ਚੀਨੀ ਉਤਪਾਦਨ 24 ਫੀਸਦੀ ਘਟਿਆ

ਨਵੀਂ ਦਿੱਲੀ—ਚੀਨੀ ਉਦਯੋਗਾਂ ਦੇ ਪ੍ਰਮੁੱਖ ਸੰਗਠਨ ਭਾਰਤੀ ਚੀਨੀ ਮਿੱਲ ਸੰਘ (ਇਸਮਾ) ਅਨੁਸਾਰ ਖਾਸ ਕਰਕੇ ਚੀਨੀ ਉਤਪਾਦਨ ਸੂਬਾ ਮਹਾਰਾਸ਼ਟਰ 'ਚ ਪਿੜਾਈ ਕਰਕੇ ਰਹੀ ਮਿੱਲਾਂ ਦੀ ਗਿਣਤੀ ਘੱਟ ਰਹਿਣ ਨਾਲ ਚੀਨੀ ਉਤਪਾਦਨ ਘੱਟ ਚੱਲ ਰਿਹਾ ਹੈ। ਸੰਗਠਨ ਅਨੁਸਾਰ ਇਹ ਚਾਲੂ ਮਾਰਕਟਿੰਗ ਸਾਲ ਦੀ ਅਕਤੂਬਰ-ਜਨਵਰੀ ਸਮੇਂ 'ਚ 141.12 ਲੱਖ ਟਨ ਰਿਹਾ ਜੋ ਪਿਛਲੇ ਸਾਲ ਇਸ ਮਿਆਦ ਤੋਂ 24 ਫੀਸਦੀ ਘੱਟ ਹੈ। ਇਕ ਸਾਲ ਪਹਿਲਾਂ ਦੀ ਸਮਾਨ ਸਮੇਂ 'ਚ ਚੀਨੀ ਦਾ ਉਤਪਾਦਨ 185.59 ਲੱਖ ਟਨ ਸੀ। ਚੀਨੀ ਮਾਰਕਟਿੰਗ ਅਕਤੂਬਰ ਤੋਂ ਲੈ ਕੇ ਸਤੰਬਰ ਮਹੀਨੇ ਤੱਕ ਦਾ ਹੁੰਦਾ ਹੈ।
ਇਸਮਾ ਨੇ ਕਿਹਾ ਕਿ 31 ਜਨਵਰੀ 2020 ਦੀ ਸਥਿਤੀ ਅਨੁਸਾਰ ਦੇਸ਼ 'ਚ 446 ਚੀਨੀ ਮਿੱਲਾਂ ਨੇ 141.12 ਲੱਖ ਟਨ ਚੀਨੀ ਦਾ ਉਤਪਾਦਨ ਕੀਤਾ ਹੈ। ਜਦੋਂਕਿ ਪਿਛਲੇ ਸੈਸ਼ਨ 'ਚ ਇਸ ਤਾਰੀਕ ਤੱਕ 520 ਮਿੱਲਾਂ ਵਲੋਂ 185.59 ਲੱਖ ਟਨ ਚੀਨੀ ਦਾ ਉਤਪਾਦਨ ਕੀਤਾ ਗਿਆ ਸੀ। ਮਹਾਰਾਸ਼ਟਰ 'ਚ ਮਾਰਕਟਿੰਗ ਸਾਲ 2019-20 ਤੋਂ ਪਹਿਲਾਂ 4 ਮਹੀਨਿਆਂ 'ਚ ਚੀਨੀ ਉਤਪਾਦਨ ਪਿਛਲੇ ਸਾਲ ਦੀ ਸਮਾਨ ਮਿਆਦ ਦੇ 70.99 ਲੱਖ ਟਨ ਦੀ ਤੁਲਨਾ 'ਚ 34.64 ਲੱਖ ਟਨ ਰਹਿਣ ਦਾ ਅਨੁਮਾਨ ਹੈ। ਹਾਲਾਂਕਿ ਉੱਤਰ ਪ੍ਰਦੇਸ਼ 'ਚ ਚੀਨੀ ਦਾ ਉਤਪਾਦਨ ਪਹਿਲਾਂ ਦੇ 52.86 ਲੱਖ ਟਨ ਤੋਂ ਵਧ ਕੇ 54.96 ਲੱਖ ਟਨ ਹੋ ਗਿਆ ਹੈ। ਕਰਨਾਟਕ 'ਚ ਚੀਨੀ ਉਤਪਾਦਨ ਤੋਂ ਪਹਿਲਾਂ ਦੇ 33.76 ਲੱਖ ਟਨ ਤੋਂ ਘੱਟ ਕੇ 27.94 ਲੱਖ ਟਨ ਰਹਿ ਗਿਆ ਹੈ।
ਇਸਮਾ ਨੇ ਸਾਲ 2019-20 ਦੇ ਲਈ ਦੇਸ਼ ਦਾ ਚੀਨੀ ਉਤਪਾਦਨ 260 ਲੱਖ ਟਨ ਰਹਿਣ ਦਾ ਅਨੁਮਾਨ ਲਗਾਇਆ ਹੈ। ਇਹ ਅਨੁਮਾਨ ਈਥੇਨੋਲ ਉਤਪਾਦਨ ਲਈ ਗੰਨੇ ਦੇ ਰਸ ਅਤੇ 'ਬੀ' ਗ੍ਰੇਡ ਦੇ ਭਾਰੀ ਸ਼ੀਰੇ ਦੇ ਹੋਣ ਵਾਲੇ ਟਰਾਂਸਫਰ ਨੂੰ ਧਿਆਨ 'ਚ ਲੈਣ ਦੇ ਬਾਅਦ ਪ੍ਰਗਟ ਕੀਤਾ ਗਿਆ ਹੈ। ਸ਼ੀਰੇ ਦੇ ਇਸ ਟਰਾਂਸਫਲ ਦੀ ਵਜ੍ਹਾ ਨਾਲ ਚੀਨੀ ਉਤਪਾਦਨ 'ਚ ਕਰੀਬ 8.5 ਲੱਖ ਟਨ ਦੀ ਕਮੀ ਆਵੇਗੀ।