BMW INDIA ਦੇ ਸੀ.ਈ.ਓ. ਰੁਦਰਤੇਜ ਸਿੰਘ ਦਾ ਹੋਇਆ ਦਿਹਾਂਤ

ਨਵੀਂ ਦਿੱਲੀ - BMW INDIA ਦੇ ਸੀ.ਈ.ਓ. ਰੁਦਰਤੇਜ ਸਿੰਘ ਦਾ ਸੋਮਵਾਰ ਸਵੇਰੇ ਦਿਲ ਦਾ ਦੌਰਾ ਪੈਣ ਤੋਂ ਬਾਅਦ ਦਿਹਾਂਤ ਹੋ ਗਿਆ। ਕੰਪਨੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ BMW INDIA ਨੂੰ ਬੇਹੱਦ ਦੁੱਖ ਦੇ ਨਾਲ ਆਪਣੇ 46 ਸਾਲਾ ਪ੍ਰਧਾਨ ਅਤੇ ਸੀ.ਈ.ਓ. ਰੁਦਰਤੇਜ ਸਿੰਘ ਦਾ 20 ਅਪ੍ਰੈਲ 2020 ਨੂੰ ਦਿਹਾਂਤ ਹੋਣ ਦਾ ਸਮਾਚਾਰ ਦੇਣਾ ਪੈ ਰਿਹਾ ਹੈ। ਹਾਲਾਂਕਿ ਕੰਪਨੀ ਨੇ ਸਿੰਘ ਦੀ ਮੌਤ ਦਾ ਕਾਰਣ ਨਹੀਂ ਦੱਸਿਆ ਹੈ ਪਰ ਸੂਤਰਾਂ ਨੇ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪੈਣ ਕਾਰਣ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਹੈ ।

ਬੀ.ਐਮ.ਡਬਲਿਊ. ਨੂੰ ਵਧਾਉਣ ਵਿੱਚ ਕੀਤੀ ਮਦਦ
ਕੰਪਨੀ ਨੇ ਕਿਹਾ,  ‘ਇਸ ਮੁਸ਼ਕਲ ਸਮੇਂ ਵਿੱਚ ਸਾਡੀ ਸੰਵੇਦਨਾਵਾਂ ਉਨ੍ਹਾਂ ਦੇ  ਪਰਿਵਾਰ ਦੇ ਨਾਲ ਹਨ। ਉਹ ਹਮੇਸ਼ਾ ਪ੍ਰੇਰਣਾਦਾਈ ਸ਼ਖਸੀਅਤ ਦੇ ਤੌਰ 'ਤੇ ਯਾਦ ਕੀਤੇ ਜਾਣਗੇ।’ ਬੀ.ਐਮ.ਡਬਲਿਊ. ਇੰਡੀਆ ਨੇ ਕਿਹਾ ਕਿ ਉਨ੍ਹਾਂ ਦਾ ਅਜਿਹੇ ਸਮੇਂ 'ਤੇ ਜਾਣਾ ਜ਼ਿਆਦਾ ਦੁਖਦ ਹੈ, ਜਦੋਂ ਅਸੀ ਦੇਸ਼ਭਰ ਵਿੱਚ ਆਪਣੇ ਡੀਲਰ ਨੈੱਟਵਰਕ ਨੂੰ ਮਜਬੂਤ ਬਣਾਉਣ ਦੀ ਰਣਨੀਤੀ 'ਤੇ ਕੰਮ ਕਰ ਰਹੇ ਸੀ। ਚੁਣੌਤੀ ਭਰਪੂਰ ਕਾਰੋਬਾਰੀ ਮਾਹੌਲ ਵਿੱਚ ਉਨ੍ਹਾਂ ਦੇ ਨਜ਼ਰੀਏ ਅਤੇ ਰਣਨੀਤੀ ਨੇ ਬੀ.ਐਮ.ਡਬਲਿਊ. ਇੰਡੀਆ ਨੂੰ ਅੱਗੇ ਵਧਣ ਵਿੱਚ ਮਹੱਤਵਪੂਰਣ ਮਦਦ ਕੀਤੀ ਹੈ।

ਕਈ ਕੰਪਨੀਆਂ ਵਿੱਚ ਸਿਖਰ ਅਹੁਦੇ 'ਤੇ ਰਹੇ
ਜਰਮਨੀ ਦੀ ਕੰਪਨੀ ਬੀ.ਐਮ.ਡਬਲਿਊ. ਨੇ ਸਿੰਘ ਨੂੰ 1 ਅਗਸਤ 2019 ਨੂੰ ਭਾਰਤ ਵਿੱਚ ਆਪਣੇ ਕੰਮ ਦੀ ਕਮਾਨ ਸੌਂਪੀ ਸੀ। ਸਿੰਘ ਨੂੰ ਉਨ੍ਹਾਂ ਦੇ ਕਰੀਬੀ ਲੋਕ ਪਿਆਰ ਨਾਲ ‘ਰੂਡੀ’ ਨਾਮ ਨਾਲ ਬੁਲਾਉਂਦੇ ਸਨ। ਬੀ.ਐਮ.ਡਬਲਿਊ. ਇੰਡੀਆ  ਦੇ ਪ੍ਰਮੁੱਖ ਦੇ ਅਹੁਦੇ 'ਤੇ ਨਿਯੁਕਤ ਉਹ ਪਹਿਲੇ ਭਾਰਤੀ ਸਨ। ਬੀ.ਐਮ.ਡਬਲਿਊ. ਵਿੱਚ ਆਉਣ ਤੋਂ ਪਹਿਲਾਂ ਸਿੰਘ ਰਾਇਲ ਇਨਫੀਲਡ ਦੇ ਸਮੂਹ ਪ੍ਰਧਾਨ ਸਨ। ਉਸ ਤੋਂ ਪਹਿਲਾਂ ਉਹ ਐਫ.ਐਮ.ਸੀ.ਜੀ. ਕੰਪਨੀ ਯੂਨੀਲੀਵਰ ਵਿੱਚ ਭਾਰਤ ਅਤੇ ਹੋਰ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ ਵੱਖਰੇ ਅਹੁਦੇ 'ਤੇ 16 ਸਾਲ ਤਕ ਰਹੇ।