ਪੱਛਮੀ ਏਸ਼ੀਆ ''ਚ ਤਣਾਅ ਨਾਲ ਸੋਨਾ 42,300 ਦੇ ਪਾਰ

ਨਵੀਂ ਦਿੱਲੀ—ਪੱਛਮੀ ਏਸ਼ੀਆ 'ਚ ਤਣਾਅ ਵਧਣ ਨਾਲ ਵਿਦੇਸ਼ਾਂ 'ਚ ਪੀਲੀ ਧਾਤੂ 1,600 ਡਾਲਰ ਪ੍ਰਤੀ ਔਂਸ ਦੇ ਪਾਰ ਪਹੁੰਚ ਗਈ ਹੈ। ਇਸ ਨਾਲ ਦਿੱਲੀ ਸਰਾਫਾ ਬਾਜ਼ਾਰ 'ਚ ਇਸ ਦੇ ਭਾਅ 530 ਰੁਪਏ ਵਧ ਕੇ 42,330 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਪਹੁੰਚ ਗਈ। ਚਾਂਦੀ ਵੀ 760 ਰੁਪਏ ਉਛਲ ਕੇ ਚਾਰ ਮਹੀਨੇ ਤੋਂ ਜ਼ਿਆਦਾ ਦੇ ਸਭ ਤੋਂ ਉੱਚੇ ਪੱਧਰ 49,560 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਭਾਅ ਰਿਹਾ। ਈਰਾਨ ਨੇ ਅੱਜ ਸਵੇਰੇ ਇਰਾਕ ਸਥਿਤੀ ਅਮਰੀਕੀ ਫੌਜੀ ਬਲਾਂ ਅਤੇ ਅਮਰੀਕੀ ਬੇਸ 'ਚੇ ਮਿਜ਼ਾਈਲ ਹਮਲਾ ਕੀਤਾ। ਇਸ ਨਾਲ ਨਿਵੇਸ਼ਕਾਂ ਨੇ ਪੂੰਜੀ ਬਾਜ਼ਾਰ 'ਚ ਖਤਰਾ ਉਠਾਉਣ ਦਾ ਬਜਾਏ ਸੁਰੱਖਿਆ ਨਿਵੇਸ਼ ਮੰਨੀ ਜਾਣ ਵਾਲੀ ਪੀਲੀ ਧਾਤੂ ਦਾ ਰੁਖ ਕੀਤਾ। ਅਮਰੀਕਾ ਅਤੇ ਈਰਾਨ ਦੇ ਵਿਚਕਾਰ ਤਣਾਅ ਦੀ ਸ਼ੁਰੂਆਤ ਨਾਲ ਹੀ ਸਥਾਨਕ ਬਾਜ਼ਾਰ 'ਚ ਵੀ ਦੋਹਾਂ ਕੀਮਤੀ ਧਾਤੂਆਂ 'ਚ ਜ਼ਬਰਦਸਤ ਤੇਜ਼ੀ ਦੇਖੀ ਜਾ ਰਹੀ ਹੈ। ਇਸ ਸਾਲ 2 ਜਨਵਰੀ ਦੇ ਬਾਅਦ ਤੋਂ ਪੰਜ ਕਾਰੋਬਾਰੀ ਦਿਨ 'ਚ ਸੋਨਾ 1,980 ਰੁਪਏ ਪ੍ਰਤੀ ਦਸ ਗ੍ਰਾਮ ਅਤੇ ਚਾਂਦੀ 1,910 ਰੁਪਏ ਪ੍ਰਤੀ ਕਿਲੋਗ੍ਰਾਮ ਮਹਿੰਗੀ ਹੋ ਚੁੱਕੀ ਹੈ। ਕੌਮਾਂਤਰੀ ਬਾਜ਼ਾਰ 'ਚ ਅੱਜ ਸੋਨਾ ਹਾਜ਼ਿਰ ਇਕ ਸਮੇਂ 1,610.90 ਡਾਲਰ ਪ੍ਰਤੀ ਔਂਸ 'ਤੇ ਇਹ ਕਰੀਬ 20 ਡਾਲਰ ਦੇ ਵਾਧੇ ਨਾਲ 1,593.76 ਡਾਲਰ ਪ੍ਰਤੀ ਔਂਸ 'ਤੇ ਰਿਹਾ। ਫਰਵਰੀ ਦਾ ਅਮਰੀਕੀ ਸੋਨਾ ਵਾਇਦਾ 16 ਡਾਲਰ ਦੀ ਤੇਜ਼ੀ ਨਾਲ 1,590 ਡਾਲਰ ਪ੍ਰਤੀ ਔਂਸ ਬੋਲਿਆ ਗਿਆ। ਚਾਂਦੀ ਹਾਜ਼ਿਰ 0.03 ਡਾਲਰ ਚੜ੍ਹ ਕੇ 18.57 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ।