ਇਹ ਹੈ ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੰਬਰ ਪਲੇਟ, ਕੀਮਤ ਉਡਾ ਦੇਵੇਗੀ ਹੋਸ਼

ਕਰੋੜਾਂ ਰੁਪਏ ਦੀਆਂ ਗੱਡੀਆਂ ਖਰੀਦਣ ਵਾਲੇ ਲੋਕ ਅਕਸਰ ਚਰਚਾ ਦਾ ਵਿਸ਼ਾ ਬਣਦੇ ਹਨ....

ਲੰਡਨ (ਬਿਊਰੋ)— ਕਰੋੜਾਂ ਰੁਪਏ ਦੀਆਂ ਗੱਡੀਆਂ ਖਰੀਦਣ ਵਾਲੇ ਲੋਕ ਅਕਸਰ ਚਰਚਾ ਦਾ ਵਿਸ਼ਾ ਬਣਦੇ ਹਨ। ਪਰ ਇਨੀਂ ਦਿਨੀਂ ਯੂ.ਕੇ. ਵਿਚ ਇਕ ਨੰਬਰ ਪਲੇਟ ਦੀ ਕੀਮਤ ਦੇ ਚਰਚੇ ਹੋ ਰਹੇ ਹਨ। ਇਸ ਦੀ ਕੀਮਤ ਜਾਣ ਕੇ ਤੁਹਾਡੇ ਵੀ ਹੋਸ਼ ਉੱਡ ਜਾਣਗੇ। ਯੂ.ਕੇ. ਵਿਚ ਇਕ ਖਾਸ ਨੰਬਰ ਪਲੇਟ ਦੀ ਕੀਮਤ ਕਰੀਬ 90 ਕਰੋੜ ਰੁਪਏ ਲਗਾਈ ਗਈ ਪਰ ਇਸ ਨੰਬਰ ਪਲੇਟ ਦੇ ਮਾਲਕ ਨੇ ਇਹ ਆਫਰ ਠੁਕਰਾ ਦਿੱਤਾ ਹੈ। 

PunjabKesari

ਇਸ ਪਲੇਟ ਦਾ ਰਜਿਸਟਰੇਸ਼ਨ ਨੰਬਰ F1 ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ F1 ਨੰਬਰ ਫਾਰਮੂਲਾ '1' ਦੀ ਛੋਟਾ ਰੂਪ ਹੈ। ਜਿਸ ਕਾਰਨ ਇਸ ਦੀ ਕੀਮਤ ਇੰਨੀ ਜ਼ਿਆਦਾ ਹੈ। F1 ਪਲੇਟ ਦੀ ਵਰਤੋਂ ਯੂ.ਕੇ. ਦੀ ਸਭ ਤੋਂ ਮਸ਼ਹੂਰ ਕਾਰ ਕਸਟਮਾਈਜ਼ਰ ਕੰਪਨੀ ਦੇ ਮਾਲਕ ਅਫਜ਼ਲ ਖਾਨ ਕਰਦੇ ਹਨ। ਉਨ੍ਹਾਂ ਨੇ ਕਰੀਬ 10 ਸਾਲ ਪਹਿਲਾਂ ਇਸ ਨੂੰ 4 ਕਰੋੜ ਰੁਪਏ ਵਿਚ ਖਰੀਦਿਆ ਸੀ।

PunjabKesari

ਅਫਜ਼ਲ ਨੇ ਦੱਸਿਆ ਕਿ ਉਨ੍ਹਾਂ ਕੋਲ 60 ਤੋਂ ਜ਼ਿਆਦਾ ਯੂਨਿਕ (ਵਿਲੱਖਣ) ਰਜਿਸਟਰੇਸ਼ਨ ਨੰਬਰ ਹਨ ਅਤੇ ਹਰੇਕ ਰਜਿਸਟਰੇਸ਼ਨ ਨੰਬਰ ਦੀ ਇਕ ਵੱਖਰੀ ਕਹਾਣੀ ਹੈ। ਖਬਰ ਮੁਤਾਬਕ ਜੇ ਅਫਜ਼ਲ ਇਸ ਨੂੰ ਵੇਚਣ ਲਈ ਤਿਆਰ ਹੁੰਦੇ ਹਨ ਤਾਂ ਉਹ ਦੁਨੀਆ ਦੀ ਸਭ ਤੋਂ ਮਹਿੰਗੀ ਰਜਿਸਟਰੇਸ਼ਨ ਪਲੇਟ ਵੇਚਣ ਦਾ ਇਕ ਨਵਾਂ ਰਿਕਾਰਡ ਬਣਾ ਸਕਦੇ ਹਨ।

  • world
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ