ਗਲੋਬਲ IT ਸੇਵਾ ਕੰਪਨੀ ਐਕਸੇਂਚਰ ਨੇ 19,000 ਕਰਮਚਾਰੀਆਂ ਨੂੰ ਕੱਢਿਆ
03/24/2023 10:30:25 AM
ਨਵੀਂ ਦਿੱਲੀ–ਭਾਰਤ ’ਚ ਵੱਡੀ ਹਾਜ਼ਰੀ ਵਾਲੇ ਗਲੋਬਲ ਆਈ. ਟੀ. ਸੇਵਾ ਫਰਮ ਐਕਸੇਂਚਰ ਨੇ ਅੱਜ ਚੁਣੌਤੀਪੂਰਣ ਗਲੋਬਲ ਮੈਕਰੋ-ਆਰਥਿਕ ਹਾਲਾਤਾਂ ਅਤੇ ਹੌਲੀ ਮਾਲੀਆ ਵਾਧੇ ਦਰਮਿਆਨ ਲਗਭਗ 19,000 ਕਰਮਚਾਰੀਆਂ ਨੂੰ ਕੱਢਣ ਦਾ ਐਲਾਨ ਕੀਤਾ। ਵਿੱਤੀ ਸਾਲ 2023 ਦੀ ਦੂਜੀ ਤਿਮਾਹੀ ਲਈ ਆਪਣੇ ਤਿਮਾਹੀ ਨਤੀਜੇ ਦਿੰਦੇ ਹੋਏ ਕੰਪਨੀ ਨੇ ਆਪਣੇ ਸਾਲਾਨਾ ਮਾਲੀਏ ਵਾਧੇ ਅਤੇ ਲਾਭ ਦੇ ਅਨੁਮਾਨਾਂ ਨੂੰ ਵੀ ਘਟਾ ਦਿੱਤਾ।
ਇਹ ਵੀ ਪੜ੍ਹੋ-Hurun Rich List : ਇੰਨੀ ਅਮੀਰ ਹੋ ਗਈ ਬਿਗ ਬੁਲ ਰਾਕੇਸ਼ ਝੁਨਝੁਨਵਾਲਾ ਦੀ ਪਤਨੀ, ਕਈ ਅਰਬਪਤੀ ਛੱਡੇ ਪਿੱਛੇ
ਐਕਸਚੇਂਚਰ ਦੀ ਮੁਖੀ ਅਤੇ ਸੀ. ਈ. ਓ. ਜੂਲੀ ਸਵੀਟ ਨੇ ਕਿਹਾ ਕਿ ਅਸੀਂ ਵਿੱਤੀ ਸਾਲ 2024 ਅਤੇ ਉਸ ਤੋਂ ਬਾਅਦ ਵੀ ਆਪਣੀ ਲਾਗਤ ਨੂੰ ਘੱਟ ਕਰਨ ਲਈ ਕਦਮ ਉਠਾ ਰਹੇ ਹਾਂ ਜਦ ਕਿ ਅੱਗੇ ਦੇ ਅਹਿਮ ਵਿਕਾਸ ਮੌਕਿਆਂ ਦਾ ਲਾਭ ਉਠਾਉਣ ਲਈ ਆਪਣੇ ਕਾਰੋਬਾਰ ਅਤੇ ਆਪਣੇ ਲੋਕਾਂ ’ਚ ਨਿਵੇਸ਼ ਕਰਨਾ ਜਾਰੀ ਰੱਖਾਂਗੇ। ਕੰਪਨੀ ਨੇ ਕਿਹਾ ਕਿ ਉਸ ਦਾ ਮਾਲੀਆ ਅਮਰੀਕੀ ਡਾਲਰ ’ਚ 5 ਫ਼ੀਸਦੀ ਦੇ ਵਾਧੇ ਨਾਲ 15.8 ਅਰਬ ਡਾਲਰ ਸੀ। ਨਵੀਂ ਬੁਕਿੰਗ 22.1 ਅਰਬ ਡਾਲਰ ਸੀ ਜੋ 13 ਫ਼ੀਸਦੀ ਦਾ ਵਾਧਾ ਸੀ।
ਇਹ ਵੀ ਪੜ੍ਹੋ-ਦੁਬਈ ਤੋਂ ਮੁੰਬਈ ਆ ਰਹੇ ਜਹਾਜ਼ 'ਚ ਸ਼ਰਾਬ ਪੀਣ ਮਗਰੋਂ ਹੰਗਾਮਾ ਕਰਨ 'ਤੇ 2 ਯਾਤਰੀ ਗ੍ਰਿਫ਼ਤਾਰ
ਵਿੱਤੀ ਸਾਲ 2023 ਦੀ ਦੂਜੀ ਤਿਮਾਹੀ ਦੇ ਦੌਰਾਨ ਐਕਸਚੇਂਚਰ ਨੇ ਖਰਚਿਆਂ ਨੂੰ ਘਟਾਉਣ ਲਈ ਕੰਮਕਾਜ ਨੂੰ ਸੁਚਾਰੂ ਬਣਾਉਣ, ਗੈਰ-ਬਿੱਲ ਯੋਗ ਕਾਰਪੋਰੇਟ ਫੰਕਸ਼ਨਾਂ ਨੂੰ ਤਬਦੀਲ ਕਰਨ ਅਤੇ ਦਫਤਰੀ ਥਾਂ ਨੂੰ ਮਜ਼ਬੂਤ ਕਰਨ ਲਈ ਕਾਰਵਾਈਆਂ ਸ਼ੁਰੂ ਕੀਤੀਆਂ। ਕੰਪਨੀ ਨੇ ਦੂਜੀ ਤਿਮਾਹੀ ਦੌਰਾਨ ਕਾਰੋਬਾਰ ਅਨੁਕੂਲ ਲਾਗਤ ’ਚ 244 ਮਿਲੀਅਨ ਡਾਲਰ ਦਰਜ ਕੀਤੇ ਅਤੇ ਵਿੱਤੀ ਸਾਲ 2024 ਤੱਕ ਲਗਭਗ 1.5 ਅਰਬ ਡਾਲਰ ਦੀ ਕੁੱਲ ਲਾਗਤ ਰਿਕਾਰਡ ਕਰਨ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ-ਵੋਟਰ ID ਕਾਰਡ ਨਾਲ ਆਧਾਰ ਲਿੰਕ ਕਰਨ ਦਾ ਇੱਕ ਹੋਰ ਮੌਕਾ, ਕੇਂਦਰ ਨੇ ਵਧਾਈ ਸਮਾਂ ਸੀਮਾ
ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।