ਪ੍ਰੋ ਕਬੱਡੀ ਲੀਗ: ਰੌਮਾਂਚਕ ਮੈਚ ''ਚ ਯੂ ਮੁੱਬਾ ਨੇ ਦਿੱਲੀ ਹਰਾਇਆ

ਨਵੀਂ ਦਿੱਲੀ— ਵਧੀਆ ਸ਼ੁਰੂਆਤ ਮਿਲਣ ਤੋਂ ਬਾਅਦ ਵੀ ਦਬੰਗ ਦਿੱਲੀ ਇਸ ਦਾ ਫਾਇਦਾ ਨਹੀਂ ਚੁੱਕ ਸਕੀ ਅਤੇ ਪ੍ਰੋ ਕਬੱਡੀ ਲੀਗ ਦੇ 5ਵੇਂ ਸੈਸ਼ਨ 'ਚ ਸ਼ੁੱਕਰਵਾਰ ਨੂੰ ਆਪਣੇ ਘਰ 'ਚ ਸਿਰਫ 2 ਅੰਕਾਂ ਦੇ ਅੰਤਰ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਯੂ ਮੁੱਬਾ ਨੇ ਦਿੱਲੀ 'ਤੇ ਬੜ੍ਹਤ ਬਣਾਉਣ ਤੋਂ ਬਾਅਦ ਵਾਪਸੀ ਕਰਦੇ ਹੋਏ 30-28 ਨਾਲ ਹਰਾ ਦਿੱਤਾ। ਮੁੰਬਈ ਦੀ ਜਿੱਤ ਦੇ ਹੀਰੋ ਸ਼੍ਰੀਕਾਂਤ ਜਾਧਵ ਨੇ 11 ਅੰਕ ਅਤੇ ਕਾਸ਼ਿਲਿੰਗ ਅਦਾਕੇ ਨੇ 7 ਅੰਕ ਹਾਸਲ ਕੀਤੇ। ਯੂ ਮੁੱਬਾ ਨੇ ਪਹਿਲੇ ਹਾਫ 'ਚ ਅੰਕ 16-16 ਨਾਲ ਬਰਾਬਰੀ 'ਤੇ ਕਰ ਦਿੱਤਾ ਸੀ। ਦੂਸਰੇ ਹਾਫ 'ਚ 35ਵੇਂ ਮਿੰਟ ਤਕ ਅੰਕ 25-25 ਨਾਲ ਬਰਾਬਰੀ 'ਤੇ ਸੀ। ਯੂ ਮੁੱਬਾ ਨੇ ਲਗਾਤਾਰ 2 ਅੰਕ ਹਾਸਲ ਕਰਕੇ ਸਕੋਰ 27-25 ਕਰ ਦਿੱਤਾ ਅਤੇ ਇਸ ਬੜ੍ਹਤ ਨੂੰ ਆਖਰ ਤਕ ਕਾਇਮ ਰੱਖਿਆ 'ਤੇ ਯੂ ਮੁੱਬਾ ਨੇ ਦਿੱਲੀ ਨੂੰ 30-28 ਨਾਲ ਹਰਾ ਦਿੱਤਾ। ਦਿੱਲੀ ਦੀ ਗਰੁੱਪ 'ਏ' 'ਚ 13 ਮੈਚਾਂ 'ਚ ਇਹ 8ਵੀਂ ਹਾਰ ਹੈ ਅਤੇ ਉਹ 29 ਅੰਕਾਂ ਦੇ ਨਾਲ ਗਰੁੱਪ 'ਚ ਆਖਰੀ ਸਥਾਨ 'ਤੇ ਹੈ।