RBI ਨੇ ਇਕ ਵਾਰ ਫਿਰ ਆਮ ਲੋਕਾਂ ਨੂੰ ਦਿੱਤੀ ਰਾਹਤ, EMI 'ਚ ਛੋਟ ਦੀ ਸਕੀਮ ਅਗਸਤ ਤੱਕ ਰਹੇਗੀ ਜਾਰੀ
05/22/2020 2:03:01 PM
ਨਵੀਂ ਦਿੱਲੀ : ਕੋਰੋਨਾ ਸੰਕਟ ਨੂੰ ਦੇਖਦੇ ਹੋਏ ਮੋਦੀ ਸਰਕਾਰ ਨੇ 20 ਲੱਖ ਕਰੋੜ ਦੇ ਆਰਥਿਕ ਪੈਕੇਜ ਦਾ ਐਲਾਨ ਕੀਤਾ ਸੀ। ਦੇਸ਼ ਦੇ ਸਾਹਮਣੇ ਇਸ ਪੈਕੇਜ ਦਾ ਬਿਓਰਾ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਰੱਖ ਚੁੱਕੀ ਹੈ। ਹੁਣ ਰਿਜ਼ਰਵ ਬੈਂਕ ਆਫ ਇੰਡੀਆ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਰੈਪੋ ਦਰ ਨੂੰ 0.40 ਪ੍ਰਤੀਸ਼ਤ ਘਟਾ ਕੇ 4 ਪ੍ਰਤੀਸ਼ਤ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਲੋਨ ਦੀ ਕਿਸ਼ਤ ਦੇਣ 'ਤੇ 3 ਮਹੀਨੇ ਦੀ ਵਾਧੂ ਛੋਟ ਦਿੱਤੀ ਗਈ ਹੈ। ਯਾਨਿ ਕਿ ਜੇਕਰ ਤੁਸੀਂ ਅਗਲੇ 3 ਮਹੀਨੇ ਤੱਕ ਆਪਣੇ ਲੋਨ ਦੀ ਈ.ਐੱਮ.ਆਈ. ਨਹੀਂ ਦਿੰਦੇ ਹੋ ਤਾਂ ਬੈਂਕ ਤੁਹਾਡੇ 'ਤੇ ਦਬਾਅ ਨਹੀਂ ਪਾਏਗਾ।
ਆਰ.ਬੀ.ਆਈ. ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਕਿ ਲਾਕਡਾਊਨ ਵਧਣ ਨਾਲ ਮੋਰੇਟਾਰੀਅਮ ਅਤੇ ਹੋਰ ਦੂਜੀਆਂ ਰਿਆਇਤਾਂ 3 ਮਹੀਨੇ ਤੱਕ ਹੋਰ ਵਧਾਈਆਂ ਜਾ ਰਹੀਆਂ ਹਨ। ਹੁਣ ਈ.ਐੱਮ.ਆਈ. ਦੇਣ 'ਤੇ ਰਾਹਤ 1 ਜੂਨ ਤੋਂ 31 ਅਗਸਤ ਤੱਕ ਲਈ ਵਧਾਈ ਜਾ ਰਹੀ ਹੈ। ਪਹਿਲਾਂ ਵੀ 3 ਮਹੀਨੇ ਦੀ ਮਈ ਤੱਕ ਦੀ ਛੋਟ ਦਿੱਤੀ ਗਈ ਸੀ। ਆਰ.ਬੀ.ਆਈ. ਮਾਰਚ ਤੋਂ ਲੈ ਕੇ ਮਈ ਤੱਕ ਸਾਰੇ ਟਰਮ ਲੋਨ ਦੇ ਭੁਗਤਾਨ 'ਤੇ 3 ਮਹੀਨੇ ਦੀ ਛੋਟ ਦਿੱਤੀ ਸੀ। 3 ਹੋਰ ਮਹੀਨਿਆਂ ਲਈ ਰਾਹਤ ਮਿਲਣ ਨਾਲ ਹੁਣ ਅਗਸਤ ਤੱਕ ਭੁਗਤਾਨ ਕਰਨਾ ਜ਼ਰੂਰੀ ਨਹੀਂ ਹੋਵੇਗਾ।
ਆਰ.ਬੀ.ਆਈ. ਗਵਰਨਰ ਦੀਆਂ ਵੱਡੀਆਂ ਗੱਲਾਂ
- ਰਿਵਰਸ ਰੈਪੋ ਰੇਟ ਵਿਚ ਕੋਈ ਬਦਲਾਅ ਨਹੀਂ ਹੋਇਆ ਹੈ
- ਲਾਕਡਾਊਨ ਨਾਲ ਆਰਥਿਕ ਗਤੀਵਿਧੀਆਂ ਵਿਚ ਭਾਰੀ ਗਿਰਾਵਟ, 6 ਵੱਡੇ ਉਦਯੋਗਿਕ ਰਾਜਾਂ ਵਿਚ ਜ਼ਿਆਦਾਤਰ ਰੈਡ ਜੋਨ ਰਹੇ
- ਮਾਰਚ ਵਿਚ ਕੈਪੀਟਲ ਗੁਡਸ ਦੇ ਉਤਪਾਦਨ ਵਿਚ 36 ਫੀਸਦੀ ਦੀ ਗਿਰਾਵਟ
- ਖਪਤਕਾਰ ਡਿਊਰੇਬਲ ਦੇ ਉਤਪਾਦਨ ਵਿਚ 33 ਫੀਸਦੀ ਦੀ ਗਿਰਾਵਟ
- ਉਦਯੋਗਿਕ ਉਤਪਾਦਨ ਵਿਚ ਮਾਰਚ ਵਿਚ 17 ਫੀਸਦੀ ਦੀ ਗਿਰਾਵਟ
- ਮੈਨੂਫੈਕਚਰਿੰਗ ਵਿਚ 21 ਫੀਸਦੀ ਦੀ ਗਿਰਾਵਟ, ਕੋਰ ਇੰਡਸਟਰੀਜ਼ ਦੇ ਆਊਟ-ਪੁੱਟ ਵਿਚ 6.5 ਫੀਸਦੀ ਦੀ ਕਮੀ
- ਸਾਉਣੀ ਦੀ ਬਿਜਾਈ ਵਿਚ 44 ਫੀਸਦੀ ਦਾ ਵਾਧਾ ਹੋਇਆ ਹੈ
- ਖਾਦ ਮਹਿੰਗਾਈ ਫਿਰ ਅਪ੍ਰੈਲ ਵਿਚ ਵਧਕੇ 8.6 ਫੀਸਦੀ ਹੋ ਗਈ
- ਦਾਲਾਂ ਦੀ ਮਹਿੰਗਾਈ ਅਗਲੇ ਮਹੀਨਿਆਂ ਵਿਚ ਖਾਸਕਰ ਚਿੰਤਾ ਦੀ ਗੱਲ ਰਹੇਗੀ
- ਇਸ ਛਿਮਾਹੀ ਵਿਚ ਮਹਿੰਗਾਈ ਉਚਾਈ 'ਤੇ ਬਣੀ ਰਹੇਗੀ ਪਰ ਅਗਲੀ ਛਿਮਾਹੀ ਵਿਚ ਇਸ ਵਿਚ ਨਰਮੀ ਆ ਸਕਦੀ ਹੈ
- 2020-21 ਵਿਚ ਭਾਰਤ ਦੇ ਵਿਦੇਸ਼ੀ ਮੁਦਰਾ ਭੰਡਾਰ ਵਿਚ 9.2 ਬਿਲੀਅਨ ਡਾਲਰ ਦਾ ਵਾਧਾ ਦਰਜ ਕੀਤਾ ਗਿਆ। ਭਾਰਤ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਅਜੇ 487 ਬਿਲੀਅਨ ਡਾਲਰ ਦਾ ਹੈ।
- 15,000 ਕਰੋੜ ਰੁਪਏ ਦੀ ਕਰੈਡਿਟ ਲਕੀਰ ਐਗਜ਼ਿਮ ਬੈਂਕ ਨੂੰ ਦਿੱਤੀ ਜਾਵੇਗੀ
- ਸਿਡਬੀ ਨੂੰ ਦਿੱਤੀ ਗਈ ਰਕਮ ਦਾ ਇਸਤੇਮਾਲ ਅੱਗੇ ਹੋਰ 90 ਦਿਨ ਤੱਕ ਕਰਨ ਦੀ ਇਜਾਜ਼ਤ