ਸੰਸਦੀ ਕਮੇਟੀ ਨੇ ਨਕਲੀ ਨੋਟਾਂ ਦੀ ਸਮੱਸਿਆ ''ਤੇ ਕੀਤਾ ਵਿਚਾਰ-ਵਟਾਂਦਰਾ

ਨਵੀਂ ਦਿੱਲੀ—ਇਕ ਸੰਸਦੀ ਕਮੇਟੀ ਨੇ ਬੁੱਧਵਾਰ ਨੂੰ ਉੱਚੇ ਮੁੱਲ ਦੇ ਨਕਲੀ ਨੋਟਾਂ ਦੇ ਪ੍ਰਸਾਰ ਨੂੰ ਰੋਕਣ ਲਈ ਸਰਕਾਰ ਵਲੋਂ ਚੁੱਕੇ ਗਏ ਕਦਮਾਂ 'ਤੇ ਵਿਚਾਰ-ਵਟਾਂਦਰਾ ਕੀਤਾ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਕਾਂਗਰਸ ਮੈਂਬਰ ਟੀ ਸੁਬਰਾਮੀ ਰੈੱਡੀ ਦੀ ਪ੍ਰਧਾਨਤਾ ਵਾਲੀ ਅਧੀਨ ਵਿਧਾਇਕ ਕਮੇਟੀ ਨੇ ਦੇਸ਼ 'ਚ ਨਕਲੀ ਮੁਦਰਾ ਦੇ ਪ੍ਰਸਾਰ ਦੇ ਬਾਰੇ 'ਚ ਤਾਜ਼ਾ ਜਾਣਕਾਰੀ ਦੇਣ ਲਈ ਸੀਨੀਅਰ ਅਧਿਕਾਰੀ, ਜਨਤਕ ਖੇਤਰ ਦੇ ਕੁਝ ਬੈਂਕਾਂ ਦੇ ਪ੍ਰਬੰਧਨ ਨਿਰਦੇਸ਼ਕਾਂ ਅਤੇ ਕੇਂਦਰੀ ਜਾਂਚ ਬਿਊਰੋ ਅਤੇ ਖੁਫੀਆ ਬਿਊਰੋ ਦੇ ਸਾਬਕਾ ਅਧਿਕਾਰੀਆਂ ਨੂੰ ਬੁਲਾਈਆਂ ਸੀ। ਕਮੇਟੀ ਨੇ ਬੈਠਕ 'ਚ 500 ਰੁਪਏ ਅਤੇ 2,000 ਰੁਪਏ ਦੇ ਉੱਚ ਮੁੱਲ ਵਰਗ ਦੇ ਨੋਟਾਂ ਨੂੰ ਲੈ ਕੇ ਚਿੰਤਾ ਜ਼ਾਹਿਰ ਕੀਤੀ। ਕਮੇਟੀ ਨੇ ਇਹ ਜਾਣਨਾ ਚਾਹਿਆ ਕਿ ਨਿਹਿਤ ਸਵਾਰਥ ਤੱਤ ਉੱਚ ਮੁੱਲ ਵਰਗ ਦੇ ਨੋਟਾਂ 'ਚ ਅੰਕਿਤ ਸੁਰੱਖਿਆ ਮਾਨਕਾਂ ਦੀ ਕਿਸ ਤਰ੍ਹਾਂ ਨਾਲ ਪ੍ਰਤੀ ਤਿਆਰ ਕਰ ਲੈਂਦੇ ਹਨ। ਰਿਜ਼ਰਵ ਬੈਂਕ ਦੀ ਨਵੀਨਤਮ ਸਾਲਾਨਾ ਰਿਪੋਰਟ ਮੁਤਾਬਕ 2016 'ਚ ਜਾਰੀ ਕੀਤੇ ਗਏ 500 ਰੁਪਏ ਦੇ ਨਵੇਂ ਨੋਟ 'ਚ ਜਾਲੀ ਨੋਟਾਂ ਦੀ ਗਿਣਤੀ 2018-19 'ਚ ਪਿਛਲੇ ਸਾਲ ਦੇ ਮੁਕਾਬਲੇ 121 ਫੀਸਦੀ ਵਧ ਗਈ ਜਦੋਂਕਿ 2,000 ਦੇ ਨਵੇਂ ਨੋਟ 'ਚ ਨਕਲੀ ਨੋਟਾਂ ਦੀ ਗਿਣਤੀ 'ਚ 22 ਫੀਸਦੀ ਵਾਧਾ ਹੋਇਆ। ਰਿਜ਼ਰਵ ਬੈਂਕ ਨੇ ਨਵੰਬਰ 2016 ਦੇ ਬਾਅਦ 500 ਅਤੇ 2,000 ਰੁਪਏ ਦੇ ਨਵੇਂ ਨੋਟ 'ਚ ਨਕਲੀ ਨੋਟਾਂ ਦੀ ਗਿਣਤੀ 'ਚ 22 ਫੀਸਦੀ ਵਾਧਾ ਹੋਇਆ ਹੈ। ਰਿਜ਼ਰਵ ਬੈਂਕ ਨੇ ਨਵੰਬਰ 2016 ਦੇ ਬਾਅਦ 500 ਅਤੇ 2,000 ਰੁਪਏ ਦੇ ਨਵੇਂ ਕਰੰਸੀ ਨੋਟ ਜਾਰੀ ਕੀਤੇ ਸਨ। ਇਨ੍ਹਾਂ ਨੋਟਾਂ ਨੂੰ ਸੁਰੱਖਿਆ ਦੇ ਲਿਹਾਜ਼ ਤੋਂ ਜ਼ਿਆਦਾ ਸੁਰੱਖਿਅਤ ਦੱਸਿਆ ਗਿਆ ਸੀ। ਸੂਤਰਾਂ ਮੁਤਾਬਕ ਬੈਠਕ 'ਚ ਗ੍ਰਹਿ ਸਕੱਤਰ, ਵਿੱਤ ਸਕੱਤਰ, ਰਿਜ਼ਰਵ ਬੈਂਕ ਦੇ ਡਿਪਟੀ ਗਵਰਨਰ, ਖੁਫੀਆ ਏਜੰਸੀਆਂ ਦੇ ਸਾਬਕਾ ਅਧਿਕਾਰੀ ਹਾਜ਼ਿਰ ਸਨ।