ਨੀਰਵ ਮੋਦੀ ਦੇ 110 ਕਰੋੜ ਦੇ ਫਲੈਟਾਂ ਸਮੇਤ ਇਨ੍ਹਾਂ ਜਾਇਦਾਦਾਂ ਦੀ ਹੋ ਰਹੀ ਨਿਲਾਮੀ, ਸ਼ੁਰੂ ਹੋਈ ਕਾਨੂੰਨੀ ਪ੍ਰਕਿਰਿਆ
06/04/2022 6:30:00 PM
ਮੁੰਬਈ - ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਭਗੌੜੇ ਕਾਰੋਬਾਰੀ ਨੀਰਵ ਮੋਦੀ ਦੀਆਂ ਕਈ ਜਾਇਦਾਦਾਂ ਦੀ ਨਿਲਾਮੀ ਲਈ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਈਡੀ ਨੇ ਨੀਰਵ ਮੋਦੀ ਦੇ ਵਰਲੀ ਸਥਿਤ ਦੇ ਸਮੁੰਦਰ ਮਹਿਲ ਵਿੱਚ 110 ਕਰੋੜ ਰੁਪਏ ਦੇ ਤਿੰਨ ਫਲੈਟ, ਬ੍ਰੀਚ ਕੈਂਡੀ ਵਿੱਚ ਇੱਕ ਫਲੈਟ, ਨੀਰਵ ਮੋਦੀ ਦਾ ਅਲੀਬਾਗ ਬੰਗਲਾ, ਇੱਕ ਪਵਨ ਚੱਕੀ ਅਤੇ ਇੱਕ ਸੋਲਰ ਪਾਵਰ ਪ੍ਰੋਜੈਕਟ ਦੀ ਨਿਲਾਮੀ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਨੀਰਵ ਮੋਦੀ ਨੇ ਪੰਜਾਬ ਨੈਸ਼ਨਲ ਬੈਂਕ (PNB) ਨਾਲ 6,500 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਹੈ। ਇਸੇ ਰਕਮ ਦੀ ਵਸੂਲੀ ਲਈ ਈਡੀ ਨੀਰਵ ਮੋਦੀ ਦੀਆਂ ਜਾਇਦਾਦਾਂ ਦੀ ਨਿਲਾਮੀ ਕਰ ਰਹੀ ਹੈ। ਸੂਤਰਾਂ ਮੁਤਾਬਕ ਇਸ ਨਿਲਾਮੀ ਤੋਂ ਈਡੀ ਨੂੰ ਕੁਝ ਸੌ ਕਰੋੜ ਰੁਪਏ ਮਿਲਣਗੇ।
ਇਹ ਵੀ ਪੜ੍ਹੋ : ਪੁਰਾਣੇ ਮਾਮਲਿਆਂ ਦੀ ਛਾਣਬੀਣ ਕਰ ਰਿਹਾ ਹੈ GST ਵਿਭਾਗ, ਮੁੜ ਭੇਜੇ ਜਾ ਸਕਦੇ ਹਨ ਨੋਟਿਸ
1 ਅਤੇ 2 ਜੂਨ ਨੂੰ ਵੀ ਹੋਈ ਸੀ ਨਿਲਾਮੀ
ਈਡੀ ਅਤੇ ਆਮਦਨ ਕਰ ਵਿਭਾਗ ਨੇ ਇਸ ਤੋਂ ਪਹਿਲਾਂ ਨੀਰਵ ਮੋਦੀ ਦੀਆਂ ਲਗਜ਼ਰੀ, ਫੈਸ਼ਨ ਅਤੇ ਕਲਾ ਦੀਆਂ ਵਸਤੂਆਂ, ਜ਼ਿਆਦਾਤਰ ਪੇਂਟਿੰਗਾਂ, ਵਾਹਨਾਂ ਅਤੇ ਘੜੀਆਂ ਦੀ ਨਿਲਾਮੀ ਤੋਂ 130 ਕਰੋੜ ਰੁਪਏ ਤੋਂ ਵੱਧ ਦੀ ਬਰਾਮਦਗੀ ਕੀਤੀ ਹੈ। ਈਡੀ ਨੇ 1 ਅਤੇ 2 ਜੂਨ ਨੂੰ ਨੀਰਵ ਮੋਦੀ ਦੀਆਂ 1.8 ਕਰੋੜ ਰੁਪਏ ਦੀਆਂ ਦੋ ਘੜੀਆਂ ਸਮੇਤ ਲਗਜ਼ਰੀ ਵਸਤੂਆਂ ਦੀ ਨਿਲਾਮੀ ਕੀਤੀ ਸੀ। ਇਸ ਰਾਹੀਂ 2.17 ਕਰੋੜ ਰੁਪਏ ਵਸੂਲੇ ਗਏ। ਜਿਨ੍ਹਾਂ ਪ੍ਰਮੁੱਖ ਸੰਪਤੀਆਂ ਦੀ ਨਿਲਾਮੀ ਕੀਤੀ ਗਈ, ਉਨ੍ਹਾਂ ਵਿੱਚ 90.5 ਲੱਖ ਰੁਪਏ, 89.5 ਲੱਖ ਰੁਪਏ ਅਤੇ 19.16 ਲੱਖ ਰੁਪਏ ਦੀਆਂ ਤਿੰਨ ਘੜੀਆਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਇਸ ਨਿਲਾਮੀ ਵਿੱਚ 22.38 ਲੱਖ ਰੁਪਏ ਦੀ ਇੱਕ ਕਲਾਕ੍ਰਿਤੀ ਅਤੇ 12.91 ਲੱਖ ਰੁਪਏ ਅਤੇ 11.09 ਲੱਖ ਰੁਪਏ ਦੇ ਦੋ ਹੈਂਡਬੈਗ ਵੀ ਸ਼ਾਮਲ ਕੀਤੇ ਗਏ ਹਨ।
ਇਹ ਵੀ ਪੜ੍ਹੋ : Elon Musk ਨੇ ਦਿੱਤੇ ਸੰਕੇਤ, ਟੈਸਲਾ ਦੇ 10 ਫੀਸਦੀ ਕਰਮਚਾਰੀ ਹੋ ਸਕਦੇ ਹਨ ਬੇਰੁਜ਼ਗਾਰ
ਨੀਰਵ ਮੋਦੀ ਨੇ ਕੀਤੀ ਸੀ ਧੋਖਾਧੜੀ
ਨੀਰਵ ਮੋਦੀ ਨੇ ਮੁੱਖ ਤੌਰ 'ਤੇ ਦੁਬਈ ਅਤੇ ਹਾਂਗਕਾਂਗ ਦੇ ਨਿਰਯਾਤਕਾਂ ਨੂੰ ਭੁਗਤਾਨ ਜਾਰੀ ਕਰਨ ਦੀ ਬੇਨਤੀ ਕਰਨ ਵਾਲੇ ਲੈਟਰ ਆਫ ਅੰਡਰਟੇਕਿੰਗ (ਐੱਲ.ਓ.ਯੂ.) ਰਾਹੀਂ ਵਧੇ ਹੋਏ ਦਰਾਮਦ ਬਿੱਲ ਜਮ੍ਹਾਂ ਕਰਵਾ ਕੇ ਪੀਐਨਬੀ ਨਾਲ ਧੋਖਾ ਕੀਤਾ ਸੀ। ਬਰਾਮਦਕਾਰਾਂ ਦੀਆਂ ਕੰਪਨੀਆਂ ਮੋਦੀ ਦੇ ਕੰਟਰੋਲ ਹੇਠ ਫਰਜ਼ੀ ਕੰਪਨੀਆਂ ਸਨ। ਹਰ ਵਾਰ ਮੋਦੀ ਬੈਂਕ ਨੂੰ LoU ਰਕਮ ਵਧਾਉਣ ਦੀ ਬੇਨਤੀ ਕਰਦੇ ਸਨ ਅਤੇ ਫਿਰ ਉਸ ਪੈਸੇ ਦੇ ਵੱਡੇ ਹਿੱਸੇ ਦੀ ਵਰਤੋਂ ਨਿਯਤ ਮਿਤੀ ਤੋਂ ਪਹਿਲਾਂ ਬੈਂਕ ਦੀ ਪਿਛਲੀ LoU ਰਕਮ ਦਾ ਭੁਗਤਾਨ ਕਰਨ ਲਈ ਕਰਦੇ ਸਨ ਪਰ ਭੁਗਤਾਨ ਵਿੱਚ ਡਿਫਾਲਟ ਹੋਣ ਤੋਂ ਬਾਅਦ 2018 ਵਿੱਚ, ਉਸਨੇ ਇਹਨਾਂ ਤਰੀਕਿਆਂ ਦਾ ਖ਼ੁਲਾਸਾ ਹੋ ਗਿਆ। ਇਸ ਤੋਂ ਬਾਅਦ ਨੀਰਵ ਮੋਦੀ ਆਪਣੇ ਪਰਿਵਾਰ ਦੇ ਨਾਲ ਦੇਸ਼ ਛੱਡ ਕੇ ਭੱਜ ਗਿਆ।
ਈਡੀ ਨੇ ਨੀਰਵ ਮੋਦੀ ਅਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਦੀ 4,400 ਕਰੋੜ ਰੁਪਏ ਦੀ ਅਚੱਲ ਅਤੇ ਚੱਲ ਜਾਇਦਾਦ ਕੁਰਕ ਕੀਤੀ ਹੈ। ਜਿਨ੍ਹਾਂ ਵਿੱਚੋਂ ਅਧਿਕਾਰੀਆਂ ਨੇ 1400 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਇਹ ਹੁਕਮ ਸਰਕਾਰੀ ਅਥਾਰਟੀ ਨੂੰ ਬਕਾਏ ਦੀ ਵਸੂਲੀ ਕਰਨ ਅਤੇ ਇਨ੍ਹਾਂ ਜਾਇਦਾਦਾਂ ਨੂੰ ਨਿਲਾਮੀ ਲਈ ਆਪਣੇ ਕਬਜ਼ੇ ਵਿੱਚ ਲੈਣ ਦਾ ਅਧਿਕਾਰ ਦਿੰਦਾ ਹੈ।
ਇਹ ਵੀ ਪੜ੍ਹੋ : ਟਾਟਾ ਬਣਾਏਗੀ ਇੰਟਰਨੈਸ਼ਨਲ ਏਅਰਪੋਰਟ, ਦਿੱਗਜ਼ ਕੰਪਨੀਆਂ ਨੂੰ ਪਛਾੜ ਕੇ ਹਾਸਲ ਕੀਤਾ ਠੇਕਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
