ਯੈੱਸ ਬੈਂਕ 'ਤੇ ਵਿੱਤ ਮੰਤਰੀ ਦਾ ਬਿਆਨ ਨਹੀਂ ਡੁੱਬੇਗਾ ਕਿਸੇ ਦਾ ਪੈਸਾ

ਨਵੀਂ ਦਿੱਲੀ—ਦੇਸ਼ ਦੇ ਪ੍ਰਾਈਵੇਟ ਸੈਕਟਰ ਦੇ ਯੈੱਸ ਬੈਂਕ ਨੂੰ ਲੈ ਕੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਕਿਸੇ ਦਾ ਪੈਸਾ ਨਹੀਂ ਡੁੱਬੇਗਾ | ਉਨ੍ਹਾਂ ਕਿਹਾ ਕਿ ਲਗਾਤਾਰ ਆਰ.ਬੀ.ਆਈ. ਦੇ ਟਚ 'ਚ ਬਣੀ ਹੋਈ ਹੈ | ਆਰ.ਬੀ.ਆਈ. ਗਵਰਨਰ ਤੁਰੰਤ ਰਜਿਲਿਊਸ਼ਨ ਪਲਾਨ ਲਿਆਉਣ 'ਤੇ ਕੰਮ ਕਰ ਰਹੇ ਹਨ ਪਰ ਫਿਲਹਾਲ ਇਸ ਦੀ ਡਿਟੇਲਸ ਨਹੀਂ ਦੇ ਸਕਦੇ | ਉਨ੍ਹਾਂ ਨੇ ਕਿਹਾ ਕਿ ਇਹ ਕਦਮ ਡਿਪਾਜ਼ਿਟਰਾਂ ਦੇ ਹਿੱਤ 'ਚ ਚੁੱਕਿਆ ਗਿਆ ਹੈ |
ਯੈੱਸ ਬੈਂਕ ਮਾਮਲੇ ਨੂੰ ਲੈ ਕੇ ਐੱਸ.ਬੀ.ਆਈ. ਦੇ ਚੇਅਰਮੈਨ ਰਜਨੀਸ਼ ਕੁਮਾਰ ਨੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨਾਲ ਮੁਲਾਕਾਤ ਕੀਤੀ ਅਤੇ ਕਿਹਾ ਕਿ ਪੈਨਿਕ ਕਰਨ ਦੀ ਲੋੜ ਨਹੀਂ ਹੈ | ਅਸੀਂ ਲੋਕ ਸਿਸਟਮ ਬਣਾ ਰਹੇ ਹਾਂ | ਗਾਹਕਾਂ ਦੇ ਜਮ੍ਹਾ ਕੀਤੇ ਹੋਏ ਪੈਸੇ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਹਨ | ਵੋਡਾਫੋਨ ਦੇ ਮੁਖੀਆ ਨੇ ਵੀ ਵਿੱਤ ਮੰਤਰੀ ਨਾਲ ਮੁਲਾਕਾਤ ਦੀ ਪਰ ਮੁਲਾਕਾਤ ਦੇ ਬਾਅਦ ਉਨ੍ਹਾਂ ਨੇ ਮੀਡੀਆ ਨਾਲ ਗੱਲ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਹੈ | 
ਵੀਰਵਾਰ ਨੂੰ ਆਰ.ਬੀ.ਆਈ. ਨੇ ਯੈੱਸ ਬੈਂਕ ਨਾਲ 50,000 ਰੁਪਏ ਤੋਂ ਜ਼ਿਆਦਾ ਰਕਮ ਕੱਢਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ | ਕੋਈ ਵੀ ਗਾਹਕ ਆਪਣੇ ਅਕਾਊਾਟ ਤੋਂ 50,000 ਤੋਂ ਜ਼ਿਆਦਾ ਰਕਮ ਨਹੀਂ ਕੱਢ ਸਕਦਾ ਹੈ | ਸਰਕਾਰ ਨੇ 5 ਮਾਰਚ ਤੋਂ 3 ਅਪ੍ਰੈਲ ਦੇ ਵਿਚਕਾਰ ਤੱਕ ਯੈੱਸ ਬੈਂਕ 'ਤੇ ਇਹ ਪਾਬੰਦੀ ਲਗਾਈ ਹੈ | ਜੇਕਰ ਕਿਸੇ ਗਾਹਕ ਦੇ ਕੋਲ 4 ਅਕਾਊਾਟ ਹਨ ਤਾਂ ਉਹ ਸਾਰੇ ਖਾਤਿਆਂ ਨੂੰ ਮਿਲਾ ਕੇ ਵੀ ਸਿਰਫ 50,000 ਰੁਪਏ ਹੀ ਕੱਢ ਸਕਦਾ ਹੈ |