ਸ਼ੇਅਰ ਬਾਜ਼ਾਰ 'ਚ ਪਰਤੀ ਰੌਣਕ, ਸੈਂਸੈਕਸ 'ਚ 230 ਅੰਕਾਂ ਦਾ ਵਾਧਾ ਤੇ ਨਿਫਟੀ 15,746 ਦੇ ਪੱਧਰ ਤੇ ਬੰਦ

ਮੁੰਬਈ - ਅੱਜ ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਭਾਵ ਅੱਜ ਬੰਬਈ ਸਟਾਕ ਐਕਸਚੇਂਜ ਦਾ ਸੈਂਸੈਕਸ 230.01 ਅੰਕ ਦੀ ਤੇਜ਼ੀ ਨਾਲ 52,574.46 'ਤੇ ਅਤੇ ਐਨ ਐਸ ਸੀ ਨਿਫਟੀ 63.15 ਅੰਕ ਚੜ੍ਹ ਕੇ 15,746.50' ਤੇ ਬੰਦ ਹੋਇਆ ਹੈ। ਪਿਛਲੇ ਹਫਤੇ ਬੀ ਐਸ ਸੀ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 130.31 ਅੰਕ ਭਾਵ 0.24% ਦੀ ਗਿਰਾਵਟ ਨਾਲ ਬੰਦ ਹੋਇਆ ਸੀ। ਹੋਰ ਕੰਪਨੀਆਂ ਦੇ ਨਾਲ, ਛੋਟੀਆਂ ਅਤੇ ਦਰਮਿਆਨੀ ਕੰਪਨੀਆਂ ਵਿੱਚ ਵੀ ਖਰੀਦ ਦਾ ਰੁਝਾਨ ਜਾਰੀ ਰਿਹਾ, ਜਿਸ ਕਾਰਨ ਬੀ ਐਸ ਸੀ ਮਿਡਕੈਪ 0.82 ਪ੍ਰਤੀਸ਼ਤ ਦੇ ਵਾਧੇ ਨਾਲ 22420.06 ਅੰਕ ਅਤੇ ਸਮਾਲਕੈਪ 0.83 ਪ੍ਰਤੀਸ਼ਤ ਦੇ ਵਾਧੇ ਨਾਲ 24854.25 ਅੰਕ 'ਤੇ ਬੰਦ ਹੋਇਆ। ਸੈਸ਼ਨ ਦੌਰਾਨ ਬੀ ਐਸ ਸੀ ਤੇ ਕੁੱਲ 3463 ਕੰਪਨੀਆਂ ਦਾ ਕਾਰੋਬਾਰ ਹੋਇਆ, ਜਿਨ੍ਹਾਂ ਵਿੱਚੋਂ 2049 ਲਾਭ ਵਿੱਚ ਸਨ ਅਤੇ 1258 ਗਿਰਾਵਟ ਵਿਚ ਹਨ ਜਦੋਂਕਿ 156 ਕੰਪਨੀਆਂ ਵਿੱਚ ਕੋਈ ਤਬਦੀਲੀ ਨਹੀਂ ਆਈ। ਏਸ਼ੀਆਈ ਬਾਜ਼ਾਰਾਂ ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ, ਜਦੋਂ ਕਿ ਯੂਰਪੀਅਨ ਬਾਜ਼ਾਰ ਬਜਟ ਦੇ ਅਧੀਨ ਸਨ, ਜਪਾਨ ਦੇ ਨਿੱਕੇਈ ਵਿਚ 3.29 ਅਤੇ ਹਾਂਗ ਕਾਂਗ ਦੇ ਹੈਂਗ ਸੇਂਗ ਵਿਚ 1.08 ਪ੍ਰਤੀਸ਼ਤ ਦੀ ਗਿਰਾਵਟ ਆਈ, ਜਦੋਂਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.12 ਫੀਸਦ, ਬ੍ਰਿਟੇਨ ਦਾ ਐਫ.ਟੀ.ਐਸ.ਈ. 0.66 ਫ਼ੀਸਦੀ ਅਤੇ ਜਰਮਨੀ ਦਾ ਡੈਕਸ 0.69 ਫੀਸਦ ਦੇ ਵਾਧੇ ਵਿਚ ਰਿਹਾ।

ਐੱਫ. ਪੀ. ਆਈ. ਨੇ ਜੂਨ ’ਚ ਹੁਣ ਤੱਕ ਭਾਰਤੀ ਬਾਜ਼ਾਰਾਂ ’ਚ ਪਾਏ 13,667 ਕਰੋਡ਼ ਰੁਪਏ 

ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (ਐੱਫ. ਪੀ . ਆਈ.) ਨੇ ਜੂਨ ’ਚ ਹੁਣ ਤੱਕ ਭਾਰਤੀ ਬਾਜ਼ਾਰਾਂ ’ਚ ਸ਼ੁੱਧ ਰੂਪ ਨਾਲ 13,667 ਕਰੋਡ਼ ਰੁਪਏ ਪਾਏ ਹਨ। ਭਾਰਤੀ ਬਾਜ਼ਾਰ ਵਿਦੇਸ਼ੀ ਨਿਵੇਸ਼ਕਾਂ ਲਈ ਆਕਰਸ਼ਕ ਬਣੇ ਹੋਏ ਹਨ। ਹਾਲਾਂਕਿ , ਇਸ ਹਫ਼ਤੇ ਐੱਫ. ਪੀ. ਆਈ. ਨੇ ਭਾਰਤੀ ਸ਼ੇਅਰ ਬਾਜ਼ਾਰਾਂ ਤੋਂ ਨਿਕਾਸੀ ਕੀਤੀ।

ਡਿਪਾਜ਼ਿਟਰੀ ਦੇ ਅੰਕੜਿਆਂ ਅਨੁਸਾਰ, ਐੱਫ. ਪੀ. ਆਈ. ਨੇ 1 ਤੋਂ 18 ਜੂਨ ਦੌਰਾਨ ਸ਼ੇਅਰਾਂ ’ਚ 15,312 ਕਰੋਡ਼ ਰੁਪਏ ਪਾਏ। ਇਸ ਦੌਰਾਨ ਉਨ੍ਹਾਂ ਨੇ ਕਰਜ਼ਾ ਜਾਂ ਬਾਂਡ ਬਾਜ਼ਾਰ ਤੋਂ 1,645 ਕਰੋਡ਼ ਰੁਪਏ ਦੀ ਨਿਕਾਸੀ ਕੀਤੀ। ਇਸ ਤਰ੍ਹਾਂ ਉਨ੍ਹਾਂ ਦਾ ਸ਼ੁੱਧ ਨਿਵੇਸ਼ 13,667 ਕਰੋਡ਼ ਰੁਪਏ ਰਿਹਾ। ਇਸ ਤੋਂ ਪਹਿਲਾਂ ਐੱਫ. ਪੀ. ਆਈ. ਨੇ ਮਈ ’ਚ 2,666 ਕਰੋਡ਼ ਰੁਪਏ ਅਤੇ ਅਪ੍ਰੈਲ ’ਚ 9,435 ਕਰੋਡ਼ ਰੁਪਏ ਦੀ ਨਿਕਾਸੀ ਕੀਤੀ ਸੀ।

ਸੈਂਸੈਕਸ ਦੀਆਂ ਟਾਪ 10 ’ਚੋਂ 4 ਕੰਪਨੀਆਂ ਦਾ ਐੱਮ. ਕੈਪ 68,458.72 ਕਰੋਡ਼ ਰੁਪਏ ਵਧਿਆ

ਸੈਂਸੈਕਸ ਦੀਆਂ ਟਾਪ 10 ’ਚੋਂ 4 ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਣ (ਐੱਮ. ਕੈਪ : ਮਾਰਕੀਟ ਕੈਪ) ’ਚ ਬੀਤੇ ਹਫ਼ਤੇ 68,458.72 ਕਰੋਡ਼ ਰੁਪਏ ਦਾ ਵਾਧਾ ਹੋਇਆ। ਸਭ ਤੋਂ ਜ਼ਿਆਦਾ ਲਾਭ ’ਚ ਹਿੰਦੁਸਤਾਨ ਯੂਨਿਲੀਵਰ ਅਤੇ ਇੰਫੋਸਿਸ ਰਹੀਆਂ।

ਸਮੀਖਿਆ ਅਧੀਨ ਹਫ਼ਤੇ ’ਚ ਰਿਲਾਇੰਸ ਇੰਡਸਟਰੀਜ਼, ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀ. ਸੀ. ਐੱਸ.), ਇਨਫੋਸਿਸ ਅਤੇ ਹਿੰਦੁਸਤਾਨ ਯੂਨਿਲੀਵਰ ਦੇ ਬਾਜ਼ਾਰ ਪੂੰਜੀਕਰਨ ’ਚ ਵਾਧਾ ਹੋਇਆ। ਉਥੇ ਹੀ ਐੱਚ. ਡੀ. ਐੱਫ. ਸੀ. ਬੈਂਕ, ਐੱਚ. ਡੀ. ਐੱਫ. ਸੀ., ਆਈ. ਸੀ. ਆਈ. ਸੀ. ਆਈ. ਬੈਂਕ, ਐੱਸ. ਬੀ. ਆਈ., ਬਜਾਜ ਫਾਇਨਾਂਸ ਅਤੇ ਕੋਟਕ ਮਹਿੰਦਰਾ ਬੈਂਕ ਦੇ ਬਾਜ਼ਾਰ ਮੁਲਾਂਕਣ ’ਚ ਸਮੂਹਿਕ ਰੂਪ ’ਚ 43,703.55 ਕਰੋਡ਼ ਰੁਪਏ ਦੀ ਗਿਰਾਵਟ ਆਈ।

ਬੀਤੇ ਹਫ਼ਤੇ ਹਿੰਦੁਸਤਾਨ ਯੂਨਿਲੀਵਰ ਦਾ ਬਾਜ਼ਾਰ ਪੂੰਜੀਕਰਣ 26,832.3 ਕਰੋਡ਼ ਰੁਪਏ ਵਧ ਕੇ 5,82,874.25 ਕਰੋਡ਼ ਰੁਪਏ ’ਤੇ ਪਹੁੰਚ ਗਿਆ। ਇਨਫੋਸਿਸ ਦਾ ਬਾਜ਼ਾਰ ਮੁਲਾਂਕਣ 24,628.79 ਕਰੋਡ਼ ਰੁਪਏ ਦੇ ਉਛਾਲ ਨਾਲ 6,41,108.34 ਕਰੋਡ਼ ਰੁਪਏ ਰਿਹਾ।

ਟੀ. ਸੀ. ਐੱਸ. ਨੇ ਹਫ਼ਤੇ ਦੌਰਾਨ 9,358.6 ਕਰੋਡ਼ ਰੁਪਏ ਜੋਡ਼ੇ ਅਤੇ ਉਸ ਦੀ ਬਾਜ਼ਾਰ ਹੈਸੀਅਤ 12,19,577.24 ਕਰੋਡ਼ ਰੁਪਏ ’ਤੇ ਪਹੁੰਚ ਗਈ। ਰਿਲਾਇੰਸ ਇੰਡਸਟਰੀਜ਼ ਦੀ ਬਾਜ਼ਾਰ ਹੈਸੀਅਤ 7,639.03 ਕਰੋਡ਼ ਰੁਪਏ ਦੇ ਵਾਧੇ ਨਾਲ 14,10,557.79 ਕਰੋਡ਼ ਰੁਪਏ ਰਹੀ।

ਇਸ ਰੁਖ਼ ਦੇ ਉਲਟ ਭਾਰਤੀ ਸਟੇਟ ਬੈਂਕ ਦਾ ਐੱਮ. ਕੈਪ 14,948.73 ਕਰੋਡ਼ ਰੁਪਏ ਘਟ ਕੇ 3,68,407.96 ਕਰੋਡ਼ ਰੁਪਏ ’ਤੇ ਅਤੇ ਐੱਚ. ਡੀ. ਐੱਫ. ਸੀ. ਦਾ 12,796.03 ਕਰੋਡ਼ ਰੁਪਏ ਦੇ ਨੁਕਸਾਨ ਨਾਲ 4,49,176.18 ਕਰੋਡ਼ ਰੁਪਏ ਰਹਿ ਗਿਆ।

ਹਫ਼ਤੇ ਦੌਰਾਨ ਕੋਟਕ ਮਹਿੰਦਰਾ ਬੈਂਕ ਦੀ ਬਾਜ਼ਾਰ ਹੈਸੀਅਤ 6,908.63 ਕਰੋਡ਼ ਰੁਪਏ ਘਟ ਕੇ 3,49,019.23 ਕਰੋਡ਼ ਰੁਪਏ ਅਤੇ ਆਈ. ਸੀ. ਆਈ. ਸੀ. ਆਈ. ਬੈਂਕ ਦੀ 3,644.88 ਕਰੋਡ਼ ਰੁਪਏ ਟੁੱਟ ਕੇ 4,36,390.78 ਕਰੋਡ਼ ਰੁਪਏ ਰਹਿ ਗਈ।

ਐੱਚ. ਡੀ. ਐੱਫ. ਸੀ. ਬੈਂਕ ਦਾ ਬਾਜ਼ਾਰ ਪੂੰਜੀਕਰਣ 3,503.96 ਕਰੋਡ਼ ਰੁਪਏ ਦੇ ਨੁਕਸਾਨ ਨਾਲ 8,16,587.81 ਕਰੋਡ਼ ਰੁਪਏ ’ਤੇ ਅਤੇ ਬਜਾਜ਼ ਫਾਇਨਾਂਸ ਦਾ 1,901.32 ਕਰੋਡ਼ ਰੁਪਏ ਟੁੱਟ ਕੇ 3,67,425.99 ਕਰੋਡ਼ ਰੁਪਏ ਰਹਿ ਗਿਆ। ਸਿਖਰਲੀਆਂ 10 ਕੰਪਨੀਆਂ ਦੀ ਸੂਚੀ ’ਚ ਰਿਲਾਇੰਸ ਇੰਡਸਟਰੀਜ਼ ਪਹਿਲੇ ਸਥਾਨ ’ਤੇ ਕਾਇਮ ਰਹੀ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।