ਅਨਿਲ ਅੰਬਾਨੀ ਦੀ ਕੰਪਨੀ ਦਾ ਬੁਰਾ ਹਾਲ, ਨਹੀਂ ਚੁਕਾ ਪਾਈ 10 ਬੈਂਕਾਂ ਦਾ ਲੋਨ

ਨਵੀਂ ਦਿੱਲੀ—ਰਿਲਾਇੰਸ ਕਮਿਊਨਿਕੇਸ਼ਨ (ਆਰਕਾਮ) ਦੀ ਹਾਲਾਤ ਕ੍ਰੇਡਿਟ ਰੇਟਿੰਗ ਏਜੰਸੀਆਂ ਦੇ ਅਨੁਮਾਨ ਤੋਂ ਕਿਤੇ ਜ਼ਿਆਦਾ ਖਰਾਬ ਹੈ। ਅਨਿਲ ਧੀਰੂਭਾਈ ਅੰਬਾਨੀ ਗਰੁੱਪ ਦੀ ਇਹ ਕੰਪਨੀ 10 ਭਾਰਤੀ ਬੈਂਕਾਂ ਨੂੰ ਲੋਨ ਦੀ ਕਿਸ਼ਤ ਨਹੀਂ ਚੁਕਾ ਪਾਈ ਹੈ। ਇਨ੍ਹਾਂ 'ਚੋਂ ਕੁਝ ਨੇ ਆਰਕਾਮ ਦੇ ਲੋਨ ਨੂੰ ਆਪਣੀ ਅਸੇਟ ਬੁੱਕ 'ਚ 'ਸਪੈਸ਼ਲ ਮੇਂਸ਼ਨ ਅਕਾਊਂਟ (ਐਸ.ਐਮ.ਏ.) ਕੈਟੇਗਰੀ 'ਚ ਪਾ ਦਿੱਤਾ ਹੈ। ਐਸਐਮਏ ਅਸੇਟਸ ਵਰਗੇ ਲੋਨ ਨੂੰ ਕਹਿੰਦੇ ਹਨ ਜਿਸ 'ਚ ਕਰਜ਼ਾ ਲੈਣ ਵਾਲੇ ਦਾ ਵਿਆਜ ਬਕਾਇਆ ਹੁੰਦਾ ਹੈ। ਜੇਕਰ ਤੈਅ ਤਰੀਕ ਦੇ 30 ਦਿਨਾਂ ਤੱਕ ਇਸ ਦਾ ਭੁਗਤਾਨ ਨਹੀਂ ਹੁੰਦਾ ਤਾਂ ਉਸ ਨੂੰ ਐਸਐਮਏ 1 ਹੋਰ 60 ਦਿਨਾਂ ਤੋਂ ਬਾਅਦ ਐਸਐਮਏ 2 ਕੈਟੇਗਰੀ 'ਚ ਪਾ ਦਿੱਤਾ ਜਾਂਦਾ ਹੈ। ਉਧਰ ਜੇਕਰ 90 ਦਿਨਾਂ ਤੱਕ ਵਿਆਜ ਦਾ ਭੁਗਤਾਨ ਨਹੀਂ ਹੁੰਦਾ ਤਾਂ ਲੋਨ ਨਾਨ-ਪਰਫਾਰਮਿੰਗ ਅਸੇਸਟ (ਐਨ.ਪੀ.ਏ) ਹੋ ਜਾਂਦਾ ਹੈ। ਇਕ ਬੈਂਕ ਅਧਿਕਾਰੀ ਨੇ ਦੱਸਿਆ ਕਿ ਇਥੇ ਦੇ 10 ਬੈਂਕਾਂ ਨੇ ਜਾਂ ਤਾਂ ਇਸ ਲੋਨ ਨੂੰ ਐਸਐਮਏ 1 ਜਾਂ ਐਸਐਮਏ 2 ਕੈਟੇਗਰੀ 'ਚ ਪਾ ਦਿੱਤਾ ਹੈ।  
ਕੇਅਰ ਅਤੇ ਇਕਰਾ ਦੇ ਰੇਟਿੰਗ ਘਟਾਏ ਜਾਣ ਤੋਂ ਬਾਅਦ ਆਰਕਾਮ ਦੇ ਸ਼ੇਅਰ ਪਿਛਲੇ ਦੋ ਹਫਤੇ 'ਚ 20 ਫੀਸਦੀ ਡਿੱਗੇ ਹਨ। ਹਾਲਾਂਕਿ ਰੇਟਿੰਗ ਏਜੰਸੀਆਂ ਦੇ ਕੋਲ ਐਸਐਮਏ ਲੋਨ ਦੀ ਜਾਣਕਾਰੀ ਨਹੀਂ ਹੈ। ਬੈਂਕ ਆਪਸ 'ਚ ਇਸ ਇੰਫਾਰਮੈਸ਼ਨ ਨੂੰ ਸ਼ੇਅਰ ਕਰਦੇ ਹਨ ਅਤੇ ਉਹ ਆਰਬੀਆਈ ਨੂੰ ਵੀ ਇਸ ਦੀ ਜਾਣਕਾਰੀ ਦਿੰਦੇ ਹਨ। ਕੇਅਰ ਨੇ ਆਪਣੀ ਰਿਪੋਰਟ 'ਚ ਕਿਹਾ ਹੈ ਕਿ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਜਿਓ ਦੇ ਚੱਲਦੇ ਆਰਕਾਮ ਦਾ ਰਿਸਕ ਪ੍ਰੋਫਾਈਲ ਵੱਧ ਗਿਆ ਹੈ। ਇਸ ਲਈ ਉਸ ਦੀ ਰੇਟਿੰਗ ਘਟਾਈ ਗਈ ਹੈ। ਜੇਕਰ ਕੰਪਨੀ ਦੇ ਲੋਨ ਡਿਫਾਲਟ ਦੀ ਜਾਣਕਾਰੀ ਉਨ੍ਹਾਂ ਨੂੰ ਮਿਲਦੀ ਹੈ ਤਾਂ ਆਰਕਾਮ ਦੀ ਰੇਟਿੰਗ 'ਚ ਹੋਰ ਕੁਝ ਨਾਚ ਦੀ ਕਮੀ ਕੀਤੀ ਜਾ ਸਕਦੀ ਹੈ। 
ਰਿਪੋਰਟ ਮੁਤਾਬਕ ਆਰਕਾਮ ਦੇ ਲੋਨ ਡਿਫਾਲਟ ਦੇ ਬਾਰੇ 'ਚ ਕੰਪਨੀ ਦੇ ਬੁਲਾਰੇ ਨੇ ਕਿਹਾ ਕਿ ਏਅਰਸੈੱਲ ਅਤੇ ਬਰੁਕਫੀਲਡ ਦੇ ਨਾਲ ਸਮਝੌਤੇ ਦੇ ਬਾਅਦ ਆਰਕਾਮ ਨੇ ਬੈਂਕਾਂ ਨੂੰ ਕਿਹਾ ਕਿ ਉਹ 25000 ਕਰੋੜ ਰੁਪਏ ਦਾ ਕਰਜ਼ 30 ਸਤੰਬਰ 2017 ਤੱਕ ਜਾਂ ਉਸ ਤੋਂ ਪਹਿਲਾਂ ਚੁਕਾਏਗੀ। ਇਸ 'ਚ ਸਾਰੇ ਸ਼ਡਿਊਲਡ ਪੇਮੈਂਟ ਤਾਂ ਆਵੇਗੀ ਹੀ, ਕੰਪਨੀ ਲੋਨ ਦਾ ਪ੍ਰੀ-ਪੇਮੈਂਟ ਵੀ ਕਰੇਗੀ।
ਕੰਪਨੀ ਨੂੰ ਜਨਵਰੀ-ਮਾਰਚ ਤਿਮਾਹੀ 'ਚ 966 ਕਰੋੜ ਦਾ ਨੁਕਸਾਨ ਝੇਲਣਾ ਪਿਆ ਸੀ ਜੋ ਉਸ ਦੀ ਲਗਾਤਾਰ ਦੂਜਾ ਤਿਮਾਹੀ ਨੁਕਸਾਨ ਸੀ। ਵਿੱਤ ਸਾਲ 2017 ਵੀ ਕੰਪਨੀ ਲਈ ਨੁਕਸਾਨ ਦਾ ਪਹਿਲਾਂ ਸਾਲ ਰਿਹਾ ਹੈ। ਮਾਰਚ 31 ਕੰਪਨੀ 'ਤੇ 42000 ਕਰੋੜ ਦਾ ਬਕਾਇਆ ਸੀ ਜਿਸ ਨੂੰ ਉਹ ਏਅਰਸੈੱਲ ਅਤੇ ਬਰੂਕਫੀਲਡ ਦੇ ਨਾਲ ਡੀਲ ਕਰਨ ਤੋਂ ਬਾਅਦ ਘਟਾਉਣਾ ਚਾਹੁੰਦੀ ਹੈ। ਇਨ੍ਹਾਂ ਕੰਪਨੀਆਂ ਨੂੰ ਆਰਕਾਮ 11 ਹਜ਼ਾਰ ਕਰੋੜ ਰੁਪਏ 'ਚ ਆਪਣੀ ਟਾਵਰ ਯੂਨਿਟ ਰਿਲਾਇੰਸ ਇਨਫ੍ਰਾਟੇਲ ਦਾ 51 ਫੀਸਦੀ ਹਿੱਸਾ ਵੇਚ ਰਹੀ ਹੈ। ਸਖਤ ਮੁਕਾਬਲੇ ਤੋਂ ਇਲਾਵਾ ਲਾਗਤ 'ਚ ਵਾਧੇ ਦੇ ਕਾਰਨ ਚੌਥੀ ਤਿਮਾਹੀ ਦੀ ਕਮਾਈ ਵੀ ਪ੍ਰਭਾਵਿਤ ਹੋਈ ਹੈ।