BMW ਭਾਰਤ 'ਚ ਜਲਦ ਲਾਂਚ ਕਰੇਗੀ S1000RR ਬਾਈਕ, ਜਾਣੋ ਕੀਮਤ

ਸਾਲ 2018 ਦੇ EICMA ਮੋਟਰਸਾਈਕਲਸ ਸ਼ੋਅ ''''ਚ ਪੇਸ਼ ਕੀਤੀ........

ਆਟੋ ਡੈਸਕ—ਸਾਲ 2018 ਦੇ EICMA ਮੋਟਰਸਾਈਕਲਸ ਸ਼ੋਅ 'ਚ ਪੇਸ਼ ਕੀਤੀ ਗਈ ਨੈਕਸਟ-ਜਨਰੇਸ਼ਨ BMW S1000 RR ਭਾਰਤ 'ਚ ਆਉਣ ਲਈ ਤਿਆਰ ਹੈ। ਕੰਪਨੀ ਨੇ ਟਵੀਟ ਤੋਂ ਰਾਹੀਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ  BMW S1000RR ਜਲਦ ਹੀ ਭਾਰਤ 'ਚ ਲਾਂਚ ਕੀਤੀ ਜਾਵੇਗੀ। ਪੁਰਾਣੇ ਮਾਡਲ ਦੀ ਤੁਲਨਾ 'ਚ ਨਵੀਂ BMW S1000RR 'ਚ ਕਈ ਬਦਲਾਅ ਕੀਤੇ ਗਏ ਹਨ।

PunjabKesari

ਨਵੀਂ ਬਾਈਕ ਦੇ ਡਿਜ਼ਾਈਨ 'ਚ ਸਭ ਤੋਂ ਵੱਡਾ ਬਦਲਾਅ ਇਸ ਦੇ ਫਰੰਟ 'ਚ ਹੋਇਆ ਹੈ। ਇਸ 'ਚ ਨਵੀਂ ਫੇਅਰਿੰਗ ਅਤੇ ਟਵਿਨ ਹੈਡਲੈਂਪ ਕਲਸਟਰ ਦਿੱਤੇ ਗਏ ਹਨ। ਇਸ 'ਚ ਐੱਲ.ਈ.ਡੀ. ਹੈਡਲੈਂਪ ਅਤੇ ਡੇਟਾਈਮ ਰਨਿੰਗ ਲਾਈਟਸ ਦਿੱਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਵੀ ਡਿਜ਼ਾਈਨ 'ਚ ਕੁਝ ਹੋਰ ਬਦਲਾਅ ਹੋਏ ਹਨ। ਬਾਈਕ ਕਾਫੀ ਸ਼ਾਰਪ ਦਿਖਦੀ ਹੈ।

ਨਵੀਂ ਬੀ.ਐੱਮ.ਡਬਲਿਊ. ਐੱਸ1000ਆਰ.ਆਰ. 'ਚ 998 ਸੀ.ਸੀ. ਦਾ ਇੰਜਣ ਦਿੱਤਾ ਗਿਆ ਹੈ। ਇਹ ਇੰਜਣ 204 ਬੀ.ਐੱਚ.ਪੀ. ਦੀ ਪਾਵਰ ਅਤੇ 83 ਐੱਨ.ਐੱਮ. ਪੀਕ ਟਾਰਕ ਜਨਰੇਟ ਕਰਦਾ ਹੈ। ਪੁਰਾਣੇ ਮਾਡਲ ਦੀ ਤੁਲਨਾ 'ਚ ਇਸ 'ਚ 8 ਬੀ.ਐੱਚ.ਪੀ. ਜ਼ਿਆਦਾ ਪਾਵਰ ਹੈ। ਇਸ ਨਵੀਂ ਬਾਈਕ 'ਚ ਪੁਰਾਣੇ ਮਾਡਲ ਤੋਂ ਕਰੀਬ 10 ਕਿਲੋਗ੍ਰਾਮ ਹਲਕੀ ਹੈ। ਬਾਈਕ ਦਾ ਵਜ਼ਨ 197 ਕਿਲੋਗ੍ਰਾਮ ਹੈ।

PunjabKesari

ਫੀਚਰਸ ਅਤੇ ਕੀਮਤ
ਨਵੀਂ ਬਾਈਕ ਲੇਟੈਸਟ ਫੀਚਰਸ ਨਾਲ ਲੈਸ ਹੈ। ਇਸ 'ਚ ਏ.ਬੀ.ਐੱਸ., ਏ.ਬੀ.ਐੱਸ. ਪ੍ਰੋਅ, ਡਾਈਨੈਮਿਕ ਟਰੈਕਸ਼ਨ ਕੰਟਰੋਲ ਅਤੇ ਵੀਲੀ ਕੰਟਰੋਲ ਸਮੇਤ ਹੋਰ ਸੈਫਟੀ ਫੀਚਰਸ ਦਿੱਤੇ ਗਏ ਹਨ। ਬਾਈਕ 'ਚ ਲਾਂਚ ਕੰਟਰੋਲ ਅਤੇ ਪਿਟ-ਲੇਨ ਸਪੀਡ ਲਿਮਿਟ ਵੀ ਹੈ। ਇਸ 'ਚ ਚਾਰ ਰਾਇੰਡਗ ਮੋਡ (ਰੋਡ, ਰੇਨ, ਡਾਈਨੈਮਿਕ ਅਤੇ ਰੇਸ) ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਇਸ 'ਚ 6.5 ਇੰਚ ਦਾ ਟੀ.ਐੱਫ.ਟੀ. ਇੰਸਟਰੂਮੈਂਟ ਕੰਸੋਲ, ਬਾਇਰ-ਡਾਇਰੈਕਸ਼ਨਲ ਕਵਿਕ-ਸ਼ਿਫਟਰ ਅਤੇ ਕਰੂਜ਼ ਕੰਟਰੋਲ ਫੀਚਰਸ ਵੀ ਹੈ। ਇਸ ਦੀ ਕੀਮਤ 20-22 ਲੱਖ ਰੁਪਏ ਕਰੀਬ ਹੋ ਸਕਦੀ ਹੈ।

  • India
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ