ਆਰਥਿਕ ਮੋਰਚੇ 'ਤੇ ਵੱਡਾ ਝਟਕਾ: ਮੂਡੀਜ਼ ਨੇ ਭਾਰਤੀ ਅਰਥਵਿਵਸਥਾ ਦੀ ਘਟਾਈ ਰੇਟਿੰਗ

ਨਵੀਂ ਦਿੱਲੀ—ਕ੍ਰੈਡਿਟ ਰੇਟਿੰਗ ਏਜੰਸੀ ਮੂਡੀਜ਼ ਨੇ ਘੱਟ ਆਰਥਿਕ ਵਾਧੇ ਦਾ ਹਵਾਲਾ ਦਿੰਦੇ ਹੋਏ ਭਾਰਤ ਦੀ ਰੇਟਿੰਗ 'ਤੇ ਆਪਣਾ ਨਜ਼ਰੀਆ ਬਦਲ ਦਿੱਤਾ ਹੈ। ਭਾਰਤ ਦੀ ਸੁਸਤ ਅਰਥਵਿਵਸਥਾ ਨੂੰ ਲੈ ਕੇ ਵੱਡਾ ਅਨੁਮਾਨ ਪ੍ਰਗਟ ਕਰਦੇ ਹੋਏ ਮੂਡੀਜ਼ ਇੰਵੈਸਟਰਸ ਸਰਵਿਸ ਨੇ ਭਾਰਤ ਦੀ ਰੇਟਿੰਗ ਨੂੰ 'ਸਥਿਰ' ਤੋਂ 'ਨਾ-ਪੱ'ਖੀ' ਕਰ ਦਿੱਤਾ ਹੈ।

ਹੌਲੀ ਅਰਥਵਿਵਸਥਾ ਦਾ ਜੋਖਮ ਵਧਿਆ
ਬੀਏਏ2 ਰੇਟਿੰਗ ਦੀ ਪੁਸ਼ਟੀ ਕਰਦੇ ਹੋਏ ਮੂਡੀਜ਼ ਨੇ ਇਹ ਕਹਿੰਦੇ ਹੋਏ ਆਪਣਾ ਨਜ਼ਰੀਆ ਬਦਲਿਆ ਹੈ ਕਿ ਹੌਲੀ ਅਰਥਵਿਵਸਥਾ ਨੂੰ ਲੈ ਕੇ ਜੋਖਮ ਵਧ ਰਿਹਾ ਹੈ। ਆਰਥਿਕ ਵਿਕਾਸ ਅਤੀਤ ਦੀ ਤੁਲਨਾ 'ਚ ਭੌਤਿਕ ਰੂਪ ਨਾਲ ਘੱਟ ਰਹੇਗਾ। ਆਰਥਿਕ ਮੰਦੀ ਨੂੰ ਲੈ ਕੇ ਚਿੰਤਾਵਾਂ ਲੰਬੇ ਸਮੇਂ ਤੱਕ ਰਹਿਣਦੀਆਂ ਅਤੇ ਕਰਜ਼ ਵਧੇਗਾ। ਮੂਡੀਜ਼ ਨੇ ਭਾਰਤ ਲਈ ਬੀਏਏ2 ਵਿਦੇਸ਼ੀ ਮੁਦਰਾ ਅਤੇ ਸਥਾਨਕ-ਮੁਦਰਾ ਲੰਬੀ ਮਿਆਦ ਜਾਰੀਕਰਤਾ ਰੇਟਿੰਗ ਦੀ ਪੁਸ਼ਟੀ ਕੀਤੀ।

ਪਿਛਲੇ ਮਹੀਨੇ ਘਟਾਇਆ ਸੀ ਗਰੋਥ ਰੇਟ
ਵਰਣਨਯੋਗ ਹੈ ਕਿ ਕੇਂਦਰ ਦੀ ਮੋਦੀ ਸਰਕਾਰ ਸਾਲ 2025 ਤੱਕ 5 ਟ੍ਰਿਲਿਅਨ ਡਾਲਰ ਅਰਥਵਿਵਸਥਾ ਦੇ ਟੀਚੇ ਨੂੰ ਹਾਸਲ ਕਰਨ ਲਈ ਜੀ.ਡੀ.ਪੀ. ਗਰੋਥ ਵਧਾਉਣ 'ਤੇ ਜ਼ੋਰ ਦੇ ਰਹੀ ਹੈ। ਉੱਧਰ ਦੁਨੀਆ ਭਰ ਦੀਆਂ ਰੇਟਿੰਗ ਏਜੰਸੀਆਂ ਭਾਰਤ ਦੇ ਜੀ.ਡੀ.ਪੀ. ਗਰੋਥ ਅਨੁਮਾਨ ਨੂੰ ਘਟਾ ਰਹੀ ਹੈ। ਪਿਛਲੇ ਮਹੀਨੇ ਮੂਡੀਜ਼ ਨੇ ਵਿੱਤੀ ਸਾਲ 2019-20 ਲਈ ਗਰੋਥ ਰੇਟ ਅਨੁਮਾਨ ਘਟਾ ਕੇ 5.8 ਫੀਸਦੀ ਕਰ ਦਿੱਤਾ ਹੈ, ਪਹਿਲਾਂ ਇਸ ਦੀ ਜੀ.ਡੀ.ਪੀ. ਗਰੋਥ ਅਨੁਮਾਨ 6.2 ਫੀਸਦੀ ਸੀ। ਉੱਧਰ ਮੂਡੀਜ਼ ਨੇ ਵਿੱਤੀ ਸਾਲ 2020-21 'ਚ ਗਰੋਥ ਰੇਟ ਵਧ ਕੇ 6.6 ਫੀਸਦੀ ਰਹਿਣ ਦਾ ਅਨੁਮਾਨ ਜਤਾਇਆ ਹੈ। ਮੂਡੀਜ਼ ਨੂੰ ਉਮੀਦ ਹੈ ਕਿ ਇਹ ਅੰਕੜਾ ਆਉਣ ਵਾਲੇ ਸਾਲਾਂ 'ਚ ਵਧ ਕੇ 7 ਫੀਸਦੀ ਤੱਕ ਪਹੁੰਚ ਜਾਵੇਗਾ।