ਭਾਰਤੀ ਹਵਾਈ ਸੇਨਾ ਦਾ ਜਹਾਜ਼ ਚੀਨ ਨਾਲ ਸਰਹੱਦ ਨੇੜੇ ਲਾਪਤਾ

ਭਾਰਤੀ ਹਵਾਈ ਸੇਨਾ ਦਾ ਜਹਾਜ਼ ਏਐਨ-32 ਅਸਾਮ ਦੇ ਜੋਰਹਾਟ ਤੋਂ ਉੜਾਨ ਭਰਨ ਤੋਂ ਬਾਅਦ ਲਾਪਤਾ ਹੋ ਗਿਆ ਹੈ।

ਭਾਰਤੀ ਸੇਨਾ ਦੇ ਬੁਲਾਰੇ ਵਿੰਗ ਕਮਾਂਡਰ ਰਤਨਾਕਰ ਸਿੰਘ ਨੇ ਕਿਹਾ ਕਿ ਜਹਾਜ਼ ਵਿੱਚ 13 ਲੋਕ ਸਨ ਜਿੰਨਾਂ ਵਿੱਚੋਂ 8 ਚਾਲਕ ਦਲ ਦੇ ਮੈਂਬਰ ਸਨ। ਸਾਰੇ ਹਵਾਈ ਸੇਨਾ ਨਾਲ ਜੁੜੇ ਸਨ।

ਬੁਲਾਰੇ ਨੇ ਦੱਸਿਆ ਕਿ ਜਹਾਜ਼ ਨੇ ਜੋਰਹਾਟ ਤੋਂ ਦੁਪਹਿਰ 12.45 ਵਜੇ ਅਰੁਣਾਚਲ ਪ੍ਰਦੇਸ਼ ਦੇ ਮੇਚੁਕਾ ਐਡਵਾਂਸ ਲੈਨਡਿੰਗ ਗਰਾਊਂਡ ਦੇ ਲਈ ਉੜਾਨ ਭਰੀ ਸੀ। ਪਰ ਕੁਝ ਹੀ ਸਮੇ ਬਾਅਦ ਜਹਾਜ਼ ਨਾਲ ਸੰਪਰਕ ਟੁੱਟ ਗਿਆ।

ਜਹਾਜ਼ ਦਾ ਏਅਰ ਟ੍ਰੈਫਿਕ ਕੰਟਰੋਲ ਜਾਂ ਏਟੀਸੀ ਨਾਲ ਆਖਰੀ ਸੰਪਰਕ ਦੁਪਹਿਰ ਇੱਕ ਵਜੇ ਹੋਇਆ ਸੀ।

ਜਹਾਜ਼ ਦੇ ਸਮੇਂ ਸਿਰ ਮੇਚੁਕਾ ਐਡਵਾਂਸ ਲੈਨਡਿੰਗ ਗਰਾਊਂਡ ਨਾ ਪਹੁੰਚਣ ''ਤੇ ਭਾਰਤੀ ਹਵਾਈ ਸੇਨਾ ਨੇ ਤਲਾਸ਼ ਸ਼ੁਰੂ ਕੀਤੀ। ਬੁਲਾਰੇ ਨੇ ਦੱਸਿਆ ਕਿ ਵਿਮਾਨ ਦੀ ਤਲਾਸ਼ ਜਾਰੀ ਹੈ।

ਇਹ ਵੀ ਪੜ੍ਹੋ:-

• ਭਾਰਤ-ਪਾਕਿਸਤਾਨ ਦੇ ਨੇਤਾ, ਕਦੇ ਕੱਟੀ ਤੇ ਕਦੇ ਅੱਬਾ
• ''ਮੇਰੇ ਪੁੱਤਰ ਨੇ ਦੂਜਿਆਂ ਨੂੰ ਬਚਾਉਣ ਖ਼ਾਤਰ ਜਾਨ ਦਿੱਤੀ''
• ਦਿੱਲੀ ਦੀਆਂ ਬੱਸਾਂ ਤੇ ਮੈਟਰੋ ''ਚ ਔਰਤਾਂ ਲਈ ਮੁਫ਼ਤ ਸਫ਼ਰ

ਵਿੰਗ ਕਮਾਂਡਰ ਰਤਨਾਕਰ ਸਿੰਘ ਨੇ ਸਥਾਨਕ ਪੱਤਰਕਾਰ ਦਲੀਪ ਕੁਮਾਰ ਸ਼ਰਮਾ ਨੂੰ ਦੱਸਿਆ ਕਿ ਸੁਖੋਈ 30 ਅਤੇ ਸੀ 130 ਹੈਲੀਕਾਪਟਰ ਖੋਜ ਲਈ ਇਸਤੇਮਾਲ ਕੀਤੇ ਜਾ ਰਹੇ ਹਨ। ਨਾਲ ਹੀ ਇਸ ਕੰਮ ਲਈ ਸੇਨਾ ਅਤੇ ਆਈਟੀਬੀਪੀ ਦੀ ਵੀ ਮਦਦ ਲਈ ਜਾ ਰਹੀ ਹੈ।

ਪਹਿਲਾਂ ਵੀ ਹੋਇਆ ਸੀ ਜਹਾਜ਼ ਲਾਪਤਾ

ਸਾਲ 2016 ਵਿੱਚ ਭਾਰਤੀ ਹਵਾਈ ਸੇਨਾ ਦਾ ਏਐਨ-32 ਜਹਾਜ਼ ਲਾਪਤਾ ਹੋ ਗਿਆ ਸੀ। ਇਸ ਜਹਾਜ਼ ਨੇ ਉਸ ਸਮੇ ਚੇਨਈ ਤੋਂ ਅੰਡੇਮਾਨ ਅਤੇ ਨਿਕੋਬਾਰ ਦੇ ਲਈ ਉੜਾਨ ਭਰੀ ਸੀ, ਪਰ ਬੰਗਾਲ ਦੇ ਉਪਰ ਉੜਦੇ ਹੋਏ ਲਾਪਤਾ ਹੋ ਗਿਆ ਸੀ।

ਇਸ ਤੋਂ ਬਾਅਦ ਇਸ ਜਹਾਜ਼ ਦੀ ਖੋਜ ਲਈ ਅਭਿਆਨ ਚਲਾਇਆ ਗਿਆ ਸੀ। ਭਾਰਤੀ ਹਵਾਈ ਸੇਨਾ ਨੂੰ ਇਸ ਸਭ ਤੋਂ ਵੱਡੇ ਤਲਾਸ਼ੀ ਅਭਿਆਨ ਵਿੱਚ ਨਾਕਾਮੀ ਹੱਥ ਲੱਗੀ ਸੀ। ਲਾਪਤਾ ਜਹਾਜ਼ ਨਹੀਂ ਮਿਲਿਆ ਸੀ। ਇਸ ਵਿੱਚ 29 ਲੋਕ ਸਵਾਰ ਸਨ।

ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਲਾਪਤਾ ਜਹਾਜ਼ ਦੇ ਸੰਬੰਧ ਵਿੱਚ ਏਅਰ ਮਾਰਸ਼ਲ ਰਾਕੇਸ਼ ਸਿੰਘ ਭਦੌਰਿਆ ਨਾਲ ਗੱਲ ਕੀਤੀ ਹੈ।

https://twitter.com/rajnathsingh/status/1135498620554305536

ਭਾਰਤੀ ਹਵਾਈ ਸੇਨਾ ਏਐਨ-32 ਨੂੰ 1984 ਤੋਂ ਇਸਤੇਮਾਲ ਕਰ ਰਹੀ ਹੈ। ਇਹ ਯੂਕਰੇਨ ਦੀ ਐਨਤੋਨੋਵ ਸਟੇਟ ਕਾਰਪੋਰੇਸ਼ਨ ਨੇ ਡਿਜ਼ਾਈਨ ਕੀਤਾ ਹੈ।

ਏਐਨ 32 ਸਾਢੇ ਸੱਤ ਕਿਲੋ ਦਾ ਭਾਰ ਲੈ ਕੇ ਜਾ ਸਕਦਾ ਹੈ। ਦੋ ਇੰਜਨ ਵਾਲਾ ਇਹ ਜਹਾਜ਼ 530 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਗਤੀ ਨਾਲ ਉੱਡ ਸਕਦਾ ਹੈ।

ਇਹ ਵੀ ਪੜ੍ਹੋ:-

• ਬੋਰਵੈੱਲ ''ਚ ਡਿੱਗਣ ’ਤੇ ਮਸ਼ਹੂਰ ਹੋਏ ਪ੍ਰਿੰਸ ਦੀ ਜ਼ਿੰਦਗੀ ਕਿੰਨੀ ਬਦਲੀ
• ਘਰ ''ਚ AC ਲੱਗਾ ਹੈ ਤਾਂ ਇਨ੍ਹਾਂ ਗੱਲਾਂ ਵੱਲ ਜ਼ਰੂਰ ਧਿਆਨ ਦਿਓ
• ਮੋਦੀ ਦੀ ਜਿੱਤ ਦਾ ਪਾਕਿਸਤਾਨ ਵਿੱਚ ਜਸ਼ਨ ਕਿਉਂ

https://www.youtube.com/watch?v=xWw19z7Edrs&t=1s

https://www.youtube.com/watch?v=kiW9mJBDgHg

https://www.youtube.com/watch?v=mQdDFhiclng

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER ਅਤੇ YouTube ''ਤੇ ਜੁੜੋ।)