ਮੋਜ਼ਾਂਬਿਕ ''''ਚ ਸਮੁੰਦਰੀ ਤੂਫ਼ਾਨ ਕਾਰਨ ਤਕਰੀਬਨ 1000 ਮੌਤਾਂ ਦਾ ਖਦਸ਼ਾ
Tuesday, Mar 19, 2019 - 10:30 AM (IST)
ਮੋਜ਼ਾਂਬਿਕ ਵਿੱਚ ਆਏ ਸਮੁੰਦਰੀ ਤੂਫ਼ਾਨ (ਸਾਈਕਲੋਨ) ਕਾਰਨ ਤਕਰੀਬਨ 1000 ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ। ਇਹ ਦਾਅਵਾ ਕੀਤਾ ਹੈ ਮੋਜ਼ਾਂਬਿਕ ਰਾਸ਼ਟਰਪਤੀ ਫਿਲਿਪ ਨਿਊਸੀ ਨੇ।
ਮੋਜ਼ਾਂਬਿਕ ਸਾਊਥ ਅਫਰੀਕਾ ਅਤੇ ਜ਼ਿੰਬਾਬਵੇ ਦਾ ਗੁਆਂਢੀ ਮੁਲਕ ਹੈ।
ਰਾਸ਼ਟਰਪਤੀ ਫਿਲਿਪ ਨੇ ਸੋਮਵਾਰ ਨੂੰ ਇਡਾਈ ਸਮੁੰਦਰੀ ਤੂਫ਼ਾਨ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਖੇਤਰਾਂ ਦਾ ਦੌਰਾ ਕੀਤਾ। ਉਨ੍ਹਾਂ ਨੇ ਦਰਿਆ ਵਿੱਚ ਕਈ ਲਾਸ਼ਾਂ ਤੈਰਦੀਆਂ ਦੇਖੀਆਂ।
ਬਿਆਰਾ ਸ਼ਹਿਰ ਦੇ ਨੇੜੇ ਵੀਰਵਾਰ ਨੂੰ ਆਏ ਤੂਫ਼ਾਨ ਕਾਰਨ 177 ਕਿਲੋਮੀਟਰ ਪ੍ਰਤੀ ਘੰਟਾ (106 ਮੀਲ ਪ੍ਰਤੀ ਘੰਟਾ) ਦੀ ਰਫ਼ਤਾਰ ਨਾਲ ਆਈ ਹਨੇਰੀ ਕਾਰਨ ਢਿੱਗਾਂ ਡਿੱਗ ਗਈਆਂ ਪਰ ਮਦਦ ਲਈ ਟੀਮਾਂ ਐਤਵਾਰ ਨੂੰ ਮੌਕੇ ’ਤੇ ਪਹੁੰਚੀਆਂ।
ਯੂਐਨ ਸਹਾਇਤਾ ਵਰਕਰ ਨੇ ਬੀਬੀਸੀ ਨੂੰ ਦੱਸਿਆ ਕਿ ਬਿਆਰਾ ਵਿੱਚ ਹਰੇਕ ਇਮਾਰਤ ਨੁਕਸਾਨੀ ਗਈ ਹੈ ਜੋ ਕਿ ਪੰਜ ਲੱਖ ਲੋਕਾਂ ਦਾ ਘਰ ਸੀ।
ਸੰਯੁਕਤ ਰਾਸ਼ਟਰ ਦੇ ਵਿਸ਼ਵ ਖੁਰਾਕ ਪ੍ਰੋਗਰਾਮ ਦੇ ਜਰਾਲਡ ਬੋਰਕੇ ਦਾ ਕਹਿਣਾ ਹੈ ਕਿ, "ਕੋਈ ਵੀ ਇਮਾਰਤ ਅਜਿਹੀ ਨਹੀਂ ਹੀ ਜੋ ਕਿ ਅਛੂਤੀ ਰਹੀ ਹੋਵੇ। ਇੱਥੇ ਬਿਜਲੀ ਨਹੀਂ ਹੈ। ਇੱਥੇ ਟੈਲੀਕਾਮ ਸੇਵਾ ਨਹੀਂ ਬਚੀ। ਸੜਕਾਂ ਬਿਜਲੀ ਦੀਆਂ ਟੁੱਟੀਆਂ ਤਾਰਾਂ ਨਾਲ ਭਰੀਆਂ ਹੋਈਆਂ ਹਨ।
"ਕਈ ਘਰਾਂ ਦੀਆਂ ਛੱਤਾਂ ਢਹਿ-ਢੇਰੀ ਹੋ ਗਈਆਂ। ਕਈ ਲੋਕ ਬੇਘਰ ਹੋ ਗਏ ਹਨ।"
ਹੜ੍ਹ ਅਤੇ ਹਨੇਰੀ ਕਾਰਨ ਮੌਜ਼ਾਂਬੀਕ ਵਿੱਚ ਆਧਿਕਾਰਿਕ ਮੌਤਾਂ ਦੀ ਗਿਣਤੀ 84 ਹੈ। ਦੱਖਣੀ ਅਫ਼ਰੀਕਾ ਦੇ ਆਲੇ- ਦੁਆਲੇ ਸਮੁੰਦਰੀ ਤੂਫ਼ਾਨ ਕਾਰਨ ਘੱਟੋ-ਘੱਟ 180 ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ।
ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ਼ ਰੈੱਡ ਕਰਾਸ ਐਂਡ ਰੈੱਡ ਕ੍ਰੇਸੈਂਟ ਸੋਸਾਇਟੀ (ਆਈਐਫਆਰਸੀ) ਨੇ ਇਸ ਨੂੰ ਨੁਕਸਾਨ ਨੂੰ ''ਵੱਡਾ ਅਤੇ ਭਿਆਨਕ'' ਦੱਸਿਆ ਹੈ।
ਆਈਐਫ਼ਆਰਸੀ ਦੀ ਮੁਲਾਂਕਣ ਟੀਮ ਦੇ ਮੁਖੀ ਜੈਮੀ ਲੇਸੂਰ ਨੇ ਬੀਬੀਸੀ ਨੂੰ ਦੱਸਿਆ ਕਿ ਲੋਕਾਂ ਨੂੰ ਦਰਖਤਾਂ ਤੋਂ ਬਚਾਇਆ ਜਾਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ-
- ਤਲਾਕਸ਼ੁਦਾ ਪੰਜਾਬਣ ਦੀ ਕਹਾਣੀ ਜਿਸ ਲਈ ਮੁੜ ਵਿਆਹ ਕਰਾਉਣਾ ਬਣੀ ਚੁਣੌਤੀ
- ਇੱਥੇ ਕੁੜੀਆਂ ਨੂੰ ਦੇਹ ਵਪਾਹ ''ਚ ਭੇਜਣਾ ''ਰਵਾਇਤ'' ਹੈ
- ਨਿਊਜ਼ੀਲੈਂਡ ਮਸਜਿਦ ਹਮਲਾ: ਸ਼ੱਕੀਆਂ ਬਾਰੇ ਕੀ ਕੁਝ ਪਤਾ ਹੈ
- ਕੀ ਹੈ ਸੌਨਿਕ ਬੂਮ ਜਿਸ ਨੇ ਅੰਮ੍ਰਿਤਸਰ ਡਰਾਇਆ
ਇਹ ਵੀਡੀਓਜ਼ ਵੀ ਦੇਖੋ-
https://www.youtube.com/watch?v=xWw19z7Edrs&t=1s
https://www.youtube.com/watch?v=V7SZMUjwvwo
https://www.youtube.com/watch?v=gS0YFySU8SU
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)