ਅਪ੍ਰੈਲ-ਦਸੰਬਰ ''ਚ ਕੋਲਾ ਆਯਾਤ 6.7 ਫੀਸਦੀ ਵਧ ਕੇ 17.18 ਕਰੋੜ ਟਨ

ਨਵੀਂ ਦਿੱਲੀ—ਚਾਲੂ ਵਿੱਤੀ ਸਾਲ ਦੀ ਅਪ੍ਰੈਲ-ਦਸੰਬਰ ਸਮੇਂ 'ਚ ਦੇਸ਼ ਦਾ ਕੋਲਾ ਆਯਾਤ 6.7 ਫੀਸਦੀ ਵਧ ਕੇ 17.18 ਕਰੋੜ ਟਨ ਹੋ ਗਿਆ ਹੈ। ਵਿੱਤੀ ਸਾਲ 2017-18 ਦੇ ਇਸ ਸਮੇਂ 'ਚ ਇਹ ਅੰਕੜਾ 16.1 ਕਰੋੜ ਟਨ ਸੀ। ਇਹ ਅਜਿਹੇ ਸਮੇਂ 'ਚ ਹੋਇਆ ਹੈ ਜਦੋਂ ਸਰਕਾਰ ਕੋਲ ਇੰਡੀਆ ਵਲੋਂ ਇਕ ਅਰਬ ਟਨ ਕੋਲਾ ਉਤਪਾਦਨ ਦੇ ਟੀਚੇ ਨੂੰ ਪਾਉਣ ਦੀ ਸਮੇਂ ਸੀਮਾ 'ਚ ਢਿੱਲ ਦੇਣ 'ਤੇ ਵਿਚਾਰ ਕਰ ਰਹੀ ਹੈ। ਐਮਜੰਕਸ਼ਨ ਸਰਵਿਸੇਜ਼ ਦੀ ਰਿਪੋਰਟ ਮੁਤਾਬਕ ਦਸੰਬਰ 'ਚ ਕੋਲੇ ਦਾ ਆਯਾਤ 8.09 ਫੀਸਦੀ ਘਟ ਕੇ 1.72 ਕਰੋੜ ਟਨ ਰਿਹਾ ਹੈ ਜੋ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਸਮੇਂ 'ਚ 1.87 ਕਰੋੜ ਟਨ ਸਨ। ਐਮਜੰਕਸ਼ਨ, ਟਾਟਾ ਸਟੀਲ ਅਤੇ ਸੇਲ ਦਾ ਸੰਯੁਕਤ ਉਪਕਰਮ ਹੈ। ਇਹ ਕਾਰੋਬਾਰ ਤੋਂ ਕਾਰੋਬਾਰ (ਬੀ2ਬੀ) ਦਾ ਇਕ ਈ-ਵਪਾਰਕ ਮੰਚ ਹੈ। ਨਾਲ ਹੀ ਇਹ ਕੋਲਾ ਅਤੇ ਇਸਪਾਤ ਖੇਤਰ ਨਾਲ ਜੁੜੀ ਸੋਧ ਰਿਪੋਰਟ ਵੀ ਪ੍ਰਕਾਸ਼ਿਤ ਕਰਦਾ ਹੈ। ਐਮਜੰਕਸ਼ਨ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਵਿਨੈ ਵਰਮਾ ਨੇ ਕੋਲਾ ਆਯਾਤ ਦੇ ਇਸ ਰੁਖ 'ਤੇ ਕਿਹਾ ਕਿ ਆਯਾਤਿਤ ਕੋਲੇ ਦੀ ਮੰਗ ਕੁਝ ਹੱਦ ਤੱਕ ਘਟ ਹੋਈ ਹੈ। ਇਸ ਦੀ ਮੁੱਖ ਵਜ੍ਹਾ ਘਰੇਲੂ ਉਤਪਾਦਕਾਂ ਵਲੋਂ ਬਿਜਲੀ ਪਲਾਂਟਾਂ ਨੂੰ ਸਪਲਾਈ ਵਧਣਾ ਹੈ। ਉਨ੍ਹਾਂ ਕਿਹਾ ਕਿ ਬਿਜਲੀ ਖੇਤਰ 'ਚ ਕੋਲਾ ਭੰਡਾਰਨ ਦੀ ਸਥਿਤੀ ਵਧੀਆਂ ਹੋਈ ਹੈ ਅਤੇ ਚੌਥੀ ਤਿਮਾਹੀ 'ਚ ਉਤਪਾਦਨ ਵੀ ਗੈਰ-ਕੋਕ ਕੋਲੇ ਦਾ ਆਯਾਤ 1.25 ਕਰੋੜ ਟਨ ਰਿਹਾ ਜੋ ਨਵੰਬਰ 2018 'ਚ 1.30 ਕਰੋੜ ਟਨ ਸੀ। ਇਸ ਤਰ੍ਹਾਂ ਕੋਕਿੰਗ ਕੋਲੇ ਦਾ ਆਯਾਤ ਦਸੰਬਰ 2018 'ਚ 37.2 ਲੱਖ ਟਨ ਰਿਹਾ ਜੋ ਨਵੰਬਰ 'ਚ 37.5 ਲੱਖ ਟਨ ਸੀ।