ਇਟਲੀ ਦੇ ਇਸ ਸ਼ਾਨਦਾਰ ਰਿਜ਼ੋਰਟ 'ਚ ਹੋਇਆ ਵਿਰਾਟ-ਅਨੁਸ਼ਕਾ ਦਾ ਵਿਆਹ, ਦੇਖੋ ਖਾਸ ਤਸਵੀਰਾਂ
12/12/2017 5:08:12 PM
ਤੁਸਕਾਨਾ (ਬਿਊਰੋ)— ਇਟਲੀ ਦੇ ਤੁਸਕਾਨਾ ਵਿਚ 11 ਦਸੰਬਰ, ਸੋਮਵਾਰ ਨੂੰ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦੇ ਵਿਆਹ ਦਾ ਸਮਾਰੋਹ ਖਤਮ ਹੋਇਆ। ਇਟਲੀ ਦਾ ਇਹ ਇਲਾਕਾ ਸ਼ਹਿਰੀ ਰੌਲੇ-ਰੱਪੇ ਤੋਂ ਬਹੁਤ ਦੂਰ ਹੈ। ਇਹ ਬੇਹੱਦ ਸੁਰੱਖਿਅਤ ਜਗ੍ਹਾ ਹੈ। ਆਮ ਤੌਰ ਉੱਤੇ ਇਹ ਜਗ੍ਹਾ ਸਰਦੀਆਂ ਵਿਚ ਬੰਦ ਰਹਿੰਦੀ ਹੈ। ਇਸਨੂੰ ਵਿਰਾਟ ਅਨੁਸ਼ਕਾ ਦੇ ਵਿਆਹ ਲਈ ਦਸੰਬਰ ਵਿਚ ਖੋਲ੍ਹਿਆ ਗਿਆ।
ਅਨੁਸ਼ਕਾ ਦੀ ਚੁਆਇਸ ਨੂੰ ਰੱਖਿਆ ਗਿਆ ਖਾਸ
ਤਿੰਨ ਸਾਲ ਪਹਿਲਾਂ ਹਾਰਪਰ ਮੈਗਜ਼ੀਨ ਲਈ ਦਿੱਤੇ ਗਏ ਇਕ ਇੰਟਰਵਿਊ ਵਿਚ ਅਨੁਸ਼ਕਾ ਸ਼ਰਮਾ ਨੇ ਕਿਹਾ ਸੀ ਕਿ ਜੇਕਰ ਉਹ ਡੈਸਟੀਨੇਸ਼ਨ ਵੈਡਿੰਗ ਕਰਾਂਗੀ ਤਾਂ ਵਿਨਯਾਰਡ ਵਰਗੀ ਜਗ੍ਹਾ ਉਨ੍ਹਾਂ ਦੀ ਪਹਿਲੀ ਪਸੰਦ ਹੋਵੇਗੀ। 2017 ਵਿਚ ਹੋਈ ਇਸ ਵਿਆਹ ਵਿਚ ਵੀ ਅਨੁਸ਼ਕਾ ਦੀ ਚੁਆਇਸ ਵਿਨਯਾਰਡ ਖਾਸ ਰਿਹਾ।
ਇਕ ਇਤਿਹਾਸਕ ਜਗ੍ਹਾ
ਵਿਆਹ ਤੋਂ ਪਹਿਲਾਂ ਆ ਰਹੀਆਂ ਖਬਰਾਂ ਵਿਚ ਮਿਲਾਨ ਦਾ ਜ਼ਿਕਰ ਕੀਤਾ ਜਾ ਰਿਹਾ ਸੀ। ਪਰ ਇਸ ਸੈਲੀਬਰੇਟੀ ਕਪਲ ਨੇ ਮਿਲਾਨ ਤੋਂ ਚਾਰ ਘੰਟੇ ਦੀ ਦੂਰੀ ਉੱਤੇ ਸਾਊਥ ਇਟਲੀ ਦੇ ਤੁਸਕਾਨੀ ਵਿਚ ਸੱਤ ਫੇਰੇ ਲਏ। ਜਿੱਥੇ ਵਿਰਾਟ-ਅਨੁਸ਼ਕਾ ਦੇ ਵਿਆਹ ਦਾ ਫੰਕਸ਼ਨ ਹੋਇਆ ਉਹ ਇਕ ਇਤਿਹਾਸਕ ਜਗ੍ਹਾ ਹੈ।
ਵਿਲੇ ਨੂੰ ਇਸ ਰੂਪ 'ਚ ਲਿਆਉਣ ਲਈ 8 ਸਾਲ ਲੱਗੇ
ਤੁਸਕਾਨੀ ਵੀ ਲੱਗਭੱਗ ਇਕ ਘੰਟੇ ਦੀ ਦੂਰੀ ਉੱਤੇ ਸਥਿਤ ਇਸ ਜਗ੍ਹਾ ਨੂੰ ਬੋਰਗੋ ਫਿਨੋਸ਼ੀਟੋ ਦੇ ਨਾਮ ਤੋਂ ਜਾਣਿਆ ਜਾਂਦਾ ਹੈ। 13ਵੀਂ ਸ਼ਤਾਬਦੀ ਵਿਚ ਬਣੇ ਇਸ ਪਿੰਡ ਵਿਚ ਪੰਜ ਵੱਡੇ ਵਿਲੇ ਹਨ। ਬੋਰਗੋ ਸ਼ਬਦ ਦਾ ਮਤਲਬ ਇਟਾਲੀਅਨ ਵਿਚ ਪਿੰਡ ਹੁੰਦਾ ਹੈ। ਫਿਨੋਸ਼ੀਟੋ ਦਾ ਇਟਾਲੀਅਨ ਵਿਚ ਮਤਲਬ ਆਰਕਿਡ ਹੁੰਦਾ ਹੈ। 2001 ਵਿਚ ਇਸ ਪ੍ਰਾਪਰਟੀ ਨੂੰ ਖਰੀਦਣ ਵਾਲੇ ਵਿਅਕਤੀ ਨੂੰ ਇਸ ਰੂਪ ਵਿਚ ਲਿਆਉਣ 'ਚ ਅੱਠ ਸਾਲ ਲੱਗੇ।
ਜਿਹੋ-ਜਿਹਾ ਅਨੁਸ਼ਕਾ ਨੇ ਸੋਚਿਆ, ਉਹੋ ਜਿਹਾ ਰੱਖਿਆ ਗਿਆ ਵੈਨਿਊ
ਇਸ ਸਮੇਂ ਵਿਚ ਇਸ ਜਗ੍ਹਾ ਉੱਤੇ 44 ਲੋਕ 22 ਕਮਰਿਆਂ ਵਿਚ ਰਹਿ ਸਕਦੇ ਹਨ। ਇਹੀ ਵਜ੍ਹਾ ਰਹੀ ਕਿ ਵਿਰਾਟ ਅਤੇ ਅਨੁਸ਼ਕਾ ਨੇ ਆਪਣੇ ਦੋਸਤਾਂ ਨੂੰ ਵਿਆਹ ਦਾ ਨਿਓਤਾ ਨਹੀਂ ਦਿੱਤਾ। ਹੁਣ 26 ਨੂੰ ਮੁੰਬਈ ਵਿਚ ਹੋਣ ਵਾਲੀ ਰਿਸੈਪਸ਼ਨ ਵਿਚ ਸਾਰਿਆਂ ਨੂੰ ਬੁਲਾਇਆ ਗਿਆ ਹੈ। ਇਸ ਜਗ੍ਹਾ ਤੋਂ ਇਕ ਘੰਟੇ ਦੀ ਦੂਰੀ ਉੱਤੇ ਫਲੋਰੇਂਸ ਅਤੇ ਲੱਗਭੱਗ ਦੋ ਘੰਟੇ ਦੀ ਦੂਰੀ ਉੱਤੇ ਰੋਮ ਹੈ। ਜਿਹੋ-ਜਿਹਾ ਅਨੁਸ਼ਕਾ ਨੇ ਤਿੰਨ ਸਾਲ ਪਹਿਲਾਂ ਸੋਚਿਆ ਸੀ ਉਨ੍ਹਾਂ ਨੇ ਆਪਣਾ ਵਿਆਹ ਦਾ ਵੈਨਿਊ ਉਹੋ ਜਿਹਾ ਹੀ ਰੱਖਿਆ।
ਉਬਾਮਾ ਵੀ ਆ ਚੁੱਕੇ ਹਨ ਇੱਥੇ
ਇਸ ਜਗ੍ਹਾ ਦਾ ਇਤਿਹਾਸਕ ਮਹੱਤਵ ਹੈ ਕਿਉਂਕਿ ਇਹ ਲੱਗਭਗ 700 ਸਾਲ ਪੁਰਾਣੀ ਹੈ। ਮੌਜੂਦਾ ਸਮੇਂ ਵਿਚ ਇਸ ਜਗ੍ਹਾ ਨੂੰ ਹਾਈ ਪ੍ਰੋਫਾਈਲ ਡੈਸਟੀਨੇਸ਼ਨ ਵੈਡਿੰਗ ਲਈ ਪ੍ਰਫੈਕਟ ਮੰਨਿਆ ਜਾ ਰਿਹਾ ਹੈ। ਇਸ ਜਗ੍ਹਾ ਵਿਚ ਓਬਾਮਾ ਵੀ ਆਪਣੀ ਫੈਮਿਲੀ ਨਾਲ ਵੋਕੇਸ਼ਨ ਉੱਤੇ ਆ ਚੁੱਕੇ ਹਨ।
ਦੁਨੀਆ ਦੀਆਂ ਸਭ ਤੋਂ ਮਹਿੰਗੀਆਂ ਥਾਵਾਂ 'ਚ ਰੱਖਿਆ ਗਿਆ
ਤੁਸਕਾਨੀ ਦੇ ਇਸ ਵਿਲਾ ਨੂੰ ਫਾਰਬਸ ਦੀ ਦੁਨੀਆ ਦੀ 20 ਸਭ ਤੋਂ ਮਹਿੰਗੀਆਂ ਡੈਸਟੀਨੇਸ਼ਨ ਲਿਸਟ ਵਿਚ ਰੱਖਿਆ ਗਿਆ। ਇਸ ਵਿਲਾ ਵਿਚ ਇਕ ਇਨਸਾਨ ਦੇ ਇਕ ਹਫਤਾ ਗੁਜ਼ਾਰਨੇ ਦੀ ਕੀਮਤ ਲੱਗਭੱਗ 1 ਕਰੋੜ ਰੁਪਏ ਹੈ। ਇੱਥੇ ਇਕ ਰਾਤ ਰੁਕਣ ਦੀ ਕੀਮਤ 6,50,000 ਤੋਂ ਲੈ ਕੇ 14,00,000 ਤੱਕ ਹੈ।
