IRCTC ਨੇ ਜਾਰੀ ਕੀਤਾ WhatsApp ਚੈਟਬੋਟ ਨੰਬਰ , PNR ਲਾਈਵ ਟ੍ਰੇਨ ਵੇਰਵੇ ਹੋਣਗੇ ਉਪਲਬਧ
10/04/2022 2:45:06 PM
ਪਠਾਨਕੋਟ : ਤਿਉਹਾਰੀ ਸੀਜ਼ਨ ਨੂੰ ਧਿਆਨ 'ਚ ਰੱਖਦੇ ਹੋਏ ਯਾਤਰੀਆਂ ਨੂੰ ਬਿਹਤਰ ਸੁਵਿਧਾ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ IRCTC ਨੇ ਵਟਸਐਪ ਚੈਟਬੋਟ ਨੰਬਰ ਜਾਰੀ ਕੀਤਾ ਹੈ ਜਿਸ ਰਾਹੀਂ ਯਾਤਰੀ ਵਟਸਐਪ 'ਤੇ ਆਪਣੇ ਪੀ.ਐੱਨ.ਆਰ. ਸਟੇਟਸ ਅਤੇ ਰੀਅਲ ਟਾਈਮ ਟ੍ਰੇਨ ਦੇ ਵੇਰਵੇ ਨੂੰ ਟਰੈਕ ਕਰ ਸਕਦੇ ਹਨ। ਇਹ ਨਵੀਂ ਵਿਸ਼ੇਸ਼ਤਾ ਮੁੰਬਈ ਸਥਿਤ ਸਟਾਰਟ-ਅੱਪ-ਰੇਲੋਫੀ ਦੁਆਰਾ ਪੇਸ਼ ਕੀਤੀ ਗਈ ਹੈ। ਇਹ ਯਾਤਰੀਆਂ ਨੂੰ ਸਿਰਫ਼ ਇੱਕ ਟੈਪ ਨਾਲ ਵਟਸਐਪ 'ਤੇ ਸਿੱਧੇ ਆਪਣੀ ਯਾਤਰਾ ਨੂੰ ਟਰੈਕ ਕਰਨ ਦੀ ਇਜਾਜ਼ਤ ਦਿੰਦਾ ਹੈ।
ਇਹ ਵਿਸ਼ੇਸ਼ਤਾ ਰੇਲਗੱਡੀ ਦੀ ਸਥਿਤੀ ਜਾਂ ਹੋਰ ਵੇਰਵਿਆਂ ਨੂੰ ਟਰੈਕ ਕਰਨ ਲਈ ਹੈ। ਵਟਸਐਪ ਚੈਟਬੋਟ ਦੀ ਵਰਤੋਂ ਪੀ.ਐੱਨ.ਆਰ.ਸਥਿਤੀ ਲਾਈਵ, ਰੇਲਗੱਡੀ ਸਥਿਤੀ, ਪਿਛਲੇ ਰੇਲਵੇ ਸਟੇਸ਼ਨ ਦੇ ਵੇਰਵੇ, ਆਉਣ ਵਾਲੇ ਸਟੇਸ਼ਨਾਂ ਅਤੇ ਹੋਰ ਰੇਲ ਯਾਤਰਾ ਦੇ ਵੇਰਵੇ ਪ੍ਰਾਪਤ ਕਰਨ ਲਈ ਕੀਤੀ ਜਾਂਦੀ ਹੈ। ਇਸਦੇ ਲਈ, ਤੁਹਾਨੂੰ ਚੈਟਬੋਟ ਵਿੱਚ ਇੱਕ 10-ਅੰਕ ਦਾ PNR ਨੰਬਰ ਦਾਖਲ ਕਰਨਾ ਹੋਵੇਗਾ ਅਤੇ ਤੁਹਾਨੂੰ ਸਾਰੀ ਜਾਣਕਾਰੀ ਮਿਲ ਜਾਵੇਗੀ। ਤੁਸੀਂ ਟ੍ਰੇਨ ਦੀ ਸਥਿਤੀ ਲਈ 139 ਵੀ ਡਾਇਲ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ : ਹਫ਼ਤੇ ਵਿੱਚ 4 ਕੰਮਕਾਜੀ ਦਿਨਾਂ ਤੋਂ ਵੱਡਾ ਬਦਲਾਅ ਲੋਕ ਬਾਹਰ ਜਾਣ ਦੀ ਬਜਾਏ ਸੌਣ ਲਈ ਕਰ ਰਹੇ ਵਾਧੂ ਸਮੇਂ ਦੀ ਵਰਤੋਂ
ਇਸ ਐਪ ਰਾਹੀਂ ਯਾਤਰੀ ਰੇਲਗੱਡੀ 'ਚ ਸਫ਼ਰ ਕਰਦੇ ਸਮੇਂ ਆਪਣਾ ਭੋਜਨ ਵੀ ਆਰਡਰ ਕਰ ਸਕਦੇ ਹਨ। ਯਾਤਰੀ ਆਈ.ਆਰ.ਸੀ.ਟੀ.ਸੀ ਐਪ ਜ਼ੂਪ ਦੀ ਵਰਤੋਂ ਕਰਕੇ ਭੋਜਨ ਆਨਲਾਈਨ ਆਰਡਰ ਕਰ ਸਕਦੇ ਹਨ। Zoop ਦੀ ਵਰਤੋਂ ਕਰਕੇ ਔਨਲਾਈਨ ਭੋਜਨ ਆਰਡਰ ਕਰਨ ਲਈ, ਕੋਈ ਵੀ WhatsApp ਚੈਟਬੋਟ ਨੰਬਰ +91 7042062070 ਦੀ ਵਰਤੋਂ ਕਰ ਸਕਦਾ ਹੈ। ਰੇਲਵੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਤਿਉਹਾਰਾਂ ਦੇ ਸੀਜ਼ਨ ਦੇ ਮੱਦੇਨਜ਼ਰ ਰੇਲਵੇ ਪ੍ਰਤੀ ਯਾਤਰੀਆਂ ਦੀ ਸਹੂਲਤ ਦੇ ਮੱਦੇਨਜ਼ਰ ਵਟਸਐਪ ਚੈਟਬੋਟ ਸ਼ੁਰੂ ਕੀਤਾ ਗਿਆ ਹੈ।
ਕਿਵੇਂ ਜਾਣ ਸਕਦੇ ਹੋ ਵਟਸਐਪ 'ਤੇ ਪੀ.ਐੱਨ.ਆਰ. ਸਥਿਤੀ ਅਤੇ ਲਾਈਵ ਟ੍ਰੇਨ ਸਥਿਤੀ
ਸਭ ਤੋਂ ਪਹਿਲਾਂ Relofi ਦੇ WhatsApp ਚੈਟਬੋਟ ਨੰਬਰ +91-9881193322 ਨੂੰ ਆਪਣੇ ਫੋਨ ਸੰਪਰਕਾਂ ਵਿੱਚ ਸੇਵ ਕਰੋ। WhatsApp ਐਪਲੀਕੇਸ਼ਨ ਨੂੰ ਅਪਡੇਟ ਕਰੋ। ਇਸ ਤੋਂ ਬਾਅਦ ਵਟਸਐਪ ਖੋਲ੍ਹੋ ਅਤੇ ਆਪਣੀ ਸੰਪਰਕ ਸੂਚੀ ਨੂੰ ਤਾਜ਼ਾ ਕਰੋ। ਫਿਰ Railofy ਦੀ ਚੈਟ ਵਿੰਡੋ ਨੂੰ ਖੋਜੋ ਅਤੇ ਖੋਲ੍ਹੋ। ਇਸ ਤੋਂ ਬਾਅਦ ਆਪਣਾ 10 ਅੰਕਾਂ ਦਾ PNR ਨੰਬਰ ਦਰਜ ਕਰੋ ਅਤੇ ਇਸਨੂੰ WhatsApp ਚੈਟ ਵਿੱਚ ਭੇਜੋ। Railofy ਚੈਟਬੋਟ ਤੁਹਾਨੂੰ ਤੁਹਾਡੀ ਰੇਲ ਯਾਤਰਾ ਬਾਰੇ ਸਾਰੇ ਵੇਰਵੇ ਭੇਜੇਗਾ ਜਿਸ ਵਿੱਚ ਅਲਰਟ ਅਤੇ ਰੀਅਲ-ਟਾਈਮ ਅੱਪਡੇਟ ਸ਼ਾਮਲ ਹਨ।