ਨੇ ਕਿਹਾ ਕਿ ਐਸੋਸੀਏਸ਼ਨ ਅਕਤੂਬਰ ਵਿੱਚ ਉਤਪਾਦਨ ਅਨੁਮਾਨਾਂ ਦੀ ਮੁੜ ਸਮੀਖਿਆ ਕਰੇਗੀ, ਜਦੋਂ ਮਹਾਰਾਸ਼ਟਰ ਅਤੇ ਕਰਨਾਟਕ ਵਿੱਚ ਮਾਨਸੂਨ ਦੀ ਬਾਰਸ਼ ਵਿੱਚ ਦੇਰੀ ਦੇ ਫ਼ਸਲਾਂ ਉੱਤੇ ਪੈਣ ਵਾਲੇ ਪ੍ਰਭਾਵਾਂ ਦਾ ਵੀ ਮੁਲਾਂਕਣ ਕੀਤਾ ਜਾਵੇਗਾ। ਸੂਤਰਾਂ ਅਨੁਸਾਰ ਕੇਂਦਰ ਸਰਕਾਰ ਦਾ ਮੰਨਣਾ ਹੈ ਕਿ ਈਥਾਨੌਲ ਲਈ ਖੰਡ ਨੂੰ ਮੋੜਨ ਤੋਂ ਬਾਅਦ 2023-24 ਸੀਜ਼ਨ 'ਚ ਖੰਡ ਦਾ ਸ਼ੁੱਧ ਉਤਪਾਦਨ 300 ਲੱਖ ਟਨ ਦੇ ਕਰੀਬ ਹੋ ਸਕਦਾ ਹੈ, ਜਦਕਿ ਖਪਤ 280 ਲੱਖ ਟਨ ਦੇ ਕਰੀਬ ਹੋਵੇਗੀ। ਸੀਨੀਅਰ ਅਧਿਕਾਰੀਆਂ ਨੇ ਕੁਝ ਹਫ਼ਤੇ ਪਹਿਲਾਂ ਕਿਹਾ ਸੀ ਕਿ ਆਉਣ ਵਾਲੇ ਸੀਜ਼ਨ 'ਚ ਮੰਗ ਅਤੇ ਸਪਲਾਈ ਦੀ ਸਥਿਤੀ ਨੂੰ ਲੈ ਕੇ ਚਿੰਤਾ ਕਰਨ ਦੀ ਲੋੜ ਨਹੀਂ।

ਇਹ ਵੀ ਪੜ੍ਹੋ : ਹੋਟਲ 'ਚ ਪਾਸਪੋਰਟ ਭੁੱਲ ਰਵਾਨਾ ਹੋਏ ਰੋਹਿਤ ਸ਼ਰਮਾ, ਪਤਾ ਲੱਗਣ 'ਤੇ ਸਾਥੀਆਂ ਨੇ ਉਡਾਇਆ ਮਜ਼ਾਕ, ਵੀਡੀਓ ਵਾਇਰਲ

ਚੀਨੀ ਦੀ ਵਿਸ਼ਵਵਿਆਪੀ ਖਪਤ 1,769.5 ਲੱਖ ਟਨ ਹੋਣ ਦੀ ਸੰਭਾਵਨਾ ਹੈ। ਅਜਿਹੇ 'ਚ ਗਲੋਬਲ ਪੱਧਰ 'ਤੇ ਖੰਡ ਦੀ ਮੰਗ ਸਪਲਾਈ ਦੇ ਮੁਕਾਬਲੇ 21.2 ਲੱਖ ਟਨ ਘੱਟ ਹੋ ਸਕਦੀ ਹੈ। ਖੰਡ ਦੀ ਕਮੀ ਦੀ ਉਮੀਦ ਦੇ ਕਾਰਨ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਇਸਦੀ ਵਿਸ਼ਵਵਿਆਪੀ ਕੀਮਤ ਵਿੱਚ ਵਾਧਾ ਹੋਇਆ ਹੈ। ਸੂਤਰਾਂ ਅਨੁਸਾਰ ISO ਨੇ ਸਾਲ 2023-24 ਲਈ ਖੰਡ ਦੀ ਬੈਲੇਂਸ ਸ਼ੀਟ ਜਾਰੀ ਕੀਤੀ ਹੈ। ਜਿਸ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਚੀਨੀ ਦਾ ਵਿਸ਼ਵਵਿਆਪੀ ਉਤਪਾਦਨ 1.23 ਫ਼ੀਸਦੀ ਘੱਟ ਜਾਵੇਗਾ। ਅਜਿਹੇ 'ਚ ਖੰਡ ਦੀ ਕਮੀ 21 ਲੱਖ ਟਨ ਹੋ ਸਕਦੀ ਹੈ। 

ਇਹ ਵੀ ਪੜ੍ਹੋ : ਭਾਰਤ-ਕੈਨੇਡਾ ਵਿਵਾਦ ਦੀ ਲਪੇਟ 'ਚ ਆਏ McCain ਤੇ Tim Hortons, ਵਧ ਸਕਦੀਆਂ ਨੇ ਮੁਸ਼ਕਲਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8