ਇਟਲੀ ਨੇ ਕੋਰੋਨਾਵਾਇਰਸ ਦੀ AstraZeneca ਵੈਕਸੀਨ ਦੀ ਆਸਟਰੇਲੀਆ ਨੂੰ ਜਾਣ ਵਾਲੀ ਖੇਪ ਰੋਕੀ- ਅਹਿਮ ਖ਼ਬਰਾਂ

03/05/2021 8:04:52 AM

ਇਸ ਪੰਨੇ ਰਾਹੀਂ ਤੁਹਾਡੇ ਤੱਕ ਸ਼ਨਿੱਚਰਵਾਰ ਦਾ ਪ੍ਰਮੁੱਖ ਘਟਨਾਕ੍ਰਮ ਪਹੁੰਚਾਵਾਂਗੇ।

ਇਟਲੀ ਸਰਕਾਰ ਨੇ ਆਕਸਫ਼ੋਰਡ-ਐਸਟਰਾਜ਼ਿਨੀਕਾ ਵੈਕਸੀਨ ਦੀ ਆਸਟਰੇਲੀਆ ਨੂੰ ਭੇਜੀ ਜਾਣ ਵਾਲੀ ਖੇਪ ਉੱਪਰ ਰੋਕ ਲਗਾ ਦਿੱਤੀ ਹੈ।

ਇਟਲੀ ਨੇ ਇਹ ਰੋਕ ਯੂਰਪੀ ਯੂਨੀਅਨ ਵੱਲੋਂ ਵੈਕਸੀਨ ਦੀ ਦਰਾਮਦ ਉੱਪਰ ਰੋਕ ਲਾਉਣ ਬਾਰੇ ਬਣਾਏ ਨਵੇਂ ਨਿਯਮਾਂ ਮੁਤਾਬਕ ਲਾਈ ਹੈ। ਨਿਯਮਾਂ ਮੁਤਾਬਕ ਜੇ ਕੋਈ ਕੰਪਨੀ ਯੂਰਪੀ ਯੂਨੀਅਨ ਨਾਲ ਕਰਾਰ ਕੀਤੀਆਂ ਖ਼ੁਰਾਕਾਂ ਦੀ ਸਪਲਾਈ ਕਰਨ ਵਿੱਚ ਅਸਮਰੱਥ ਰਹਿੰਦੀ ਹੈ ਤਾਂ ਦੇਸ਼ ਉਸ ਦਵਾਈ ਨੂੰ ਬਾਹਰ ਭੇਜਣ ਉੱਪਰ ਰੋਕ ਲਗਾ ਸਕਦੇ ਹਨ।

ਇਹ ਵੀ ਪੜ੍ਹੋ:

ਇਟਲੀ ਦੇ ਇਸ ਫ਼ੈਸਲੇ ਨਾਲ ਉੱਥੇ ਤਿਆਰ ਹੋਈਆਂ ਢਾਈ ਲੱਖ ਖ਼ੁਰਾਕਾਂ ਉੱਪਰ ਅਸਰ ਪਵੇਗਾ। ਆਸਟਰੇਲੀਆ ਨੇ ਕਿਹਾ ਹੈ ਇਕ ਇੱਕ ਖੇਪ ਦੇ ਰੁਕਣ ਨਾਲ ਉਸ ਦੇ ਟੀਕਾਕਰਨ ਉੱਪਰ ਅਸਰ ਨਹੀਂ ਪਵੇਗਾ।

ਇਟਲੀ ਨੇ ਪਿਛਲੇ ਹਫ਼ਤੇ ਯੂਰਪੀ ਯੂਨੀਅਨ ਨੂੰ ਖੇਪ ਰੋਕਣ ਦੀ ਆਪਣੀ ਮਨਸ਼ਾ ਤੋਂ ਜਾਣੂ ਕਰਵਾਇਆ ਸੀ।

ਵੀਡੀਓ: ਬੀਬੀਸੀ ਪੰਜਾਬੀ ਨੂੰ ਇੰਝ ਲਿਆਓ ਆਪਣੀ ਹੋਮ ਸਕਰੀਨ ’ਤੇ

https://www.youtube.com/watch?v=xWw19z7Edrs

ਨਿਊਜ਼ੀਲੈਂਡ: ਸੁਨਾਮੀ ਦੀ ਚੇਤਾਵਨੀ ਹਟਾਈ

ਸ਼ੁੱਕਰਵਾਰ ਨੂੰ ਨਿਊਜ਼ੀਲੈਂਡ ਵਿੱਚ ਤਿੰਨ ਸ਼ਕਤੀਸ਼ਾਲੀ ਭੂਚਾਲ ਆਉਣ ਤੋਂ ਬਾਅਦ ਵੱਡੇ ਪੱਧਰ ਤੇ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ’ਤੇ ਪਹੁੰਚਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ। ਉਸ ਤੋਂ ਬਾਅਦ ਹੀ ਸੁਨਾਮੀ ਦੀਆਂ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਜਿਨ੍ਹਾਂ ਨੂੰ ਬਾਅਦ ਵਿੱਚ ਹਟਾ ਦਿੱਤਾ ਗਿਆ।

ਤਟੀ ਇਲਾਕਿਆਂ ਕੋਲ ਤੀਜਾ ਸ਼ਕਤੀਸ਼ਾਲੀ ਭੂਚਾਲ ਆਉਣ ਤੋਂ ਬਾਅਦ ਨੌਰਥ ਇਜ਼ਲੈਂਡ ਦੇ ਨਿਵਾਸੀਆਂ ਨੂੰ ਉੱਥੋਂ ਕੱਢਣ ਦੇ ਹੁਕਮ ਜਾਰੀ ਕੀਤੇ ਗਏ। ਨੈਸ਼ਨਲ ਐਮਰਜੈਂਸੀ ਏਜੰਸੀ ਨੇ ਪੂਰਬੀ ਤਟ ਦੇ ਨਾਲ ਸੁਨਾਮੀ ਦੀ ਚੇਤਾਵਨੀ ਵੀ ਜਾਰੀ ਕਰ ਦਿੱਤੀ।

ਇਸ ਤੋਂ ਬਾਅਦ ਖ਼ਬਰਾਂ ਹਨ ਕਿ ਲੋਕ ਉੱਚੇ ਇਲਾਕਿਆਂ ਵੱਲ ਜਾਣ ਦੀ ਕਾਹਲੀ ਕਰਨ ਲੱਗੇ ਅਤੇ ਅਫ਼ਰਾ-ਤਫ਼ਰੀ ਦਾ ਮਹੌਲ ਬਣ ਗਿਆ।

ਸ਼ੁੱਕਰਵਾਰ ਦੁਪਹਿਰੇ ਪ੍ਰਸ਼ਾਸਨ ਨੇ ਕਿਹਾ ਕਿ ਸਭ ਤੋਂ ਵੱਡੀਆਂ ਲਹਿਰਾਂ ਗੁਜ਼ਰ ਚੁੱਕੀਆਂ ਹਨ। ਨਾਗਰਿਕਾਂ ਨੂੰ ਕਿਹਾ ਗਿਆ ਕਿ ਉਹ ਘਰਾਂ ਨੂੰ ਪਰਤ ਸਕਦੇ ਹਨ ਪਰ ਸਮੁੰਦਰ ਤੋਂ ਦੂਰ ਰਹਿਣ।