ਚੌਥੀ ਤਿਮਾਹੀ ''ਚ LIC ਦੇ ਪੋਰਟਫੋਲੀਓ ਨੂੰ ਲੱਗਾ 1.8 ਲੱਖ ਕਰੋੜ ਰੁਪਏ ਦਾ ਝਟਕਾ
06/04/2020 9:06:08 AM
ਮੁੰਬਈ : 31 ਮਾਰਚ ਨੂੰ ਖਤਮ ਹੋਈ ਤਿਮਾਹੀ 'ਚ ਦੇਸ਼ ਦੀ ਸਭ ਤੋਂ ਵੱਡੀ ਬੀਮਾ ਕੰਪਨੀ ਭਾਰਤੀ ਜੀਵਨ ਬੀਮਾ ਨਿਗਮ (ਐੱਲ. ਆਈ. ਸੀ.) ਦੀ ਹਿੱਸੇਦਾਰੀ ਭਾਰਤੀ ਸ਼ੇਅਰ ਬਾਜ਼ਾਰ ਦੀਆਂ ਸੂਚੀਬੱਧ ਕੰਪਨੀਆਂ 'ਚ 3.88 ਫੀਸਦੀ ਤੱਕ ਫਿਸਲ ਗਈ ਹੈ। ਇਹ ਆਪਣੇ ਆਪ 'ਚ ਨਵਾਂ ਰਿਕਾਰਡ ਹੇਠਲਾ ਪੱਧਰ ਹੈ। ਨਾਲ ਹੀ ਫਰੀ-ਫਲੋਟ ਆਧਾਰ 'ਤੇ ਐੱਲ. ਆਈ. ਸੀ. ਦੀ ਹਿੱਸੇਦਾਰੀ ਭਾਰਤੀ ਕੰਪਨੀਆਂ 'ਚ 7.85 ਫੀਸਦੀ ਤੱਕ ਰਿਕਾਰਡ ਹੇਠਲੇ ਪੱਧਰ ਤੱਕ ਪਹੁੰਚ ਗਈ। ਬੀਤੀ ਤਿਮਾਹੀ 'ਚ ਕੋਰੋਨਾ ਵਾਇਰਸ ਮਹਾਮਾਰੀ ਦੀ ਵਜ੍ਹਾ ਨਾਲ ਬਾਜ਼ਾਰ 'ਚ ਪਸਰੀ ਬਿਕਵਾਲੀ ਕਾਰਨ ਇਸ ਬੀਮਾ ਦਿੱਗਜ ਦੇ ਪੋਰਟਫੋਲੀਓ ਦੀ ਵੈਲਿਊ 1.8 ਲੱਖ ਕਰੋੜ ਰੁਪਏ ਘੱਟ ਗਈ, ਜੋ ਇਸ ਲਈ ਇਕ ਵੱਡਾ ਝਟਕਾ ਹੈ।
ਕਈ ਸਰਕਾਰੀ ਅਤੇ ਕਰਜ਼ੇ 'ਚ ਡੁੱਬੀਆਂ ਕੰਪਨੀਆਂ 'ਚ ਨਿਵੇਸ਼ ਦਾ ਮਾੜਾ ਅਸਰ
ਐੱਨ. ਐੱਸ. ਈ. ਇਨਫੋ ਬੇਸ ਡਾਟ ਕਾਮ ਅਨੁਸਾਰ ਇਸ ਸਰਕਾਰੀ ਬੀਮਾ ਦਿੱਗਜ ਦੇ ਪੋਰਟਫੋਲੀਓ ਦੀ ਵੈਲਿਊ 31 ਮਾਰਚ 2020 ਨੂੰ 4.24 ਲੱਖ ਕਰੋੜ ਰੁਪਏ ਰਹਿ ਗਈ, ਜੋ 31 ਦਸੰਬਰ 2019 ਨੂੰ 6.04 ਲੱਖ ਕਰੋੜ ਰੁਪਏ ਸੀ । 30 ਜੂਨ 2012 ਨੂੰ ਇਸ ਬੀਮਾ ਕੰਪਨੀ ਕੋਲ ਤਮਾਮ ਸੂਚੀਬੱਧ ਘਰੇਲੂ ਕੰਪਨੀਆਂ ਦੀ 5 ਫੀਸਦੀ ਦੀ ਟਾਪ ਹਿੱਸੇਦਾਰੀ ਸੀ। ਕਈ ਸਰਕਾਰੀ ਅਤੇ ਕਰਜ਼ੇ 'ਚ ਡੁੱਬੀਆਂ ਕੰਪਨੀਆਂ 'ਚ ਨਿਵੇਸ਼ ਦਾ ਮਾੜਾ ਅਸਰ ਐੱਲ. ਆਈ. ਸੀ. ਦੇ ਪੋਰਟਫੋਲੀਓ 'ਤੇ ਪਿਆ ਹੈ। ਇਸ ਬੀਮਾ ਦਿੱਗਜ ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਸਭ ਤੋਂ ਪ੍ਰਭਾਵਸ਼ਾਲੀ ਕਾਂਟਰਾ ਨਿਵੇਸ਼ਕ ਮੰਨਿਆ ਜਾਂਦਾ ਹੈ ਪਰ ਬੀਤੇ ਕੁੱਝ ਸਾਲਾਂ 'ਚ ਲਗਾਤਾਰ ਵੱਧ ਰਹੇ ਇਕਵਿਟੀ ਨਿਵੇਸ਼ ਕਾਰਨ ਮਿਊਚੁਅਲ ਫੰਡਾਂ ਨੇ ਇਸ ਦੀ ਜਗ੍ਹਾ ਨੂੰ ਹਿਲਾਇਆ ਹੈ।
ਪੋਰਟਫੋਲੀਓ 'ਚ ਸ਼ਾਮਲ ਕੰਪਨੀਆਂ 'ਚ ਵੱਡੀ ਗਿਰਾਵਟ
ਪ੍ਰਾਈਸ ਡਾਟਾਬੇਸ ਦੇ ਐੱਮ. ਡੀ. ਪ੍ਰਣਵ ਹਲਦੀਆ ਨੇ ਕਿਹਾ ਕਿ ਕੋਰੋਨਾ ਮਹਾਮਾਰੀ ਦੀ ਵਜ੍ਹਾ ਨਾਲ ਬਾਜ਼ਾਰ 'ਚ ਬਿਕਵਾਲੀ ਹਾਵੀ ਹੋਈ। ਐੱਲ. ਆਈ. ਸੀ. ਦੇ ਪੋਰਟਫੋਲੀਓ 'ਚ ਸ਼ਾਮਲ ਕੰਪਨੀਆਂ 'ਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਪਰ ਮਿਊਚੁਅਲ ਫੰਡਾਂ ਅਤੇ ਵਿਦੇਸ਼ੀ ਨਿਵੇਸ਼ਕਾਂ ਨੂੰ ਪੋਰਟਫੋਲੀਓ ਦੀ ਬਿਹਤਰ ਕੁਆਲਿਟੀ ਦੀ ਵਜ੍ਹਾ ਨਾਲ ਇੰਨੀ ਵੱਡੀ ਗਿਰਾਵਟ ਨਹੀਂ ਵੇਖਣੀ ਪਈ।
ਐੱਲ. ਆਈ. ਸੀ. ਕੋਲ ਟਾਟਾ ਮੋਟਰਸ, ਟਾਟਾ ਕੈਮੀਕਲਜ਼, ਇੰਡੀਆਬੁਲਸ ਹਾਊਸਿੰਗ, ਐਡਲਵਾਈਜ਼ ਫਾਈਨਾਂਸ਼ੀਅਲ, ਜੀ. ਆਈ. ਸੀ. ਹਾਊਸਿੰਗ, ਕੇਨਰਾ ਬੈਂਕ, ਫਿਊਚਰ ਗਰੁੱਪ ਅਤੇ ਹਵਾ ਅੰਬਾਨੀ ਦੀਆਂ ਕੰਪਨੀਆਂ ਦੀ ਵੱਡੀ ਹਿੱਸੇਦਾਰੀ ਹੈ, ਜਿਨ੍ਹਾਂ ਨੇ ਮਾਰਚ ਤਿਮਾਹੀ 'ਚ 50 ਤੋਂ 70 ਫੀਸਦੀ ਤੱਕ ਦਾ ਗੋਤਾ ਲਾਇਆ।
ਇਸ ਸਾਲ ਐੱਲ. ਆਈ. ਸੀ. ਨੂੰ ਲਿਸਟ ਕਰਵਾਉਣ ਦਾ ਫੈਸਲਾ
ਸਰਕਾਰ ਨੇ ਇਸ ਸਾਲ ਐੱਲ. ਆਈ. ਸੀ. ਨੂੰ ਲਿਸਟ ਕਰਵਾਉਣ ਦਾ ਫੈਸਲਾ ਕੀਤਾ ਹੈ ਪਰ ਕਈ ਖਬਰਾਂ ਅਨੁਸਾਰ ਇਸ ਯੋਜਨਾ ਨੂੰ ਟਾਲਿਆ ਜਾ ਸਕਦਾ ਹੈ । ਸੁਤੰਤਤਰ ਵੈਲਿਊਏਸ਼ਨ ਫਰਮ ਆਰ. ਬੀ. ਐੱਸ., ਐਡਵਾਈਜ਼ਰਜ਼ ਅਨੁਸਾਰ ਇਸ ਬੀਮਾ ਕੰਪਨੀ ਦੀ ਵੈਲਿਊਏਸ਼ਨ 9.9 ਲੱਖ ਕਰੋੜ ਤੋਂ 11.5 ਲੱਖ ਕਰੋੜ ਰੁਪਏ 'ਚ ਲਾਈ ਜਾ ਰਹੀ ਹੈ।
