ਲਿਬਰਟੀ ਸ਼ੂਜ਼ ਦੇ ਕਾਰੋਬਾਰ 'ਤੇ ਕੋਵਿਡ -19 ਦੀ ਮਾਰ, ਵਾਇਰਸ ਕਾਰਨ ਬਦਲੀ ਗਾਹਕਾਂ ਦੀ ਪਸੰਦ
07/12/2020 6:32:07 PM
ਨਵੀਂ ਦਿੱਲੀ — ਫੁਟਵੀਅਰ ਕੰਪਨੀ ਲਿਬਰਟੀ ਜੁੱਤੇ ਦਾ ਅਨੁਮਾਨ ਹੈ ਕਿ ਕੋਵਿਡ-19 ਦੇ ਨਤੀਜੇ ਵਜੋਂ ਮੌਜੂਦਾ ਵਿੱਤੀ ਸਾਲ 'ਚ ਵਿਕਰੀ ਵਿਚ 45 ਪ੍ਰਤੀਸ਼ਤ ਦੀ ਗਿਰਾਵਟ ਆਵੇਗੀ। ਲਿਬਰਟੀ ਦੇ ਕਾਰਜਕਾਰੀ ਨਿਰਦੇਸ਼ਕ (ਪ੍ਰਚੂਨ) ਅਨੁਪਮ ਬਾਂਸਲ ਨੇ ਪੀਟੀਆਈ ਨੂੰ ਕਿਹਾ, “ਮੌਜੂਦਾ ਸਥਿਤੀ ਸਾਨੂੰ ਕਾਰੋਬਾਰ ਦੀ ਤੁਲਨਾ ਪਿਛਲੇ ਵਿੱਤੀ ਵਰ੍ਹੇ ਨਾਲ ਨਹੀਂ ਕਰਨ ਦਿੰਦੀ। ਇਸਦੇ ਬਾਵਜੂਦ ਅਸੀਂ ਅਨੁਮਾਨ ਲਗਾਉਂਦੇ ਹਾਂ ਕਿ ਪਿਛਲੇ ਵਿੱਤੀ ਸਾਲ ਦੇ ਮੁਕਾਬਲੇ 2020-21 ਵਿਚ ਕੰਪਨੀ ਦੀ ਵਿਕਰੀ 'ਚ 35 ਤੋਂ 45 ਪ੍ਰਤੀਸ਼ਤ ਘੱਟ ਰਹੇਗੀ। ਪਿਛਲੇ ਵਿੱਤੀ ਵਰ੍ਹੇ ਵਿਚ ਕੰਪਨੀ ਦਾ ਕਾਰੋਬਾਰ 650 ਕਰੋੜ ਰੁਪਏ ਰਿਹਾ ਸੀ।
ਇਹ ਵੀ ਦੇਖੋ: ਜਾਣੋ ਫਸਲਾਂ ਦੇ ਨੁਕਸਾਨ ਦੀ ਭਰਪਾਈ ਕਿਵੇਂ ਕੀਤੀ ਜਾਵੇ ਤੇ ਕਿਵੇਂ ਲੈ ਸਕਦੇ ਹੋ ਸਰਕਾਰੀ ਬੀਮੇ ਦਾ ਲਾਭ
ਬਾਂਸਲ ਲਿਬਰਟੀ ਦੇ ਪ੍ਰਮੋਟਰਾਂ ਵਿਚੋਂ ਇਕ ਹੈ। ਉਸਨੇ ਉਮੀਦ ਜਤਾਈ ਕਿ ਤਿਉਹਾਰਾਂ ਅਤੇ ਵਿਆਹ-ਸ਼ਾਦੀ ਦੇ ਮੌਸਮ ਦੌਰਾਨ ਕੰਪਨੀ ਦੀ ਵਿਕਰੀ ਵਿਚ ਵਾਧਾ ਹੋਏਗਾ। ਬਾਂਸਲ ਨੇ ਕਿਹਾ ਕਿ ਲਾਗ ਤੋਂ ਬਾਅਦ ਲੋਕਾਂ ਵਲੋਂ ਖਰੀਦਦਾਰੀ ਕਰਨ ਦੇ ਢੰਗ ਵਿਚ ਬਹੁਤ ਤਬਦੀਲੀ ਆਵੇਗਾ। ਅੱਜ ਲੋਕ ਆਪਣੀ ਜ਼ਰੂਰਤ ਦੇ ਅਧਾਰ 'ਤੇ ਹੀ ਸਾਮਾਨ ਖਰੀਦ ਰਹੇ ਹਨ। ਲੋਕ ਖੁੱਲੇ ਸੈਂਡਲ ਅਤੇ ਧੋਣ ਯੋਗ ਫੁਟਵੀਅਰ ਖਰੀਦ ਰਹੇ ਹਨ। ਤਾਲਾਬੰਦੀ ਦੌਰਾਨ ਲੋਕ ਬਹੁਤ ਹੀ ਘੱਟ ਘਰ ਤੋਂ ਬਾਹਰ ਨਿਕਲੇ। ਇਸ ਨਾਲ ਮਹਿੰਗਾ ਚਮੜਾ ਉਤਪਾਦ ਦਾ ਕਾਰੋਬਾਰ ਪ੍ਰਭਾਵਤ ਹੋਇਆ ਹੈ। ਮਹਿੰਗੇ ਚਮੜੇ ਉਤਪਾਦ ਲਿਬਰਟੀ ਦੇ ਕੁਲ ਕਾਰੋਬਾਰ ਦਾ 20 ਪ੍ਰਤੀਸ਼ਤ ਹਨ। ਬਾਂਸਲ ਨੇ ਕਿਹਾ ਕਿ ਇਨ੍ਹਾਂ ਉਤਪਾਦਾਂ ਦੀ ਵਿਕਰੀ 75 ਪ੍ਰਤੀਸ਼ਤ ਘੱਟ ਗਈ ਹੈ, ਕਿਉਂਕਿ ਲੋਕਾਂ ਦੀ ਤਰਜੀਹ ਬਦਲ ਰਹੀ ਹੈ। ਹੁਣ ਲੋਕ ਉਹ ਫੁੱਟਵੇਅਰ ਖਰੀਦ ਰਹੇ ਹਨ ਜਿਹੜੇ ਧੋਤੇ ਜਾ ਸਕਦੇ ਹਨ। ਉਸਨੇ ਕਿਹਾ ਕਿ ਕੰਪਨੀ ਦੇ ਨਿਰਮਾਣ ਦੇ ਖਰਚੇ ਵੱਧ ਗਏ ਹਨ, ਪਰ ਅਸੀਂ ਇਸ ਸਾਲ ਕੀਮਤਾਂ ਵਧਾਉਣ ਦਾ ਇਰਾਦਾ ਨਹੀਂ ਰੱਖਦੇ।
ਇਹ ਵੀ ਦੇਖੋ: ਜਾਣੋ ਫਸਲਾਂ ਦੇ ਨੁਕਸਾਨ ਦੀ ਭਰਪਾਈ ਕਿਵੇਂ ਕੀਤੀ ਜਾਵੇ ਤੇ ਕਿਵੇਂ ਲੈ ਸਕਦੇ ਹੋ ਸਰਕਾਰੀ ਬੀਮੇ ਦਾ ਲਾਭ