ਬਗੈਰ ਪਟਾਕਿਆਂ ਦੇ ਹੋਵੇਗੀ ਦੀਵਾਲੀ, ਸੁਪਰੀਮ ਕੋਰਟ ਨੇ ਲਾਈ ਰੋਕ

ਨਵੀਂ ਦਿੱਲੀ—ਐੱਨ.ਸੀ.ਆਰ.'ਚ 31 ਤੱਕ ਪਟਾਕੇ ਵਿਕਰੀ ਪਾਬੰਦੀ ਦੇ ਖਿਲਾਫ ਪਟਾਕਾ ਕਾਰੋਬਾਰੀਆਂ ਨੇ ਸੁਪਰੀਮ ਕੋਰਟ 'ਚ ਪਾਬੰਦੀ ਹਟਾਉਣ ਦੇ ਲਈ ਅੱਜ ਪਟੀਸ਼ਨ ਦਾਇਰ ਕੀਤੀ, ਜਿਸ 'ਤੇ ਸ਼ੁੱਕਰਵਾਰ ਨੂੰ ਸੁਣਵਾਈ ਹੋਵੇਗੀ। ਇਸ ਵਿੱਚ, ਦੀਵਾਲੀ ਦੇ ਲਈ ਥੋਕ ਕਾਰੋਬਾਰੀਆਂ ਨੂੰ ਪਹਿਲਾਂ ਤੋਂ ਆਡਰ ਤਾਂ ਮਿਲ ਚੁੱਕੇ ਹਨ ਪਰ ਆਪੂਰਤੀ ਨਾ ਹੋ ਸਕਣ ਨਾਲ ਕਰੀਬ 90 ਫੀਸਦੀ ਸਟਾਕ ( 45 ਲੱਖ ਕਿਲੋਗ੍ਰਾਮ) ਬਚਿਆ ਹੋਇਆ ਹੈ। ਆਡਰ ਦੇਣ ਵਾਲੇ ਹੁਣ ਮਾਲ ਚੁੱਕਣ ਤੋਂ ਮਨ੍ਹਾਂ ਕਰ ਦਿੱਤੇ ਹੋਏ ਅਡਵਾਂਸ ਪੈਸੇ ਵਾਪਸ ਮੰਗ ਰਹੇ ਹਨ।
ਪਟਾਕੇ ਕਾਰੋਬਾਰੀਆਂ ਨੇ ਵਿਰੋਧ 'ਚ ਅੱਜ ਧਰਨਾ-ਪ੍ਰਦਰਸ਼ਨ ਵੀ ਕੀਤਾ। ਜਸਟਿਸ ਰੰਜਨ ਗੋਗੋਈ, ਜਸਟਿਸ ਏ.ਐੱਸ.ਸਪਰੇ ਅਤੇ ਜਸਟਿਸ ਨਵੀਨ ਸਿਨਹਾ ਦੇ ਬੈਂਚ ਨੇ ਕਾਰੋਬਾਰੀਆਂ ਦੀ ਅੰਤਰਿਮ ਪਟੀਸ਼ਨ ਨੂੰ ਜਲਦ ਸੁਣਵਾਈ ਲਈ ਉਨ੍ਹਾਂ ਦੇ ਵਕੀਲ ਨੂੰ ਭਰੋਸਾ ਦਵਾਇਆ ਕਿ ਉਹ ਆਦੇਸ਼ ਪਾਰਿਤ ਕਰਨ ਵਾਲੇ ਸੰਬੰਧਕ ਜੱਜ ਨਾਲ ਇਸ ਬਾਰੇ 'ਚ ਵਿਚਾਰ ਕਰਨਗੇ। ਸਦਰ ਬਾਜ਼ਾਰ ਪਟਾਕਾ ਕਾਰੋਬਾਰੀ ਸੰਘ ਦੇ ਪ੍ਰਧਾਨ ਨਰਿੰਦਰ ਗੁਪਤਾ ਨੇ ਕਿਹਾ ਕਿ ਪਿਛਲੇ ਮਹੀਨੇ ਸੁਪਰੀਮ ਕੋਰਟ ਨੇ ਕਾਰੋਬਾਰੀਆਂ ਦੇ ਲਾਈਸੇਂਸ ਰੱਦ ਕਰ ਦਿੱਤੇ ਸਨ ਅਤੇ ਉਨ੍ਹਾਂ ਨੇ ਦੀਵਾਲੀ ਦੇ ਦੌਰਾਨ ਵਿਕਰੀ ਦੇ ਲਈ ਪਟਾਕਿਆਂ ਦੀ ਖਰੀਦ ਕਰ ਲਈ ਸੀ। ਹੁਣ ਦੀਵਾਲੀ 'ਤੇ ਪਟਾਕਾ ਕਾਰੋਬਾਰ ਸ਼ੁਰੂ ਹੁੰਦੇ ਹੀ ਵਿਕਰੀ 'ਤੇ ਰੋਕ ਨੇ ਕਾਰੋਬਾਰੀਆਂ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਸਨ। ਸਥਾਈ ਪਟਾਕਾ ਲਾਇਸੈਂਸ ਅਤੇ ਥੋਕ ਕਾਰੋਬਾਰੀ ਅਮਿਤ ਜੈਨ ਕਹਿੰਦੇ ਹਨ ਕਿ ਉਨ੍ਹਾਂ ਨੇ 50 ਫੀਸਦੀ ਮਾਲ ਦੇ ਆਡਰ ਮਿਲ ਚੁੱਕੇ ਹਨ, ਪਰ ਆਪੂਰਤੀ 10 ਫੀਸਦੀ ਵੀ ਨਹੀਂ ਹੋਈ ਹੈ।
ਅਦਾਲਤ ਦੇ ਆਦੇਸ਼ ਦੇ ਬਾਅਦ ਹੁਣ ਆਡਰ ਦੇਣ ਵਾਲੇ ਮਾਲ ਨਹੀਂ ਉਠਾ ਰਹੇ ਹਨ ਅਤੇ ਅਡਵਾਂਸ ਦਿੱਤੇ ਪਾਸੇ ਵਾਪਸ ਮੰਗ ਰਹੇ ਹਨ। ਇਸ ਲਈ ਜੇਕਰ ਅਦਾਲਤ ਤੋਂ ਰਾਹਤ ਨਹੀਂ ਮਿਲੀ ਤਾਂ ਨੁਕਸਾਨ ਤਾਂ ਹੋਵੇਗਾ ਹੀ ਪੈਸਿਆਂ ਨੂੰ ਲੈਣ-ਦੇਣ ਨੂੰ ਲੈ ਕੇ ਵਿਵਾਦ ਵੀ ਵੱਧੇਗਾ। ਜਾਮਾ ਮਸਜਿਦ ਪਟਾਕਾ ਮਾਰਕੀਟ ਦੇ ਅਸਥਾਈ ਲਾਇਸੈਂਸ ਧਾਰਕ ਅਜੈ ਕੁਮਾਰ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਹਜੇ ਪਟਾਕੇ ਖਰੀਦਣ ਦੇ ਲਈ ਅਗਾਉਂ ਰਾਸ਼ੀ ਦਿੱਤੀ ਹੀ ਸੀ ਕਿ ਅਦਾਲਤ ਨੇ ਪਾਬੰਦੀ ਲਗਾ ਦਿੱਤੀ। ਅਸੀਂ ਦੀਵਾਲੀ ਤੋਂ 5-6 ਦਿਨ ਪਹਿਲਾਂ ਹੀ ਖੁਦਰਾ ਗਾਹਕਾਂ ਨੂੰ ਕਾਰੋਬਾਰ ਮਿਲਦਾ ਹੈ।
ਪਾਬੰਧੀ ਦੇ ਬਾਅਦ ਹੁਣ ਇਹ ਨਹੀਂ ਮਿਲੇਗਾ। ਦੀਵਾਲੀ ਬਾਅਦ ਲਾਇਸੈਂਸ ਰੱਦ ਹੋ ਜਾਵੇਗਾ। ਇਸ ਲਈ ਅਸੀਂ ਵਿਕਰੇਤਾ ਕਾਰੋਬਾਰੀਆਂ ਤੋਂ ਆਪਣਾ ਪੈਸਾ ਵਾਪਸ ਮੰਗ ਰਹੇ ਹਨ। ਪਟਾਕਾ ਕਾਰੋਬਾਰੀ ਹਰਜੀਤ ਸਿੰਘ ਛਾਬੜਾ ਕਹਿੰਦੇ ਹਨ ਕਿ ਉਨ੍ਹਾਂ ਦੀ ਦੁਕਾਨ 'ਚ ਪਏ 5 ਲੱਖ ਰੁਪਏ ਦੇ ਪਟਾਕੇ ਅਟਕੇ ਪਏ ਹਨ। ਸਥਾਈ ਪਟਾਕਾ ਲਾਈਸੈਂਸ ਧਾਰਕ ਕਮਲ ਮਲਹੋਤਰਾ ਨੇ ਕਿਹਾ ਕਿ 90 ਫੀਸਦੀ ਪਟਾਕੇ ਦੀਵਾਲੀ ਦੇ ਦੌਰਾਨ ਹੀ ਵਿੱਕਦੇ ਹਨ, ਪਰ ਪਾਬੰਦੀ ਨਾਲ ਪੂਰਾ ਕਾਰੋਬਾਰ ਖਤਮ ਚੌਪਟ ਹੋ ਜਾਵੇਗਾ। ਪਟਾਕਿਆਂ ਦੀ  ਕਾਲਾਬਾਜ਼ਾਰੀ ਬਾਰੇ 'ਚ ਕਾਰੋਬਾਰੀਆਂ ਦਾ ਕਹਿਣਾ ਹੈ ਕਿ ਸਥਾਨੀਏ ਬਾਜ਼ਾਰਾਂ ਦੇ ਕਾਰੋਬਾਰੀ ਫਿਰ ਵੀ ਚੋਰੀ ਛਿਪੇ ਉੱਚ ਕੀਮਤ 'ਤੇ ਪਟਾਕੇ ਵੇਚ ਸਕਦੇ ਹਨ। ਪਰ ਵੱਡੇ ਕਾਰੋਬਾਰੀਆਂ ਦੇ ਲਈ ਅਦਾਲਤ ਦੀ ਸਖਤੀ ਨਾਲ ਇੰਨਾ ਮਾਲ ਖਪਾਉਣਾ ਸੰਭਵ ਨਹੀਂ ਹੈ।