ਖੇਤੀਬਾੜੀ ਉਤਪਾਦਾਂ ਦੀਆਂ ਕੀਮਤਾਂ ’ਚ ਇਸ ਸਾਲ ਤੇਜ਼ੀ ਦਾ ਅੰਦਾਜ਼ਾ

ਮੁੰਬਈ — ਖੇਤੀਬਾੜੀ ਉਤਪਾਦਾਂ ਦੀਆਂ ਕੀਮਤਾਂ ਇਸ ਸਾਲ ਔਸਤ 10-12 ਫੀਸਦੀ ਤੱਕ ਮਹਿੰਗੀਆਂ ਰਹਿਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਦੇਸ਼ ਦੇ ਕੁਝ ਇਲਾਕਿਆਂ ’ਚ ਮੀਂਹ ਬਹੁਤ ਜ਼ਿਆਦਾ ਅਤੇ ਕਈ ਇਲਾਕਿਆਂ ’ਚ ਘੱਟ ਮੀਂਹ ਕਾਰਨ ਫਸਲਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ। ਇਸ ਕਾਰਨ ਫਸਲਾਂ ਦੀ ਪੈਦਾਵਾਰ ਘੱਟ ਹੋਈ ਹੈ। ਹੁਣ ਇਸ ਦਾ ਸਿੱਧਾ ਅਸਰ ਕੀਮਤਾਂ ’ਤੇ ਪਵੇਗਾ ਅਤੇ ਖੇਤੀਬਾੜੀ ਉਤਪਾਦ ਮਹਿੰਗੇ ਹੋ ਸਕਦੇ ਹਨ। ਜਿਥੇ ਜੈਵਿਕ ਬਾਲਣ ਦੇ ਉਤਪਾਦਨ 'ਚ ਘੱਟ ਝਾੜ ਅਤੇ ਗੰਨੇ ਦੀ ਵਰਤੋਂ ਹੋਣ ਕਾਰਨ ਖੰਡ ਦੀਆਂ ਕੀਮਤਾਂ 'ਚ ਤੇਜ਼ੀ ਆਉਣ ਦੀ ਉਮੀਦ ਹੈ, ਸੋਇਆਬੀਨ, ਜੂਟ, ਝੋਨੇ ਸਮੇਤ ਹੋਰ ਫਸਲਾਂ ਦੇ ਇਸ ਸਾਲ ਫਲੈਟ ਰਹਿਣ ਦੀ ਉਮੀਦ ਹੈ। ਭਾਰਤ ਵਿਚ ਖੁਰਾਕੀ ਮੁਦਰਾਸਫਿਤੀ ਇਸ ਸਾਲ ਖੇਤੀਬਾੜੀ ਜਿਣਸਾਂ ਦੀਆਂ ਕੀਮਤਾਂ ਵਿਚ ਵਾਧੇ ਕਾਰਨ ਵੱਧਣ ਦੀ ਸੰਭਾਵਨਾ ਨਹੀਂ ਹੈ ਕਿਉਂਕਿ ਸੰਸਾਰਕ ਬਾਜ਼ਾਰ ਵਿਚ ਕੀਮਤਾਂ ਕਮਜ਼ੋਰ ਹਨ ਅਤੇ ਮਹਿੰਗਾਈ ਦੀ ਸਥਿਤੀ ਵਿਚ ਸਰਕਾਰੀ ਦਖਲਅੰਦਾਜ਼ੀ ਅਧੀਨ ਬਫਰ ਸਟਾਕ ਦੀ ਬਹੁਤਾਤ ਹੈ। ਭਾਰਤ ਦੀ ਖੁਰਾਕੀ ਮਹਿੰਗਾਈ ਪਿਛਲੇ ਕਈ ਤਿਮਾਹੀਆਂ ਤੋਂ ਹੌਲੀ ਰਹੀ ਹੈ।

ਵੀਰਵਾਰ ਨੂੰ ਇਥੇ ਆਯੋਜਿਤ ਇਕ ਪ੍ਰੋਗਰਾਮ ਵਿਚ, ਕ੍ਰਿਸਿਲ ਰਿਸਰਚ ਡਾਇਰੈਕਟਰ ਹੇਤਲ ਗਾਂਧੀ ਨੇ ਕਿਹਾ, "ਘੱਟ ਉਤਪਾਦਨ ਦੇ ਅਨੁਮਾਨਾਂ ਦੇ ਕਾਰਨ, ਇਸ ਸਾਲ ਖੇਤੀਬਾੜੀ ਜਿਣਸਾਂ ਦੀਆਂ ਕੀਮਤਾਂ ਵਿਚ 10 ਤੋਂ 12 ਪ੍ਰਤੀਸ਼ਤ ਦੇ ਵਾਧੇ ਦੀ ਉਮੀਦ ਹੈ।" ਲਗਾਤਾਰ ਤਿੰਨ ਸਾਲਾਂ ਦੇ ਵਾਧੇ ਤੋਂ ਬਾਅਦ, ਭਾਰਤ ਵਿਚ ਮੌਨਸੂਨ ਦੇ ਅਸਮਾਨ ਹੋਣ ਕਾਰਨ ਇਸ ਸੀਜ਼ਨ ਵਿਚ ਸਾਉਣੀ ਦਾ ਉਤਪਾਦਨ 3 ਤੋਂ 5 ਪ੍ਰਤੀਸ਼ਤ ਘਟਣ ਦਾ ਅਨੁਮਾਨ ਹੈ। ਇਸ ਸਾਲ ਮੌਨਸੂਨ ਦੀ ਬਾਰਸ਼ 'ਚ ਜੂਨ 'ਚ 30 ਪ੍ਰਤੀਸ਼ਤ ਦੀ ਕਮੀ ਦਰਜ ਕੀਤੀ ਗਈ ਸੀ, ਅਗਸਤ ਵਿੱਚ ਵਾਧੂ ਬਾਰਸ਼ ਦਰਜ ਕੀਤੀ ਗਈ ਸੀ। ਇਸ ਅਸਮਾਨ ਮੀਂਹ ਕਾਰਨ ਫਸਲਾਂ ਦਾ ਨੁਕਸਾਨ ਹੋਇਆ ਹੈ। ਕ੍ਰਿਸਲ ਦੁਆਰਾ ਇਕੱਤਰ ਕੀਤੇ ਅੰਕੜਿਆਂ ਵਿੱਚ ਕਿਹਾ ਗਿਆ ਹੈ ਕਿ ਮੌਜੂਦਾ ਸੀਜ਼ਨ ਵਿੱਚ ਸਾਉਣੀ ਦਾ ਕੁੱਲ ਉਤਪਾਦਨ 162.2 ਮਿਲੀਅਨ ਟਨ ਰਿਹਾ ਜੋ ਪਿਛਲੇ ਸਾਲ 17.07 ਮਿਲੀਅਨ ਟਨ ਸੀ।

ਮਾਨਸੂਨ ਦੀ ਸ਼ੁਰੂਆਤ ਤੋਂ 22 ਅਗਸਤ ਤੱਕ ਝੋਨੇ ਦੀ ਬਿਜਾਈ 6.4 ਫੀਸਦ ਦਰਜ ਕੀਤੀ ਗਈ ਸੀ। ਸਾਉਣੀ ਦੇ ਸੀਜ਼ਨ ਵਿਚ ਝੋਨੇ ਦਾ ਰਕਬਾ 30 ਪ੍ਰਤੀਸ਼ਤ ਤੋਂ ਵੱਧ ਹੈ। ਹਾਲਾਂਕਿ, ਨਰਮੇ ਅਤੇ ਮੱਕੀ ਦੀ ਬਿਜਾਈ ਅਧੀਨ ਰਕਬਾ ਪਿਛਲੇ ਸੀਜ਼ਨ ਨਾਲੋਂ ਵੱਧ ਰਹੇਗਾ, ਕਿਉਂਕਿ ਪਿਛਲੇ ਸਾਲ ਉਨ੍ਹਾਂ ਦੀਆਂ ਉੱਚ ਕੀਮਤਾਂ ਨੇ ਇਸ ਸਾਲ ਵਾਧੂ ਰਕਬੇ ਦੀ ਕਾਸ਼ਤ ਕਰਨ ਲਈ ਕਿਸਾਨਾਂ ਨੂੰ ਉਤਸ਼ਾਹਤ ਕੀਤਾ ਸੀ। ਇਸ ਦੌਰਾਨ ਮਹਾਰਾਸ਼ਟਰ, ਓਡੀਸ਼ਾ ਅਤੇ ਆਂਧਰਾ ਪ੍ਰਦੇਸ਼ ਵਿੱਚ ਹੜ੍ਹਾਂ ਅਤੇ ਪੱਛਮੀ ਬੰਗਾਲ ਅਤੇ ਮਹਾਰਾਸ਼ਟਰ ਦੇ ਮਰਾਠਵਾੜਾ ਖੇਤਰ ਵਿੱਚ ਕਮਜ਼ੋਰ ਬਾਰਸ਼ ਦੇ ਕਾਰਨ ਇਸ ਸਾਲ ਸਾਉਣੀ ਦੀਆਂ ਫਸਲਾਂ ਦੇ ਝਾੜ ਨੂੰ ਪ੍ਰਭਾਵਤ ਕੀਤੇ ਜਾਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ, ਅਗਸਤ ਵਿਚ ਵੱਧ ਬਾਰਸ਼ ਨਾਲ ਮੱਕੀ ਅਤੇ ਝੋਨੇ 'ਤੇ ਕੀਟ ਦੇ ਹਮਲੇ ਵਧਣ ਨਾਲ ਝਾੜ ਪ੍ਰਭਾਵਤ ਹੋਣ ਦੀ ਉਮੀਦ ਹੈ।  ਕ੍ਰਿਸਲ ਦੇ ਮੁੱਖ ਅਰਥ ਸ਼ਾਸਤਰੀ ਧਰਮਕਿਰਤੀ ਜੋਸ਼ੀ ਨੇ ਕਿਹਾ, “ਦੱਖਣ-ਪੱਛਮੀ ਮਾਨਸੂਨ ਵਿੱਚ ਤੇਜ਼ੀ ਦਾ ਅਰਥ ਅਗਸਤ ਵਿੱਚ ਕੁਝ ਉਪ-ਖੇਤਰਾਂ ਵਿੱਚ ਬਹੁਤ ਜ਼ਿਆਦਾ ਬਾਰਸ਼ ਹੈ। ਇਸ ਨਾਲ ਝੋਨੇ ਦੀ ਫਸਲ ਪ੍ਰਭਾਵਤ ਹੋਈ ਹੈ। ਹਾਲਾਂਕਿ, ਭਾਰੀ ਬਾਰਸ਼ ਕਾਰਨ ਹਾੜ੍ਹੀ ਦੇ ਮਜ਼ਬੂਤ ​​ਉਤਪਾਦਨ ਦੀ ਸੰਭਾਵਨਾ ਵੀ ਵਧੀ ਹੈ, ਕਿਉਂਕਿ ਧਰਤੀ ਹੇਠਲੇ ਪਾਣੀ ਦੇ ਸੋਮਿਆਂ ਵਿੱਚ ਸੁਧਾਰ ਹੋਇਆ ਹੈ ਅਤੇ ਜਲ ਭੰਡਾਰ ਦਾ ਪੱਧਰ ਵਧਿਆ ਹੈ। ' ਜੁਲਾਈ ਵਿਚ ਬਾਰਸ਼ ਤੇਜ਼ ਹੋ ਗਈ ਅਗਸਤ ਦੇ ਅੰਤ ਤੱਕ, ਕੁੱਲ ਬਾਰਸ਼ ਆਮ ਨਾਲੋਂ 1 ਪ੍ਰਤੀਸ਼ਤ ਵੱਧ ਸੀ,  6 ਸਾਲਾਂ ਵਿੱਚ ਸਭ ਤੋਂ ਵੱਧ। ਸਾਉਣੀ ਦੇ ਝਾੜ ਵਿਚ ਕਮੀ ਨਾਲ ਮੰਡੀ ਦੀਆਂ ਕੀਮਤਾਂ ਵਿਚ ਤੇਜ਼ੀ ਆਉਣ ਅਤੇ ਕਈ ਫਸਲਾਂ ਦੇ ਮੁਨਾਫਿਆਂ ਵਿਚ ਵਾਧਾ ਹੋਣ ਦੀ ਉਮੀਦ ਹੈ, ਜਿਸ ਨਾਲ ਕਿਸਾਨਾਂ ਨੂੰ ਰਾਹਤ ਮਿਲੇਗੀ।