ਨਿਲੇਕਣਿ ਨੇ ਸੰਭਾਲੀ ਇਨਫੋਸਿਸ ਦੀ ਕਮਾਨ, ਕੰਪਨੀ ''ਚ ਸਥਿਰਤਾ ਲਿਆਉਣ ''ਤੇ ਦੇਣਗੇ ਧਿਆਨ

ਨਵੀਂ ਦਿੱਲੀ—ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਸੂਚਨਾ ਤਕਨੀਕੀ (ਆਈ.ਟੀ.) ਕੰਪਨੀ ਇੰਫੋਸਿਸ ਦੇ ਗੈਰ ਕਾਰਜਕਾਰੀ ਚੇਅਰਮੈਨ ਬਣਾਏ ਗਏ ਨੰਦਨ ਨਿਲੇਕਣਿ ਨੇ ਕਿਹਾ ਕਿ ਉਹ ਕੰਪਨੀ ਵਿੱਚ ਸਥਿਰਤਾ ਲਿਆਉਣ ਉੱਤੇ ਧਿਆਨ ਦੇਣਗੇ ਅਤੇ ਇਹ ਯਕੀਨੀ ਕਰਣਗੇ ਕਿ ਕੰਪਨੀ ਦੇ ਅੰਦਰ ਕੋਈ ਮਨ ਮੁਟਾਵ ਨਹੀਂ ਹੋਵੇ। ਉਨ੍ਹਾਂ ਨੂੰ ਪਿਛਲੀ ਰਾਤ ਹੀ ਇਹ ਅਹੁਦਾ ਦਿੱਤਾ ਗਿਆ ਹੈ।
ਇੰਫੋਸਿਸ ਦੇ ਸੰਚਾਲਨ ਦੀ ਜ਼ਿੰਮੇਦਾਰੀ ਮਿਲਣ ਦੇ ਕੁੱਝ ਹੀ ਘੰਟੇ ਬਾਅਦ ਨਿਲੇਕਣਿ ਹੁਣ ਤੱਕ ਹੋਈ ਨੁਕਸਾਨ ਦੀ ਭਰਪਾਈ ਕਰਨ 'ਚ ਜੁੱਟ ਗਏ ਤਾਂਕਿ ਨਿਵੇਸ਼ਕਾਂ ਦਾ ਭਰੋਸਾ ਬਣਾ ਰਹੇ। ਕੰਪਨੀ ਦੇ ਸੰਚਾਲਨ ਵਿੱਚ ਬੇਕਾਇਦਗੀ ਦੇ ਦੋਸ਼ਾਂ ਦੇ ਕਾਰਨ ਸੰਸਥਾਪਕਾਂ ਅਤੇ ਪ੍ਰਬੰਧਨ ਵਿੱਚ ਚੱਲ ਰਹੇ ਮਨ ਮੁਟਾਵ ਦੇ ਚਲਦੇ ਇੰਫੋਸਿਸ ਪਿਛਲੇ ਕੁਝ ਮਹੀਨੇ ਤੋਂ ਸੰਕਟ ਵਿੱਚ ਘਿਰੀ ਹੋਈ ਹੈ। ਹਾਲਾਂਕਿ ਇੰਫੋਸਿਸ ਦੇ ਨਿਦੇਸ਼ਕ ਮੰਡਲ ਵਿੱਚ ਵੀ ਵੀਰਵਾਰ ਰਾਤ ਨੂੰ ਬਦਲਾਅ ਕੀਤਾ ਗਿਆ ਹਨ। ਚੇਅਰਮੈਨ ਆਰ ਸ਼ੇਸ਼ਾਸਾਈ ਨਾਲ ਦੋ ਹੋਰ ਲੋਕ ਆਜ਼ਾਦ ਨਿਦੇਸ਼ਕ ਅਹੁਦੇ ਤੋਂ ਹਟਾ ਦਿੱਤੇ ਗਏ ਹਨ। ਉਪ-ਪ੍ਰਧਾਨ ਰਵੀ ਵੇਂਕਟੇਸ਼ਨ ਨੂੰ ਆਜ਼ਾਦ ਨਿਦੇਸ਼ਕ ਬਣਾ ਦਿੱਤਾ ਗਿਆ ਹੈ।