ਬੰਗਲਾਦੇਸ਼ ਖਿਲਾਫ ਦਮਦਾਰ ਪ੍ਰਦਰਸ਼ਨ ਕਰਨ ਲਈ ਬੇਤਾਬ ਹਾਂ : ਹੇਜਲਵੁੱਡ

Sunday, August 13, 2017 8:36 PM
ਬੰਗਲਾਦੇਸ਼ ਖਿਲਾਫ ਦਮਦਾਰ ਪ੍ਰਦਰਸ਼ਨ ਕਰਨ ਲਈ ਬੇਤਾਬ ਹਾਂ : ਹੇਜਲਵੁੱਡ

ਮੇਲਬੋਰਨ — ਆਸਟਰੇਲੀਆ ਦੇ ਤੇਜ਼ ਗੇਂਦਬਾਜ਼ ਜੋਸ਼ ਹੇਜਲਵੁੱਡ ਨੇ ਕਿਹਾ ਕਿ ਉਹ ਬੰਗਲਾਦੇਸ਼ ਖਿਲਾਫ ਇਸ ਮਹੀਨੇ ਦੇ ਅਖੀਰ 'ਚ ਸ਼ੁਰੂ ਹੋ ਰਹੀ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ 'ਚ ਦਮਦਾਰ ਪ੍ਰਦਰਸ਼ਨ ਲਈ ਬੇਤਾਬ ਹੈ ਅਤੇ ਉਸ ਦਾ ਟੀਚਾ ਮੇਜਬਾਨ ਟੀਮ ਨੂੰ ਕਰਾਰੀ ਹਾਰ ਦੇਣ ਦਾ ਹੈ। ਟੀਮ 'ਚ ਸਟਾਰ ਗੇਂਦਬਾਜ਼ ਮਿਸ਼ੇਲ ਸਟਾਰਕ ਅਤੇ ਜੇਮਸ ਪੈਟਿੰਸਨ ਜ਼ਖਮੀ ਹੋਣ ਕਾਰਨ ਟੀਮ 'ਚ ਸ਼ਾਮਲ ਨਹੀਂ ਕੀਤੇ ਗਏ ਅਤੇ ਉਸ ਦੀ ਅਨੁਸਥਿਤੀ 'ਚ ਹੇਜਲਵੁੱਡ ਦੀ ਜਿੰਮੇਦਾਰੀ ਵੱਧ ਗਈ ਹੈ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਤੀਜੇ ਅਤੇ ਚੌਥੇ ਟੈਸਟ 'ਚ ਨਹੀਂ ਖੇਡ ਸਕਿਆ ਸੀ।
ਉਸ ਨੇ ਇਸ ਤੋਂ ਬਾਅਦ ਜੂਨ 'ਚ ਇੰਗਲੈਂਡ ਦੀ ਮੇਜਬਾਨੀ 'ਚ ਹੋਈ ਚੈਂਪੀਅਨਸ ਟਰਾਫੀ 'ਚ ਵਾਪਸੀ ਕੀਤੀ ਸੀ ਪਰ ਜਲਦ ਹੀ ਉਸ ਨੂੰ ਸੱਟ ਦੇ ਕਾਰਨ ਟੂਰਨਾਮੈਂਟ ਤੋਂ ਬਾਹਰ ਬੈਂਠਣਾ ਪਿਆ ਸੀ। ਦੂਜੇ ਪਾਸੇ ਪੈਟਿੰਸਨ ਦੇ ਪਿੱਠ ਦਰਦ ਦੀ ਸ਼ਿਕਾਇਤ ਹੈ ਅਤੇ ਉਹ ਵੀ ਬੰਗਲਾਦੇਸ਼ ਖਿਲਾਫ ਨਹੀਂ ਖੇਡ ਸਕੇਗਾ। ਹੇਜਲਵੁੱਡ ਨੇ ਕਿਹਾ ਕਿ ਟੀਮ ਦੇ ਕੁਝ ਅਹਿਮ ਗੇਂਦਬਾਜ਼ਾਂ ਦੇ ਜ਼ਖਮੀ ਹੋ ਜਾਣ ਨਾਲ ਮੇਰੀ ਜਿੰਮੇਦਾਰੀ ਹੋਰ ਵੱਧ ਗਈ ਹੈ ਪਰ ਸੱਟ ਦੇ ਵਿਸ਼ੇ 'ਚ ਤੁਸੀਂ ਕੁਝ ਵੀ ਨਹੀਂ ਕਰ ਸਕਦੇ। ਟੀਮ 'ਚ ਬਹੁਤ ਪ੍ਰਤੀਭਾਸ਼ਾਲੀ ਜੂਨੀਅਰ ਖਿਡਾਰੀ ਮੌਜੂਦ ਹੈ ਜੋਂ ਬਿਹਤਰੀਨ ਪ੍ਰਦਰਸ਼ਨ ਕਰਨ 'ਚ ਸਮਰੱਥ ਹੈ। ਸਟਾਰਕ ਅਤੇ ਪੈਟਿੰਸਨ ਗੈਰਹਾਜ਼ਰੀ 'ਚ ਪੈਟ ਕਮਿੰਸ ਅਤੇ ਜੈਕਸਨ ਬਰਡ ਹੇਜਲਵੁੱਡ ਦਾ ਸਾਥ ਦੇਵੇਗਾ। ਬੰਗਲਾਦੇਸ਼ ਦੀ ਸਪਿਨ ਨੂੰ ਮਦਦਗਾਰ ਧਿਆਨ 'ਚ ਰੱਖਦੇ ਹੋਏ ਟੀਮ 'ਚ ਤਿੰਨ ਸਪਿੰਨਰਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਟੀਮ 'ਚ ਆਫ ਸਪਿੰਨਰ ਲਿਓਨ, ਲੇਫਟ ਆਰਮ ਸਪਿਨਰ ਏਸਟਨ ਏਗਰ ਤੋਂ ਇਲਾਵਾ ਸਵੇਪਸ਼ਨ ਨੂੰ ਮੌਕਾ ਦਿੱਤਾ ਗਿਆ ਹੈ। ਹੇਜਲਵੁੱਡ ਨੇ ਬੰਗਲਾਦੇਸ਼ ਟੀਮ ਦੇ ਬਾਰੇ 'ਚ ਕਿਹਾ ਕਿ ਬੰਗਲਾਦੇਸ਼ ਦੀ ਟੀਮ ਇਕ ਵਿਸ਼ਵ ਪੱਧਰੀ ਟੀਮ ਹੈ। ਉਸ ਨੇ ਪਿਛਲੇ ਸਾਲ ਇੰਗਲੈਂਡ ਤੋਂ ਘਰੇਲੂ ਸੀਰੀਜ਼ 1-1 ਬਰਾਬਰ ਖੇਡੀ ਸੀ ਜਦੋਂ ਕਿ ਚੈਂਪੀਅਨਸ ਟਰਾਫੀ 'ਚ ਵੀ ਉਸ਼ ਦੇ ਪ੍ਰਦਰਸ਼ਨ ਨੂੰ ਨਜ਼ਰ ਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਹੈ। ਸਾਨੂੰ ਮੇਜਬਾਨ ਟੀਮ ਤੋਂ ਸਖਤ ਚੁਣੌਤੀ ਮਿਲੇਗੀ ਪਰ ਸਾਨੂੰ ਇਸ ਨਾਲ ਨਿਪਟਨ ਦੇ ਲਈ ਪੂਰੀ ਤਰ੍ਹਾਂ ਨਾਲ ਤਿਆਰ ਹਾਂ। ਆਸਟਰੇਲੀਆ ਅਤੇ ਬੰਗਲਾਦੇਸ਼ ਦੇ ਵਿਚਾਲੇ ਸੀਰੀਜ਼ ਦਾ ਪਹਿਲਾਂ ਟੈਸਟ 27 ਅਗਸਤ ਤੋਂ ਮੀਰਪੁਰ 'ਚ ਅਤੇ ਦੂਜਾ ਟੈਸਟ ਚਾਰ ਸਤੰਬਰ ਤੋਂ ਚਟ 'ਚ ਖੇਡਿਆ ਜਾਵੇਗਾ।



ਕੀ ਇਕ ਜੀਵਨਸਾਥੀ ਲੱਭ ਰਹੇ ਹੋ? ਪੰਜਾਬੀ ਮੈਟਰੀਮੋਨੀ ਵਿਚ ਰਜਿਸਟ੍ਰੇਸ਼ਨ ਮੁਫਤ ਹੈ