ਸਕੋਡਾ ''ਤੇ ਭਾਰੀ ਪਿਆ ਤਿਉਹਾਰੀ ਸੀਜ਼ਨ, ਹੁਣ ਨਹੀਂ ਦਿਸੇਗਾ ਰੈਪਿਡ ਦਾ ਮੋਂਟੀ ਕਾਰਲੋ ਐਡੀਸ਼ਨ
10/15/2017 3:53:56 PM
ਜਲੰਧਰ- ਸਕੋਡਾ ਇੰਡੀਆ ਨੇ ਅਗਸਤ 2017 ਨੂੰ ਆਪਣੀ ਲੋਕਪ੍ਰਿਅ ਕਾਰ ਰੈਪਿਡ ਦੇ ਮੋਂਟੀ ਕਾਰਲੋ ਐਡੀਸ਼ਨ ਨੂੰ ਲਾਂਚ ਕੀਤਾ ਸੀ। ਭਾਰਤੀ ਬਾਜ਼ਾਰ 'ਚ ਐਂਟਰੀ ਕਰਨ ਤੋਂ ਬਾਅਦ ਕੁਝ ਹੀ ਮਹੀਨਿਆਂ 'ਚ ਇਸ ਕਾਰ ਦੀ ਪ੍ਰੋਡਕਸ਼ਨ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਇਕਨੋਮਿਕ ਟਾਈਮਸ ਆਟੋ ਦੀ ਰਿਪੋਰਟ ਮੁਤਾਬਕ ਲੁਧਿਆਨਾ ਦੀ ਕਪੜੇ ਬਣਾਉਣ ਵਾਲੀ ਕੰਪਨੀ ਮੋਂਟੀ ਕਾਰਲੋ ਫੈਸ਼ਨਸ ਨੇ ਦਾਅਵਾ ਕੀਤਾ ਹੈ ਕਿ ਸਕੋਡਾ ਨੇ ਇਸ ਕਾਰ ਨੂੰ ਵੇਚਣ ਲਈ ਉਸ ਦੇ ਟ੍ਰੇਡਮਾਰਕ ਦਾ ਇਸਤੇਮਾਲ ਕੀਤਾ ਹੈ।
ਅਦਾਲਤ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਪਾਣੀ ਦੀ ਤਰ੍ਹਾਂ ਸਾਫ ਹੈ। ਇਸ ਆਟੋਮੋਬਾਇਲ ਕੰਪਨੀ ਨੇ ਕਪੜੇ ਬਣਾਉਣ ਵਾਲੀ ਕੰਪਨੀ ਮੋਂਟੀ ਕਾਰਲੋ ਦੇ ਟ੍ਰੇਡਮਾਰਕ ਦਾ ਇਸਤੇਮਾਲ ਕੀਤਾ ਹੈ। ਇਸ 'ਤੇ ਅਦਾਲਤ ਨੇ ਹੁਕਮ ਦਿੰਦੇ ਹੋਏ ਕਿਹਾ ਕਿ ਸਕੋਡਾ ਇੰਡੀਆ ਆਪਣੇ ਸਾਰੇ ਸੇਲਸ ਚੈਨਲਸ 'ਤੇ ਐਡਵਰਟਾਈਜ਼ਮੈਂਟ, ਮੈਨਿਊਫੈਕਚਰਿੰਗ, ਸੇਲਿੰਗ ਅਤੇ ਆਫਰਿੰਗ ਦੌਰਾਨ ਮੋਂਟੀ ਕਾਰਲੋ ਮਾਰਕ ਦੇ ਇਸਤੇਮਾਲ ਨੂੰ ਬੰਦ ਕਰ ਦੇਵੇ। ਇਸ ਤੋਂ ਇਲਾਵਾ ਕਿਹਾ ਗਿਆ ਹੈ ਕਿ ਅਜਿਹਾ ਕੋਈ ਵੀ ਮਾਰਕ ਕੰਪਨੀ ਇਸਤੇਮਾਲ ਨਾ ਕਰੋ ਜੋ ਕਿਸੇ ਦੂਜੀ ਕੰਪਨੀ ਦੇ ਟ੍ਰੇਡਮਾਰਕ ਨਾਲ ਮਿਲਦਾ ਜੁਲਦਾ ਹੋਵੇ। ਇਸ ਐਲਾਨ ਤੋਂ ਬਾਅਦ ਫਿਲਹਾਲ ਸਕੋਡਾ ਨੇ ਕੋਈ ਵੀ ਬਿਆਨ ਨਹੀਂ ਦਿੱਤਾ ਹੈ। ਕੰਪਨੀ ਨੇ ਮੋਂਟੀ ਕਾਰਲੋ ਨਾਂ ਦੇ ਇਸ ਐਡੀਸ਼ਨ ਨੂੰ ਬਾਜ਼ਾਰ 'ਚੋਂ ਹਟਾ ਲਿਆ ਹੈ। ਉਮੀਦ ਹੈ ਕਿ ਕੰਪਨੀ ਇਸ ਕਾਰ ਨੂੰ ਨਵੇਂ ਨਾਂ ਨਾਲ ਭਾਰਤੀ ਬਾਜ਼ਾਰ 'ਚ ਉਤਾਰੇਗੀ।
